Jelemiya 46:2 - Baibo Busansulushi Bwa Libuku Ili

² Wakaamba palikoto lya bashilumamba bakwe Falawo Neko mwaami wa bene Ijipiti. Bashilumamba abo bakakomwa kuli Nebukadinesa mwaami wa bene Babiloni kuKakemishi kuMulonga wa Yufuletisi. Bakakomwa mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda. Wakaamba ayi,

Jelemiya 46:2 ပူးပေါင်းရင်းမြစ်များ

2 Baami 18:21

Webo utooyeeyela kucafwikwa kubene Ijipiti. Ico inga caba anga nkushimpila kulitete pakweenda. Litete ilyo inga lyatyoka akukuyasa mulyaansa omwiine. Anu ubo mwaami wa bene Ijipiti mbwaabete na muntu wacinka manungo muli nguwe.’ ”

2 Baami 23:29

Muciindi ca bwaami bwakwe Josiya, Neko mwaami wa bene Ijipiti wakaya abashilumamba bakwe kuMulonga wa Yufuletisi mukucafwa mwaami wa bene Asilya. Mwaami Josiya wakaya mukulwana bashilumamba bene Ijipiti kuMegido. Lyalo Josiya bakamucaya munkondo iyo.

2 Baami 23:33

Bwaami bwakwe bwakamana Neko mwaami wa bene Ijipiti ndyaakamutola busha kuLibula mucishi ca Amati. Lyalo mwaami Neko wakaambila bene Juda ayi balipile makilogilamu a silifa ali 3,400 alimwi amakilogilamu a golodi ali 34 ayi ngumusonko.

2 Baami 24:7

Mwaami wa bene Ijipiti abashilumamba bakwe tabakwe kunyamukaawo kuswa muIjipiti kuya mukulwana mukwiinga mwaami wa bene Babiloni wakamunyaya lubasu lwa cishi cakwe kuswa kuMulonga wa Yufuletisi kuya mukushika kunyinsa ya Ijipiti ya kumatwa.

Isaya 10:9

Ndakakoma ndabala ya Kalino aya Kakemishi. Ndakakoma ndabala ya Amati aya Alipadi alimwi ndakakoma ndabala ya Samaliya aya Damasikasi.

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Isaya 19:19

Ciindi ico caakushikila mukati mwiine muIjipiti mulaakuba cipaililo cakulambililaawo Mwaami Lesa. Akwalo kunyinsa ya ncico kulaakuba licincilo lyeshi likayakwe mukupa bulemu Mwaami Lesa.

Jelemiya 25:1

Mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda, nkokwaamba ayi mumwaaka wakutaanguna wa bwaami bwakwe Nebukadinesa mucishi ca Babiloni, nebo neJelemiya ndakatambula maswi akumite pabene Juda boonse.

Jelemiya 25:19

Ndakanwisha Falawo mwaami wa bene Ijipiti, bamatanjilili bakwe, bacinenenene bakwe abantu bakwe bamwi boonse

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 36:1

Mumwaaka wane wa bwaami bwakwe Jeoiyakimu mwanaakwe Josiya mucishi ca Juda, Mwaami Lesa wakalwiita nebo neJelemiya ayi,

Jelemiya 43:11

Ncakwiila Nebukadinesa ulaakwisa mukulwana Ijipiti. Abo beelete kufwa kumalwashi, balaakufwa kumalwashi. Abo beelete kutolwa mubusha, balaakuya mubusha. Abo beelete kufwa kunkondo, balaakufwa munkondo.

Jelemiya 45:1

Mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda, Baluki wakalemba maswi ayo ngondakalinga kumulwiita. Mpeeke ndakamulwiita ayi

Jelemiya 46:14

“Ambilisha muIjipiti, olobesha muMigidolu, ee, woolobeshe amuMemfisi alimwi amuTaapanesi ayi, ‘Amuye mumisena yanu akulibambila ceebo boonse abo mbomubambenaabo bamana kunkondo.’