Jelemiya 4:6 - Baibo Busansulushi Bwa Libuku Ili

⁶ Amulishe mapeenga kulwiita bantu ayi bacicile kuSiyoni. Amucice bweenka bulya cakutacelwa kwaamba ayi mupuluke ceebo ntooleta mapensho abiibi kuswa kumatwa ee, ntooleta kunyonyoolwa kuyoosha.”

Jelemiya 4:6 ပူးပေါင်းရင်းမြစ်များ

Isaya 62:10

Nobene Jelusalemu, amuswe mundabala muye mukabambe mukwakwa wa bene mishaanu batoopiluka. Amubambe mukwakwa unene akukushaamo mabwe. Mishobo imwi amwiinyamwite mbembela kwaamba ayi banooibona.

Jelemiya 10:22

Amunyumfwe, kwesa nkombe ayi kutoosa shimfulunganya shinene abuumbi kuswa kucishi ca kumatwa. Likoto lya bashilumamba lya cishi ico lilaakulengesha mandabala a kuJuda kuba matongo umo mwikalabo bamwaaba.”

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Jelemiya 21:7

Kuswawaawo ndaakwaaba ndiwe Sedekiya omwaami wa bene Juda, bacinenenene bako abantu bamundabala ino abo beshi bakapuluke kumwaalu, nkondo alimwi ansala kuli Nebukadinesa mwaami wa kuBabiloni akubalwani banu basuni kumucaya. Nebukadinesa ulaakubacaya munkondo, teshi akabafwitewo luse nabi nkumbu.’ Nebo neMwaami Lesa ndaamba.”

Jelemiya 22:7

Ndaakutuma beshi bakeenyonyoole. Womwi awomwi ulaakunoocite ashilwanisho shakwe. Balaakutema macinko ako a sida akwaasowela mumulilo.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 4:21

Nciindi cilaamfu buyani nceshi noocibona mbembela sha nkondo akunoonyumfwa mapeenga a nkondo kaalila?

Jelemiya 50:2

“Amwaambilishe akoolobesha pakati ka mishobo ya bantu, amwiimike mbembela akoolobesha, mutafunkili nabi comwi, sombi mwaambe ayi, ‘Babiloni ulaakukomwa, Belo ulaakulenshekwa nsoni, Maduki ulaakunyumfwa boowa. Shikoshanyo shakwe shilaakulenshekwa nsoni ashibumbwabumbwa shakwe shilaakupwayoolwa.’

Jelemiya 50:22

Ciyobeyobe ca nkondo canyumfwika mucishi, ee, ciyobeyobe cakunyonyoola kunene.

Jelemiya 51:12

Amunyamune mbembela, muye mukapwaye lubumbu lwa Babiloni! Amufushefushe bashilumamba. Amubike beshikulindilila akubamba bantu beshikubelamina. Nebo neMwaami Lesa ntooyanda kucita kweelana amboompingite, ee, kweelana amulasho wangu pabene Babiloni.

Jelemiya 51:27

“Amwiimike mbembela mucishi, amulishe lupeenga pakati ka mishobo ya bantu. Amubambe mishobo ayi baye mukulwana Babiloni. Amwiite bulelo bwakwe Alalati, Mini abwakwe Ashikenasi kwaamba ayi balwane cishi ici. Amusale mutanjilili wa bashilumamba akuleta maaki aanji mbuli cisoshi.

Jelemiya 51:54

Mwaami Lesa waamba ayi, “Amunyumfwe mibila itooswa kuBabiloni, nkulila kwakunyonyooka kunene kwesa mucishi ca bene Babiloni.

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Jelemiya 6:22

Mwaami Lesa waamba ayi, “Amubone likoto lya bashilumamba litooswa kucishi cakumatwa, ee, mushobo uyumu abuumbi wa kweela cishi ca panshi utoosonkomonwa.

Esekelo 9:1

Mpeeke ndakanyumfwa Lesa kaaolobesha ayi, “Amubalete kokuno beshikunyonyoola ndabala, womwi awomwi kaacite cakulwanishaako mulyaansa lyakwe.”

Esekelo 9:2

Mpomunyaawo ndakabona basankwa bosanwe awomwi kabaswita kulubasu lwa mwinjililo wa peculu ulangite kumatwa, womwi awomwi kaacite cilwanisho cicaya. Pabantu aba pakalinga amuntu wakalinga kufwete shakufwala sha nsalu iteshimite uyo wakalinga kucite shilembesho palubasu lwakwe. Bakenjila akwiimikanina kulubasu lwa cipaililo ca bulonse.

Sefaniya 1:10

Mwaami Lesa waamba ayi, “Pabushiku ubo mulaakunyumfwa kulila kuMwinjililo waNswi mundabala ya Jelusalemu. Mulaakunyumfwa mibila kucipansha cipya ca ndabala inene iyo alimwi amulukutu wakuwa kuswa kutulundu.

Sekaliya 6:6

Cikoci cakalinga kukwelwa amaaki ashiya cakaya kumatwa kucishi ca Babiloni, maaki atuba akaya kumbo, aalo maaki amabalamabala akaya kucishi cakalinga kumalenge.