Jelemiya 41:2 - Baibo Busansulushi Bwa Libuku Ili

² Ishimaeli abantu abo bali likumi bakanyamuka akucaya Gedaliya kumipeeni. Bakacaya wooyo mwaami wa bene Babiloni ngwaakasala kuba mweendeleshi mucishi ca Juda.

Jelemiya 41:2 ပူးပေါင်းရင်းမြစ်များ

2 Samwelo 3:27

Ono Abina ndyaakaboola kuEbuloni, Joabu wakamutola kulubasu kumwinjililo anga ulisuni kubandikaakwe cabushishi. Mpeeke kweenka uko wakamuyasa mulifumo, wafwa. Joabu wakacita boobo kwaamba ayi abooshe cishole cakucaya Asayelo mukwabo.

2 Baami 25:25

Lyalo mumweenshi wasanu ayobilo mumwaaka uyo, Ishimaeli mwanaakwe Netaniya mwishikulu wakwe Elishama wakalinga wa mulifumo lya bwaami, wakaya kuMisipa abantu likumi akucaya Gedaliya. Wakacaya abene Isilaeli abene Babiloni abo mbwaakalingaabo.

Kulumbaisha 109:5

Balambooshela bubi pabubotu mbombacitila, alimwi balambooshela lupato palusuno ndoombatondesha.

Kulumbaisha 41:9

Ono amweensuma mwiine mwiine ngooncinkitemo manungo, mweensuma ngoondyaakwe mbale yomwi, wambukila.

Jelemiya 40:14

akumwaambila ayi, “Sa mwebo tamwishi kwaamba ayi Baalisi mwaami wa bene Amoni watuma Ishimaeli mwanaakwe Netaniya kwisa mukumucaya?” Sombi lakwe Gedaliya taakwe kubashoma, sobwe.

Jelemiya 40:16

Sombi lakwe Gedaliya mwanaakwe Aikamu wakaambila Joanani mwanaakwe Kaleya ayi, “Kuteelesha kucita cintu ca mushobo uyo! Maswi aya ngootokwaamba pali Ishimaeli, teshi alushinisho.”

Jelemiya 40:5

Ono kaantana kusanduluka ayi nooya, Nebusaladani wakeelikaawo ayi, “Boolela kuli Gedaliya mwanaakwe Aikamu, mwishikulu wakwe Shafani. Gedaliya uyo wakasalwa kumwaami wa bene Babiloni kuba mweendeleshi wa mandabala a muJuda. Koya ukekalaakwe pakati ka bantu uko nabi kuya kumwi kuli koonse nkoosuni.” Lyalo wakampa cipo, shakulya akundeka ayi nooya.

Jelemiya 40:7

Mpeeke bamatanjilili ba bashilumamba abashilumamba babo bakalinga muluundu bakanyumfwa kwaamba ayi mwaami wa bene Babiloni wasala Gedaliya mwanaakwe Aikamu kuba mweendeleshi wa cishi ca Juda ayi anokweendelesha basankwa, banakashi abanike abo bakandu bunene mucishi batakwe kutolwa busha kuBabiloni.

Jelemiya 40:8

Lyalo bakesa kuli Gedaliya kuMisipa. Kwakesa Ishimaeli mwanaakwe Netaniya, Joanani aJonasani bana bakwe Keleya, Selaya mwanaakwe Tanuumeti, bana bakwe Efayi basankwa bakaswa kundabala ya Netofa alimwi aJesaniya wakaswa kundabala ya Maaka. Boonse bakesa abashilumamba babo.

Jelemiya 41:3

Ishimaeli wakacaya abaJuda boonse abo bakalinga aGedaliya kuMisipa pantu pomwi abashilumamba bene Babiloni abo bakalinga kooko.

Joni 13:18

“Nshintokwaambila noonse, sombi ndibeshi abo mbondakasala. Ishi shacitika kweelana aMalembo akwe Lesa akwaamba ayi, ‘Uyo ngondakalinga kulyaakwe mbale yomwi wakambukila.’