Jelemiya 47:2 - Baibo Busansulushi Bwa Libuku Ili

² Mwaami Lesa waamba ayi, “Amubone maanshi mbwaatoonyamooka kumatwa. Alaakunookunkabo anga ngumulonga wasefuka. Ncakwiila alaakufwekelesha cishi ashintu shoonse shiliimo, mandabala abantu abo bekalaamo. Bantu balaakulila, boonse bekala mucishi ico balaakulila cakoolobesha.

Jelemiya 47:2 ပူးပေါင်းရင်းမြစ်များ

Kulumbaisha 24:1

Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Kulumbaisha 50:12

“Niyalinga nsala yankola, naakwiinga nshisengi ndimwe cakulya mukwiinga cishi ashintu shoonse shili mumo nshaangu.

Kulumbaisha 96:11

Liculu acishi ca panshi ashisangalale! Alwalo lweenge aluwoote pantu pomwi ashintu shoonse shiliimo!

Kulumbaisha 98:7

Lweenge aluwoote pantu pomwi ashintu shoonse shiliimo! Cishi ca panshi aciimbe pantu pomwi aboonse bekala muli ncico.

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.

Isaya 15:8

Kooloma kwabo kutoonyumfwika mumanyinsa oonse a Moabu, mibila yabo kuEgilaimu balishiiteemobo, ncakwiila kulila kwabo kulinyumfwikite akuBiya Elimu.

Isaya 22:1

Aya ngamaswi aamba paCinyika ca cili anga Nciloto. Ono nciinshi cacitika calenga ayi noonse mutante peculu pashiluli shanu?

Isaya 28:17

Ndaakulengesha ayi koombolosha cakutanyengelela kuba ntambo yakuyakisha, ee, bululami kuba ncecipimo.” Lyalo ciyubilo canu, ee, bubeshi, cilaakutolwa amfuula ya mabwe, maanshi alaakufwekelesha misena momuyubila.

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Jelemiya 1:14

Lyalo Mwaami Lesa wakakumbula ayi “Mapensho alaakuswa kumatwa akunyonyoola bantu boonse bekala mucishi cilya.

Jelemiya 46:12

Mishobo ya bantu ilaakunyumfwa shakusebaana kwanu, Kulila kwanu kulaakunyumfwika mucishi coonse ca panshi. Bashilumamba banu balaakunoolimbana akuwita panshi boonse pantu pomwi.”

Jelemiya 46:13

Mwaami Lesa wakaŋambila nebo neJelemiya makani aya pakwisa kwakwe Nebukadinesa mwaami wa bene Babiloni mukulwana Ijipiti. Wakaamba ayi,

Jelemiya 46:20

“Cishi ca Ijipiti ncibotubo anga nimpwishi yaana, sombi mpobe shitoosa mukwiiluma kuswa kumatwa.

Jelemiya 46:24

Bene Ijipiti balaakulenshekwa nsoni. Balaakwaabwa kubantu bakumatwa. Nebo neMwaami Lesa ndaamba.”

Jelemiya 48:39

Amubone mbocapwayoolwa! Amunyumfwe mbobatokooloma! Amubone mbocafutata ceebo ca nsoni. Cishi ca Moabu casekwa akuba ciloondesha kubaabo bacishingulukite. Nebo neMwaami Lesa ndaamba.”

Jelemiya 6:22

Mwaami Lesa waamba ayi, “Amubone likoto lya bashilumamba litooswa kucishi cakumatwa, ee, mushobo uyumu abuumbi wa kweela cishi ca panshi utoosonkomonwa.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Danyelo 11:22

Ulaakucaya likoto lya bashilumamba linene abuumbi pantu pomwi amupailishi munene wakwe Lesa.

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.

1 Bene Kolinto 10:26

Mbuli Malembo akwe Lesa mbwaamba ayi, “Cishi ca panshi ashoonse shiliimo nsha Mwaami Lesa.”

1 Bene Kolinto 10:28

Sombi na umwi muntu wakwaambila ayi, “Cakulya ici cakalinga capekwa kushibumbwabumbwa,” utacili ceebo ca wooyo wakulwiita alimwi acakupenshekwa amoyo.

Jemusi 5:1

Amukutike ono nobabile, amulile buumpute amibila ceebo ca mapensho atoosa pali ndimwe.

Ciyubululo 17:1

Lyalo umwi munjelo pakati ka baabo bali bosanwe abobilo bakalinga kucite mbale shifongomene shosanwe ashobilo, wakesa mukundwiita ayi, “Kosa nkuboneshe mbuli mwanakashi mufuule uyo wakaya mpuwo mbweshi akapekwe mulandu, njendabala inene iyo ili pafwaafwi amilonga iinji.

Ciyubululo 17:15

Munjelo uyu alimwi wakaŋambila ayi, “Maanshi alya ngowalinga wabona kapashiite mwanakashi mufuule uyo aleemikanina mishobo, shishi, shikanda shipusenepusene alimwi amilaka.