Jelemiya 4:4 - Baibo Busansulushi Bwa Libuku Ili

⁴ Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Jelemiya 4:4 ပူးပေါင်းရင်းမြစ်များ

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

Isaya 10:17

Lesa, ee, Mumuni wa bene Isilaeli ulaakuba mulilo. Ncakwiila Usalalite wa bene Isilaeli ulaakuba kubilima kwa mulilo uko kukonsha kutenta shoonse mubushiku bomwibo. Kutenta nabi myuumfwa ashisonsoonya.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Jelemiya 15:14

Ndaakumulengesha kuba basha kubalwani banu mucishi ico ncemuteshi ceebo bukali bwangu bulaakunyansha mulilo uyo weshi ukamuteente.”

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Jelemiya 21:5

Lyalo ndaakumulwana nebo nemwiine alyaansa litandabikitwe licite nkusu shiinji mubukali bwangu buyoosha amubukali bwangu bwa mishobo umwi bwiindaawo.

Jelemiya 23:19

Amubone, bukali bwangu bulibo anga ncipuupu ciyoosha, ee, bulibo anga nkapupuulwa ako katooshingulukabo pamitwi ya bamucita shibi.

Jelemiya 36:7

Mpashi inga bapaila kuMwaami Lesa akusanduka kuswa kunshila shabo shibiibi mukwiinga Mwaami Lesa wakaloondesha bantu aba kubukali bwakwe buyoosha abuumbi.”

Jelemiya 44:22

Ono Mwaami Lesa ndyaakacileka kunoolangilishabo pamicito yanu ibiibi alimwi ashintu shilensha bunya nshemwakalinga kucita, cishi canu cakaba cintu ceelete kushinganwa, kuba matongo alimwi kwakubula amuntu wikalaamo bweenka mbocibete sunu.

Jelemiya 9:25

Mwaami Lesa waamba ayi, “Ciindi cilaakushika ndyeshi nkape mulandu abo boonse bakapalulwa, sombi batanambili.

Jelemiya 9:26

Nkokwaamba ayi bene Ijipiti, Juda, Edomu, Amoni, Moabu abaabo boonse bekala muluyanga kulaale. Ndaakucita boobo ceebo mishobo iyi yoonse teenyumfwili ndime. Abalo bene Isilaeli boonse tabashomeki kucipangano cangu.”

Malilo 4:11

Mwaami Lesa wakusha bukali bwakwe boonse, ee, wapoomona bukali bwakwe buyoosha. Wakanyansha mulilo mundabala ya Siyoni uyo wakeetenta cakushika akulwiimbi lwa njiyo.

Esekelo 16:38

Ndaakukupa mulandu ceebo ca bulale abucayi. Mubukali bwangu buyoosha, ndaakukupa mulandu wakucaikwa.

Esekelo 18:31

Amuleke shilubo shoonse nshemwakacita, mube amoyo upya alimwi atulango tupya. Ceebonshi mutooyanda kufwa mwebo nobene Isilaeli?

Esekelo 20:33

“Nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, ndaakumulela alyaansa lyangu lyankusu, lyaansa litambikitwe alimwi abukali buyoosha.

Esekelo 21:17

Anebo ntookamba mapaka angu, lyalo bukali bwangu buyoosha butoomana. Nebo neMwaami Lesa ndaamba.”

Esekelo 24:13

“Webo ondabala ya Jelusalemu bufuule bwako nshendalabwa. Ndakeelesha kukusansha ayi utube, sombi cakaala. Ono teshi ukatubeewo alimwi, sobwe, kushikila ukanyumfwe cilemeneshi ca bukali boonse.

Esekelo 24:8

Bulowa ubo ndakabulekela pamwaandami uyo kwaamba ayi butakafukilwi, ee, kwaamba ayi bukali bwangu busonkomonwe, lyalo mbaboosheshe cishole.”

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.

Esekelo 6:12

Abo bali kulaamfu balaakufwa kumwaalu. Abo bali pafwaafwi balaakufwa kunkondo. Abalo abo beshi bakapuluke akucaalaawo, balaakufwa kunsala. Anu ubo mbweshi nkabalengeshe kunyumfwa cilemeneshi coonse ca bukali bwangu.

Esekelo 8:18

Paceebo ceeco, balaakunyumfwa cilemeneshi coonse ca bukali bwangu. Teshi nkamufwite nkumbu nabi kumulangabo. Teshi nkakutikewo mipailo yabo nabi bakanokoolobesha cili buyani.”

Bene Lefi 26:28

ndaakumwaalukila akwiindilishaawo alimwi pamapensho anu mankanda osanwe aobilo.

Bene Lefi 26:41

kunengesha ayi mbafutatile alimwi akubatuma mukwikala mucishi ca balwani babo. Ono kunembo na bamulunyungu lwanu bakaboneshekwe kubisha kwabo, akulipila pamulandu wabo,

Amosi 5:6

Amuyandoole Mwaami Lesa, lyalo mulaakuba abuumi. Nobene Isilaeli na mubule kucita boobo, ulaakumulobya anga ngumulilo utenta masakasaka kukubilima. Ndabala ya Betelo ilaakupya cakumaninina alimwi taaku aweshi akeeshimyeeko.

Sefaniya 2:2

kacitana kushika ciindi cakasalwa, kamutana kunyana akufwa anga ndiluba, kabutana kwisa bukali bwa Mwaami Lesa pali ndimwe.

Bene Loma 2:25

Na ulacita kweelana abwaamba Milawo, ingayi kupalulwa kwako kulibo kabotu. Sombi na tooikonkeli, nkokwaamba ayi kupalulwa kwako taaku mbokubete.

Dutolonomi 10:16

Anu aboobo kuswa sunu amutalike kunyumfwila Mwaami Lesa, mucileeke bushicimpamya.

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

Bene Kolose 2:11

Muli nguwe mwebo mwakapalulwa, kuteshi kupalulwa kucitikwa abantu, sombi kupalulwa kucitwa aKlistu umo mucanika kwaangululwa munkusu sha buntu bubiibi.