Jelemiya 4:16 - Baibo Busansulushi Bwa Libuku Ili

¹⁶ Litokwaamba ayi, “Amulwiite mishobo akwaambila ndabala ya Jelusalemu ayi, ‘Likoto lya bashilumamba beshikushinkila batoosa kuswa kucishi cakulaale. Bantu aba balaakunokoolobesha pakulwana mandabala a muJuda.

Jelemiya 4:16 ပူးပေါင်းရင်းမြစ်များ

Isaya 34:1

Mwebo nobaswamashi noonse. Amusene pafwaafwi alimwi akuteya matwi. Amukutikishe mwebo nomishobo imwi yoonse. Ee, cishi coonse cinyumfwe ashintu shoonse shikalaamo!

Isaya 39:3

Mpomunyaawo Isaya mulaluki wakaya mukwiipusha mwaami Esekiya ayi, “Ino bantu balya baswa kuli alimwi baamba ayinshi?” Esekiya wakakumbula ayi, “Baswabo kulaale, kucishi ca Babiloni.”

Jelemiya 1:15

Ntooyanda kwiita mishobo yoonse ya kumatwa. Bamaami babo balaakwisa akubika shuuna shabo sha bwaami kumanjililo akumilyango inene ya kuJelusalemu. Balaakushinguluka mumbu shakwe shoonse amandabala oonse a mucishi ca Juda.

Jelemiya 16:6

Babile abakandu boonse balaakufwitabo pantu pomwi mucishi ici. Teshi bakabikwewo nabi kulilwa, alimwi taakuuwo nabi womwi weshi akalinengoole nabi kulikulula mumutwi ceebo ca malilo.

Jelemiya 2:15

Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Jelemiya 39:1

Mumwaaka wasanu ayone wa bwaami bwakwe Sedekiya mwaami wa bene Juda, mumweenshi wa likumi, Nebukadinesa mwaami wa bene Babiloni wakanyamuka alikoto lyakwe lyoonse lya bashilumamba akushinguluka ndabala ya Jelusalemu ayi beelwaane.

Jelemiya 4:17

Balaakwaashingulukabo anga mbantu batoolindilila muunda, ceebo bangashukila. Nebo neMwaami Lesa ndaamba.’

Jelemiya 5:15

Mwebo nobene Isilaeli, ntooleta mushobo kuswa kushishi shakulaale kwisa mukumulwana. Ee, ntooleta mushobo ukulukulu ucite nkusu. Ngumushobo wa bantu baamba mulaka ngomuteshi alimwi bacite myaambo njemutanyumfwi.

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 50:2

“Amwaambilishe akoolobesha pakati ka mishobo ya bantu, amwiimike mbembela akoolobesha, mutafunkili nabi comwi, sombi mwaambe ayi, ‘Babiloni ulaakukomwa, Belo ulaakulenshekwa nsoni, Maduki ulaakunyumfwa boowa. Shikoshanyo shakwe shilaakulenshekwa nsoni ashibumbwabumbwa shakwe shilaakupwayoolwa.’

Jelemiya 6:18

“Paceebo ceeco nebo neMwaami Lesa ndaamba ayi, ‘Amunyumfwe mwebo nomishobo ya bantu. Amulangilishe mwebo nobakamboni isho sheshi shikacitike kubantu bangu.

Jelemiya 6:19

Nyumfwa ocishi ca panshi, ntooletela bantu aba mapensho. Ici nceshi cikatumbukwe mumiyeeyo yabo ibiibi ceebo bakakaka kunyumfwa maswi angu alimwi amilawo yangu.’

Jelemiya 6:22

Mwaami Lesa waamba ayi, “Amubone likoto lya bashilumamba litooswa kucishi cakumatwa, ee, mushobo uyumu abuumbi wa kweela cishi ca panshi utoosonkomonwa.

Jelemiya 6:23

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Jelusalemu.”

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Esekelo 21:22

Ono cisolo cilaakuwita kumufwi wa kululyo uyo weshi ukanokwiimikanina ndabala ya Jelusalemu. Mwaami wa bene Babiloni ulaakuya kundabala iyo akuya mukutula minkulwa yakupwaishako lubumbu, kuya mukucitilako ciyobeyobe ca nkondo, kuya mukuyaamika minkulwa yakupwaishaako kuminjililo ya njiyo, kuyakako shitunta shakutantaawo pakulwana alimwi akukabako shilindi sha nkondo.