Jelemiya 39:9 - Baibo Busansulushi Bwa Libuku Ili

⁹ Lyalo Nebusaladani mutanjilili wa beshikulindilila wakatola bantu busha kuBabiloni abo bakacaala mundabala inene pantu pomwi abaabo bakalyaaba mumaansaakwe.

Jelemiya 39:9 ပူးပေါင်းရင်းမြစ်များ

Matalikilo 37:36

Paciindi ico, muIjipiti, bene Midyani balya bakoolisha Josefu kuli Potifa, womwi pabacinenenene bakwe Falawo, uyo wakalinga munene wa beshikulindilila kuŋanda yakwe Falawo.

2 Baami 20:18

Bamulunyungu lwako bamwi, bulowa bwako omwiine, balaakubatola kuya mukuba basebenshi bakacaikwa lushalo muŋanda ya mwaami wa bene Babiloni.’ ”

2 Baami 25:11

Kuswawaawo Nebusaladani wakatola busha kuBabiloni bantu boonse bakacaala mundabala pantu pomwi abaabo bakalinga kucishi shakupangapanga abantu abo bakalinga baya kulubasu lwa bene Babiloni.

2 Baami 25:20

Mpomunyaawo, Nebusaladani wakabatola kumwaami wa bene Babiloni uyo wakalinga mundabala ya Libula.

Isaya 5:13

Aboobo bantu bangu balaakuya mucishi ca busha ceebo cakutanyumfwa kwabo. Bamatanjilili babo balaakumana kufwa kunsala abantubo boonse balaakumana kufwa kunyotwa.

Jelemiya 10:18

Mwaami Lesa waamba ayi, “Paciindi ico ndaakusowa bekala mucishi ici. Ndaakubaletela mapensho kwaamba ayi bakacatwe.”

Jelemiya 16:13

Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”

Jelemiya 24:8

“Sombi Sedekiya mwaami wa bene Juda, bacinenenene bakwe abaabo beshi bakacaaleewo muJelusalemu, bashiite mucishi cino nabi beshi bakaye kuIjipiti, nebo neMwaami Lesa ndaakubacita anga ninkuyu shibiibi cakutalikwa.

Jelemiya 38:19

Mpeeke mwaami Sedekiya wakaŋambila ayi, “Nebo ntooloonda baJuda abo bakaya mukuba kulubasu lwa bene Babiloni ceebo bene Babiloni inga baakungaba kuli mbabo abalo inga bampensha abuumbi.”

Jelemiya 40:1

Liswi lya Mwaami Lesa lyakesa kuli ndime neJelemiya ciindi Nebusaladani mutanjilili wa beshikulindilila ndyaakaŋangulula kuLama. Wakancana kaaŋangitwe pantu pomwi abasha boonse bakaswa kuJelusalemu alimwi akuJuda abo bakatolwa busha kuBabiloni.

Jelemiya 40:7

Mpeeke bamatanjilili ba bashilumamba abashilumamba babo bakalinga muluundu bakanyumfwa kwaamba ayi mwaami wa bene Babiloni wasala Gedaliya mwanaakwe Aikamu kuba mweendeleshi wa cishi ca Juda ayi anokweendelesha basankwa, banakashi abanike abo bakandu bunene mucishi batakwe kutolwa busha kuBabiloni.

Jelemiya 52:26

Mpomunyaawo, Nebusaladani wakabatola kumwaami wa bene Babiloni uyo wakalinga mundabala ya Libula.

Jelemiya 52:27

Uko kuLibula, mucishi ca Amati, mwaami wakapingula ayi bacaikwe. Anu mboboobo bene Juda mbobakatolwa busha kuswa kucishi cabo.

Danyelo 2:14

Ono Alyoki mutanjilili wa beshikulindilila mwaami ndyaakaya mukucaya basongo abo, Danyelo wakamwiipusha cabusongo acamaano ayi,

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Dutolonomi 4:27

Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.