Jelemiya 38:5 - Baibo Busansulushi Bwa Libuku Ili

⁵ Lyalo mwaami Sedekiya wakabaambila ayi, “Muntu uyu uli mumaansaanu. Nebo nshicite nkusu sha kumukasha.”

Jelemiya 38:5 ပူးပေါင်းရင်းမြစ်များ

2 Samwelo 19:22

Sombi Defedi wakakumbula ayi, “Mwebo nobana bakwe Seluiya tamubeteko lubasu kumakani aya. Ndime ndaba mwaami wa Isilaeli sunu alimwi taaku mwine Isilaeli eshi acaikwe sunu.”

2 Samwelo 3:39

Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

Tushimpi 29:25

Kuloonda muntu kuli anga nkoose, anu kubula cakulisukama nkucinkabo manungo muMwaami Lesa.

Jelemiya 26:14

Ono nebo ndi mumaansaanu. Amunciite cili coonse ncemutooyeeya ayi ncibotu alimwi cililuleme.

Jelemiya 37:17

Mpeeke mwaami Sedekiya wakatuma bantu kwisa mukumbwesa ayi bantole kuŋanda yakwe ya bwaami. Lyalo mwaami wakanjipusha kweela ayi, “Sa kuliwo maswi aswa kuMwaami Lesa?” Nebo ndakamukumbula ayi, “Ee, nkwaali. Mwebo mulaakwaabwa mumaansa a mwaami wa bene Babiloni.”

Danyelo 6:16

Paceebo ceeco mwaami wakaamba ayi Danyelo aacatwe akuwaalwa mucilindi ca nkalamu. Nakubi boobo wakaambila Danyelo ayi, “Lesa wako, uyo ngoosebensela cakushomeka, aakupulushe.”

Danyelo 6:17

Libwe linene lyakaletwa akufwekwa pamulomo wa cilindi ico. Pali ndilyo mwaami wakabikaawo akeshibilo kakwe ka bwaami pantu pomwi atwishibilo twa bacinenenene bakwe boonse. Bakacita boobo kwaamba ayi kutabi upulusha Danyelo.

1 Samwelo 15:24

Mpomunyaawo Saulo wakaambila Samwelo ayi, “Ncakwiila ndabiisha. Ndasotoka shakaamba Mwaami Lesa alimwi amilasho yanu. Ndakaloonda bantu, aboobo ndakabanyumfwila.

1 Samwelo 29:9

Akishi wakakumbula Defedi ayi, “Ee, ndishi kwaamba ayi bweenka butacite kampenda munjelo wakwe Lesa awebo mboobete mumeenso angu. Nakubi boobo bamatanjilili ba bashilumamba ba bene Filisiti baamba ayi tooelete kuya aswebo kunkondo, sobwe.