Jelemiya 40:5 - Baibo Busansulushi Bwa Libuku Ili

⁵ Ono kaantana kusanduluka ayi nooya, Nebusaladani wakeelikaawo ayi, “Boolela kuli Gedaliya mwanaakwe Aikamu, mwishikulu wakwe Shafani. Gedaliya uyo wakasalwa kumwaami wa bene Babiloni kuba mweendeleshi wa mandabala a muJuda. Koya ukekalaakwe pakati ka bantu uko nabi kuya kumwi kuli koonse nkoosuni.” Lyalo wakampa cipo, shakulya akundeka ayi nooya.

Jelemiya 40:5 ပူးပေါင်းရင်းမြစ်များ

2 Baami 22:12

Lyalo wakaambila Ilikiya mupailishi, Ayikamu mwanaakwe Shafani, Akibo mwanaakwe Mikaya, Shafani mulembi alimwi akuli Asaya shikucafwa mwaami ayi,

2 Baami 22:14

Lyalo Ilikiya, Ayikamu, Akibo, Shafani alimwi aAsaya bakaya mukwiipusha kuli Ulida, mulaluki mwanakashi wakalinga kwikala cipansha cipya ca Jelusalemu. Shalumu mwanaakwe Tikifwa mwishikulu wakwe Ayasi wakalinga ngoibaye. Shalumu wakalinga kulama shisani sha muŊanda yakwe Lesa. Mpeeke bakamulwiita isho shakacitika.

2 Makani 34:20

Lyalo wakaambila Ilikiya mupailishi, Ayikamu mwanaakwe wakwe Shafani musankwa, Akibo mwanaakwe Mikaya, Shafani mulembi alimwi akuli Asaya shikucafwa mwaami ayi,

Esila 7:27

Lyalo Esila wakaamba ayi, “Aalumbwe Mwaami Lesa, Lesa wa bamashali besu bakulukulu uyo walengesha mwaami kuyanda kulemeka Ŋanda ya Mwaami Lesa ya kuJelusalemu munshila iyi.

Esila 7:6

Esila uyo wakaswa kuBabiloni alimwi wakalinga kwishi abuumbi Milawo yakwe Mose iyo Mwaami Lesa, Lesa wa bene Isilaeli njaakapa. Mwaami wa kuBabiloni wakamupa shoonse nshaakalinga kusenga mukwiinga Mwaami Lesa, Lesa wakwe wakalinga pali nguwe.

Neyemiya 1:11

Amukutike mupailo wangu nemusebenshi wanu pantu pomwi amipailo ya basebenshi banu bamwi boonse abo basangalala mukumulemeka. Amumpe coolwe nemusebenshi wanu kwaamba ayi mwaami uyo anyumfwile nkumbu.” Muciindi ico ndakalinga shikupa mwaami waini.

Jobo 22:29

Lesa ulabombya balisumpula alimwi akupulusha balibombya.

Tushimpi 16:7

Na muntu kaaenda munshila isangalasha Mwaami Lesa, ulaakulengesha balwani bakwe kunoonyumfwana anguwe.

Tushimpi 21:1

Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.

Jelemiya 15:11

Anu noBaami baLesa mashingo aacitike na nshikwe kumukombelelaawo ayi mubanyumfwile nkumbu. Ncakwiila aacitike na nshikwe kusengelaako balwani bangu kuli ndimwe muciindi ca mapensho amuciindi ca buumba.

Jelemiya 26:24

Sombi Aikamu mwanaakwe Shafani wakalinga kulubasu lwangu, aboobo nshikwe kupekwa mumaansa a bantu ayi ncaikwe.

Jelemiya 39:14

bakatumya nkombe ayi nebo neJelemiya nkushikwe mulubansa lwa ŋanda ya bwaami. Bakambika mumaansaakwe Gedaliya mwanaakwe Aikamu, mwishikulu wakwe Shafani kwaamba ayi ambooshe kumisheesu. Aboobo ndakekala pakati ka bene misheesu.

Jelemiya 40:4

Sombi sunu ntookwaangulula ncetani shili kumikono yako. Katiya soonse kuBabiloni na ulisuni. Ndaakukulama. Ono na kootasuni, cilibo kabotu. Bona, inga wasala musena uli woonse ngweenga koosuni mucishi cino akuya mukwikala.”

Jelemiya 41:1

Lyalo mumweenshi wasanu ayobilo mumwaaka uyo, Ishimaeli mwanaakwe Netaniya mwishikulu wakwe Elishama wakalinga wa mulifumo lya bwaami alimwi wakalinga womwi wa bacinenenene ba mwaami, wakaya kuMisipa abantu likumi mukubona Gedaliya mwanaakwe Aikamu. Ono kabacilya pantu pomwi uko,

Jelemiya 41:18

kucica bene Babiloni. Bakalinga kubaloonda ceebo Ishimaeli mwanaakwe Netaniya wakacaya Gedaliya mwanaakwe Aikamu, uyo mwaami wa bene Babiloni ngwaakasala kuba mweendeleshi wa mucishi ca Juda.

Jelemiya 41:2

Ishimaeli abantu abo bali likumi bakanyamuka akucaya Gedaliya kumipeeni. Bakacaya wooyo mwaami wa bene Babiloni ngwaakasala kuba mweendeleshi mucishi ca Juda.

Milimo ya Batumwi 27:3

Bushiku bwakaboolaawo, twakashika kuSidoni. Lyalo Julyasi wakanyumfwila nkumbu Paulo akumusuminisha ayi aye mukubona babye, kwaamba ayi bakamupeewo shimwi shintu nshaatakalinga kucite.

Milimo ya Batumwi 27:43

Sombi mutanjilili wa bashilumamba mwaanda wakalinga kusuni kupulusha Paulo. Paceebo ceeco wakabakasha kucita boobo. Mpomunyaawo wakaambila bakaili boonse bakalinga kucishi kusamba njabwe, ayi bataangune kuliwaala mumaanshi kwaamba ayi basambe baye kwitala.

Milimo ya Batumwi 28:10

Bakatupa shipo shiinji. Nditwakenjila mubwaato bunene ayi tunooya, bakabikaamo ashimwi shintu shakalinga kuyandika mulweendo lwesu.

Bene Ebulu 13:6

Paceebo ceeco, katwaamba cakutaloonda ayi, “Mwaami Lesa ngomucafwi wangu, teshi nkaloondeewo. Ino muntu inga wancitanshi?”