Jelemiya 4:2 - Baibo Busansulushi Bwa Libuku Ili

² na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 4:2 ပူးပေါင်းရင်းမြစ်များ

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

1 Baami 3:6

Solomoni wakakumbula ayi, “Lyoonse mwakalinga kutondesha lusuno kuli bata baDefedi basebenshi banu mukwiinga bakalinga babotu, bashomeka alimwi baluleme mubushicibusa bwabo amwebo. Mwatolelela kubatondesha lusuno lwanu lunene alimwi lutamaani kwiinda mukubapa mwaana uyo utoopyana bwaami bwabo sunu.

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

Isaya 45:23

Ndashomesha cakulumbila muliina lyangu nemwiine. Mulomo wangu waamba cakushinisha, kwaamba maswi eshi akabule kusandulwaawo akwaamba ayi, ‘Linungo lya muntu woonse lilaakufukama kunembo lyangu alimwi mulomo wa muntu womwi awomwi ulaakunoolumbila muliina lyangu.’

Isaya 45:25

Balo bamulunyungu lwakwe Jakobo, nebo neMwaami Lesa ndaakubalulamika alimwi balaakunoonumbaisha.

Isaya 65:16

Lyalo woonse weshi akasenge coolwe mucishi ico, ulaakucita boobo muliina lyangu, nebo neLesa utabeci. Alakwe uyo weshi akashomeshe cakulumbila mucishi ico, ulaakulumbila muliina lyangu, nebo neLesa utabeci. Ceebo mapensho oonse akulukulu alaakulubwa alimwi teshi akabonekeewo tubili mumeenso angu.”

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Jelemiya 12:15

Sombi pesule lyakumana kubatupoola ndaakubanyumfwila nkumbu akuboosha mushobo womwi awomwi mucishi ca nguwo.

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Jelemiya 3:17

Ciindi ico balaakunookwiita ndabala ya Jelusalemu ayi, ‘Cuuna ca bwaami ca Mwaami Lesa.’ Uko mishobo yoonse nkweshi ikabungane kulemeka liina lya Mwaami Lesa. Lyalo teshi bakakonkele tubili bwaashu bwa myoyo yabo ya bushicimpamya.

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Jelemiya 5:2

“Nabi balaamba ayi, ‘Bweenka mbocibete lushinisho ayi Mwaami Lesa ngumuumi,’ sombi bacilumbilabo shabubeshi.”

Jelemiya 7:5

Amuleke nshila shanu amicito yanu ibiibi. Kamucitilana shintu cakutanyengelela.

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

Osiya 2:19

“Webo Isilaeli, ndaakukulengesha kuba mukaangu walyoonse alyoonse. Ndaakucita boobo mubululami alimwi cakushomeka. Ndaakunookutondesha lusuno akukunyumfwila nkumbu.

Jowelo 2:12

Mwaami Lesa waamba ayi, “Nabi pacecino ciindi amusanduke kuswa kushibiibi shanu mwise kuli ndime amyoyo yanu yoonse, mukulikasha kulya, mukulila amukuungumana.”

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

1 Bene Kolinto 1:31

Aboobo kweelana abwaamba Malembo akwe Lesa ayi, “Uyo usuni kulisumpula ulyeelete kulisumpula ceebo ca ceeco Mwaami ncaakacita.”

2 Bene Kolinto 10:17

Bweenka bwaamba Malembo akwe Lesa ayi, “Sombi uyo usuni kulilumbaisha, aalilumbaishe paceeco cakacita Mwaami Lesa.”

Bene Galatiya 3:8

Lesa wakaambila limwi muMalembo akwe ayi ulaakululamika baswamashi bakunsengwe kwiinda mulushomo lwabo. Anu Lesa wakashimikila limwi Makani Abotu kuli Abulaamu kwiinda muMalembo akwe ayi, “Muli ndiwe, Lesa ulaakupa coolwe kumishobo yoonse ya bantu.”

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 4:30

Mwaakuba mumapensho alimwi shoonse ishi shaakucitika, lyalo mulaakupilukila kuMwaami Lesa, Lesa wanu akumunyumfwila.

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Lute 3:13

Koshiite kushikila buce. Macuunsacuunsa tutoomwiipusha na ulisuni kukulama. Na asumine ingayi cabota, sombi na akake, nebo ndalumbila muliina lya Mwaami Lesa muumi kwaamba ayi ndanookulama. Ono ona apa kushikila buce.”

1 Samwelo 20:3

Sombi Defedi wakaamba ayi, “Baiso balishi kwaamba ayi webo ulanyumfwana bumbi anebo. Aboobo bayeeya kutakushibisha muyeeyo ngobacite mukwiinga balishi ayi inga cakupa buumba. Ono ntooshomesha cakulumbila ayi, ‘Bweenka mbocibete lushinisho ayi Lesa ngumuumi anebo lufu lulibo muliimfwa.’ ”