Jelemiya 39:4 - Baibo Busansulushi Bwa Libuku Ili

⁴ Mpeeke Sedekiya mwaami wa bene Juda abashilumamba boonse ndibakababona bakacica. Bakaswa mundabala mashiku akwiinda mumuunda wa bwaami kuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.

Jelemiya 39:4 ပူးပေါင်းရင်းမြစ်များ

2 Makani 32:5

Lyalo wakasebensa cankusu kubamba lubumbu akuyaka maanda alaamfu kuli ndulo. Wakayakilaako lubumbu alumwi kunsengwe lya loolo. Wakashimpya musena uyo ngobakeelanya abulongo mbobakaleta kwicwe lya Ndabala yakwe Defedi. Wakapanga masumo aanji amayawo.

Isaya 22:11

Mpeeke pakati ka malinga obilo mwakayakawo cishiba cakusungilaamo maanshi kwaamba ayi maanshi akalinga kukunka kuswa muCishiba Cikulukulu anooya mumo. Nakubi boobo Lesa uyo wakabambilabo limwi shintu shoonse ishi ayi shikacitike tamukwe kumubikaako maano.

Isaya 22:3

Bamatanjilili banu bakoondomokako lubilo nakubi boobo bakacatwa kabatana kuwaalwaawo mufwi nabibo womwi. Boonse abo bakacatwa, bakatolwa mubusha ceebo bakacicilabo limwi balwani babo kabacilibo kulaale.

Isaya 29:2

Ono ndaakushinguluka ndabala iyo yaambwa ayi ncipaililo cakwe Lesa. Ndushinisho kulaakuba kulila abuumba buyoosha muli njiyo. Ndabala yoonse ilaakubabo pyupyupyu kubulowa anga ncipaililo.

Jelemiya 32:4

Mwaami Sedekiya teshi akapulukewo. Ulaakwaabwa mumaansa a mwaami wa bene Babiloni alimwi ulaakulanganaakwe akubandikaakwe mulomo amulomo.

Jelemiya 32:5

Sedekiya ulaakutolwa kubabiloni uko nkweshi akanooshiite kushikila nkamoomboloshe. Nabi akalwane abene Babiloni, teshi akabakomeewo, sobwe. Nebo neMwaami Lesa ndaamba.’ ”

Esekelo 12:12

“Muleli wabo ulaakunyamuna shintu shakwe pacifushi ciindi camumuntu ngulya akuloboka kwiinda pabulyango mbweshi bakamutulwite mulubumbu kwaamba ayi aswite mpapo. Ulaakulifwekelesha kumeenso kwaamba ayi ataboni nkwaatooya.

Esekelo 12:4

Lumwi lubala, boonse kabakubwene, longela shintu shako. Ono macolesha, boonse kabakubwene, unyamuke akutalika kuya anga ngumuntu utooya mubusha.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Bene Lefi 26:36

“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

Amosi 2:14

Beshilubilo teshi bakakonshewo kuloboka. Bashinkusu teshi bakasebenseshe nkusu shabo. Ncakwiila abalo bashilumamba bacibwene kulwana teshi bakafunewo buumi bwabo beene.

Dutolonomi 28:25

“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.