Jelemiya 4:7 - Baibo Busansulushi Bwa Libuku Ili

⁷ Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Jelemiya 4:7 ပူးပေါင်းရင်းမြစ်များ

2 Baami 24:1

Mubwaami bwakwe Jeoiyakimu, Nebukadinesa mwaami wa bene Babiloni wakaya mukulwana cishi ca bene Juda. Mpeeke Jeoiyakimu wakaba musebenshi wakwe Nebukadinesa kwamyaaka yotatwe, lyalo wakamubukila.

2 Baami 25:1

Mpomunyaawo mumwaaka wasanu ayone wa bwaami bwakwe Sedekiya, pabushiku bwalikumi mumweenshi walikumi, Nebukadinesa mwaami wa bene Babiloni wakanyamuka abashilumamba bakwe kuya mukulwana abene Jelusalemu. Bakayaka misumba yabo pansengwe lya ndabala iyo akuyaka mukuti wakutantilaawo kushingulusha lubumbu lwa njiyo.

Isaya 1:7

Ono cishi cako cacaalabo matongo aalo mandabala ako anene atentekwa tibili apanshi peene. Baswamashi basaala myuunda yako akunyonyoola shintu shoonse kooebela.

Isaya 5:9

Mwaami Lesa Shinkusu shoonse ndamunyumfwa kaalumbila ayi, “Ndashinisha maanda anene oonse aya alaakuba mumatongo. Ncakwiila naakomeni, naaboti alaakucaalabo kwakubula aukalaamo.

Isaya 6:11

Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.

Jelemiya 2:15

Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.

Jelemiya 22:6

“Kuli ndime ŋanda ya bwaami ya muJuda njibotubo anga ngumusena wa Gilyadi. Ee, njibotubo anga ntulundu twa kuLebanoni, Nakubi boobo ndaakwiilengesha kuba anga nduyanga, ncakwiila anga ngamandabala umo mutekaali bantu.

Jelemiya 22:7

Ndaakutuma beshi bakeenyonyoole. Womwi awomwi ulaakunoocite ashilwanisho shakwe. Balaakutema macinko ako a sida akwaasowela mumulilo.

Jelemiya 25:38

Mwaami Lesa ulaakushiyabo bantu bakwe bweenka nkalamu mboishiya cimfwengo ca njiyo. Cishi cabo cilaakuba matongo ceebo cakulwanikwa abaabo beshi kubalyatilila alimwi abukali buyoosha bwa Mwaami Lesa.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 26:9

Ceebonshi utoolalukila muliina lya Mwaami Lesa ayi Ŋanda yakwe Lesa ino ilaakubabo bweenka mbuli musena wa Shilo andabala ino kunyonyoolwa akuba matongo?” Mpeeke bantu boonse bakanshinguluka muŊanda ya Mwaami Lesa.

Jelemiya 27:8

“Ono na umwi mushobo nabi bwaami bukabule kusebensela Nebukadinesa mwaami wa bene Babiloni nabi kusumina bweendeleshi bwakwe, mushobo uyo ndaakuupa mulandu wa nkondo, nsala amwaalu kushikila Nebukadinesa akanyonyoole mushobo uyo cakumaninina.

Jelemiya 33:10

Mwaami Lesa waamba ayi, “Bantu batokwaamba ayi ndabala ino ilibo anga nduyanga. Taamu bantu bekalaamo nabi banyama. Ee, ndushinisho ndobatokwaamba. Mumandabala a muJuda amumikwakwa ya muJelusalemu taamu aciliimo. Taaku muntu nabi banyama bekalaamo. Sombi mumisena iyi mulaakunyumfwa

Jelemiya 34:22

Ndaakubaambila ayi baboolele mundabala inene ino. Balaakwiilwana, kwiikoma akwiitenta. Kuswawaawo mandabala a muJuda ndaakwaalengesha kuba anga nduyanga umo mutekaali bantu. Nebo neMwaami Lesa ndaamba.”

Jelemiya 4:29

Ono baakunyufwabo ciyobeyobe ca bashilumamba balwanina pamaaki abeshimata, bantu mumandabala oonse balaakucica. Bamwi balaakucicila muluundu, bamwi balaakulityaanisha pakati ka myaandami. Mandabala oonse alaakubula amuntu ukalaamo. Taaku muntu nabi womwi weshi akekalemo tubili.

Jelemiya 44:2

Mwaami Lesa Shinkusu shoonse, Lesa wa bene Isilaeli waamba ayi, “Mwakalibonena mapensho oonse ayo ngondakaletela ndabala ya Jelusalemu apamandabala oonse a muJuda. Asunu acili matongo. Taaku muntu wikalaamo

Jelemiya 46:18

“Nebo neMwaami Lesa Shinkusu shoonse ndi Mwaami. Ncakwiila nebo ndi Lesa muumi. Kulaakwisa umwi uli anga nkalundu ka Tabo pakati ka tulundu, ee, anga nkalundu ka Kamelo kulubasu lwa lweenge.

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 50:44

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Babiloni kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Esekelo 12:20

Mandabala anene ayo aswite bantu, alaakunyonyoolwa. Aboobo cishi cilaakuba luyanga. Lyalo ndyeshi bakeshibe ayi nebo ndi Mwaami Lesa.’ ”

Esekelo 21:31

Ndaakumupoomweta bukali bwangu buyoosha akumukalalila cabukali. Ndaakumwaaba kubantu beshilunkutwe abo beshi kabotu bwakunyonyoola.

Esekelo 32:2

“Webo omuntu, imba lwiimbo lwa buumba kulilila Falawo mwaami wa Ijipiti ayi, ‘Webo ulibo anga ninkalamu pakati ka mishobo imwi, ulibo anga ngushinshimwe mulweenge, shinshimwe usamfoola maanshi mutulonga twakwe. Ulafundaanya maanshi amyeendo yako akulengesha tulonga kuba matipa.’

Danyelo 5:19

Ono ceebo cakwaamba ayi wakabasumpula abuumbi, bantu ba mumishobo yoonse, bashikanda shipusenepusene abamumilaka yoonse bakalinga kubaloonda akubalemeka. Bashali banu abo bakalinga kucaya muntu uli woonse ngweenga kabasuni kucaya. Bakalinga kulekelela muntu uli woonse ngweenga kabasuni kulekelela. Bakalinga kusumpula uli woonse ngweenga kabasuni kusumpula alimwi bakalinga kubombya uli woonse ngweenga kabasuni kubombya.

Danyelo 7:4

Mutaanshi wakalinga anga ninkalamu alimwi wakalinga kucite mapapaminwa anga ngumumbankwashi. Kaanceebela, mapapaminwa ayo akasutulwaako. Lyalo munyama wakanyamunwa akulengeshekwa kwiimikana anga ngumuntu. Mpomunyaawo wakapekwa kalango ka buntu.

Bene Lefi 26:31

Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.