Jelemiya 39:6 - Baibo Busansulushi Bwa Libuku Ili

⁶ Kweenka kuLibula mwaami wa bene Babiloni wakacaya baana basankwa bakwe Sedekiya boonse kaalangilisha. Wakacaya abacinenenene boonse bene Juda.

Jelemiya 39:6 ပူးပေါင်းရင်းမြစ်များ

Matalikilo 21:16

akwikala palaamfuuko bulya, mpashi mushinso wa ntaamwa mwaanda. Wakalyaamboosha ayi, “Nshikoonshi kubona patoofwita mwanaangu.” Mpomunyaawo wakatalika kulila apo mpwaakalinga kushiite.

Matalikilo 44:34

Anu inga ndaya buyani kuli bata na ndabula kuya amwanike uyu? Taakuuwo. Nshisuni kubona bata mbweshi bakoongumane abuumba bweshi bukashike pali mbabo.”

2 Baami 22:20

Aboobo webo ulaakufwabo muluumuno kaantana kupa mulandu ndabala ya Jelusalemu.’ ” Lyalo basankwa abo bakaboolela kumwaami Josiya amakani ayo.

2 Baami 25:7

Mpeeke bakacaya bana bakwe Sedekiya boonse kaalangilisha. Kuswawaawo Nebukadinesa wakaamba ayi Sedekiya akushikwe meenso. Lyalo bakamwaanga ncetani sha bulonse akumutola kuBabiloni.

2 Makani 34:28

Aboobo mwebo mulaakufwabo muluumuno kaantana kupa mulandu ndabala ya Jelusalemu.’ ” Lyalo basankwa abo bakaboolela kumwaami Josiya amakani ayo.

Esita 8:6

Ceebo inga nshikoondwi kubona bene misheesu kabanyonyoolwa akubona bamakwesu kabacaikwa.”

Isaya 13:16

Bana babo bakateta balaakusansoolwa mutupanshapansha beene kabeebela. Maandaabo alaakusaalwa abamakaabo balaakucatwa ayi bakumanaabo cakubakakatisha mumeenso abo.

Isaya 34:12

Bacinenenene teshi bakasalewo tubili mwaami umo ceebo banaabaami boonse ba mumo balaakukushikwaamo.

Jelemiya 20:4

Ndacita boobo ceebo Mwaami Lesa waamba ayi, ‘Ndaakukulengesha kuba cintu cilensha boowa kuli ndiwe omwiine akubabyo boonse. Babyo balaakucaikwa munkondo kubalwani mumeenso ako. Ndaakwaaba bene Juda boonse mumaansa a mwaami wa kuBabiloni uyo weshi akabatole kuBabiloni nabi kubacaya munkondo.

Jelemiya 21:7

Kuswawaawo ndaakwaaba ndiwe Sedekiya omwaami wa bene Juda, bacinenenene bako abantu bamundabala ino abo beshi bakapuluke kumwaalu, nkondo alimwi ansala kuli Nebukadinesa mwaami wa kuBabiloni akubalwani banu basuni kumucaya. Nebukadinesa ulaakubacaya munkondo, teshi akabafwitewo luse nabi nkumbu.’ Nebo neMwaami Lesa ndaamba.”

Jelemiya 34:3

Teshi ukalobokeemo, sobwe. Sombi ulaakucatwa akwaabwa mumaansaakwe alimwi ulaakulanganaakwe akubandikaakwe mulomo amulomo. Pesule ndyeshi ukaye kuBabiloni.

Jelemiya 38:23

Kuswawaawo ndakaamba ayi, “Bamakaanu boonse alimwi abana banu balaakutolwa busha kubene Babiloni. Mwebo nobeene teshi mukalobokeewo kuswa mumaansaabo. Sombi mulaakucatwa kumwaami wa bene Babiloni alimwi ndabala inene ino ilaakutentwa cakumaninina.”

Jelemiya 52:10

Mpeeke bakacaya bana bakwe Sedekiya boonse kaalangilisha. Wakacaya abacinenenene bene Juda.

Esekelo 23:24

Balaakwisa mukukulwana kuswa kumatwa ashikoci sha nkondo, shikocibo alimwi amulongo wa bantu. Balaakwiimikana mumisena yabo ya nkondo kumbasu shoonse kabacite mayawo anene aaniini alimwi ashimpoompo. Ndaakukwaaba mumaansaabo kwaamba ayi bakupe mulandu kweelana amilawo yabo.

Esekelo 24:5

Mubwese nyama ya mbelele indaawo kubota. Kuswawaawo musonseleko nkuni shiinji kwaamba ayi mafuwa apye. Nyama iyo mwiitelekele pantu pomwi amafuwa.’ ”

Sefaniya 1:8

Mwaami Lesa waamba ayi, “Pabushiku bwakubenga mulambu wangu Nebo neMwaami Lesa ndaakupa mulandu boonse bacinenenene, banaabaami abaabo boonse bafwete shakufwala sha baswamashi.

Dutolonomi 28:34

Nshintu nsheshi mukabone shilaakumucinkusha.