Jelemiya 32:9 - Baibo Busansulushi Bwa Libuku Ili

⁹ Aboobo ndakoola muunda uyo wakwe Anamelo mupyala wangu uyo wakalinga kuAnatoti. Ndakapima maali pacakupimishaako akumupa. Maali a silifa ayo ngondakamupa akalinga likumi amaali osanwe aobilo.

Jelemiya 32:9 ပူးပေါင်းရင်းမြစ်များ

Matalikilo 24:22

Labeka ndyaakamanisha, musankwa uyo wakabwesa ninga ya golodi ilema magilamu ali 5.5 akwiisomeka panshono yakwe, alimwi wakamufwalika makosa obilo a golodi alema magilamu ali 110 pamikono yakwe.

Matalikilo 37:28

Lyalo beshimakwebo bamwi bene Midyani ndibakashika pafwaafwi, bamakwabo bakamukwelaamo mumukalo akumuulisha maali asilifa ali makumi obilo kubene Ishimaeli abo bakamutola kuIjipiti.

1 Baami 20:39

Mwaami ndyaakalinga kwiinda, mulaluki wakoolobesha ayi, “Nomulemekwa, nebo ndakalinga munkondo ilyo shilumamba umwi ndyaakaleta shilumamba wakacatwa busha akumpa. Wakandwiita ayi, ‘Muntu uyu umulaame. Na aloboke, webo ulaakucaikwa nabi kulipila maali asilifa ali shuulu shotatwe.’

Neyemiya 5:15

Beendeleshi bakataanguna kulela nebo kaantana kubaawo bakalinga kulemya bantu. Bakalinga kubasesa maali a silifa ali 40 pabushiku abushiku a cakulya awaini. Abalo basebenshi babo bakalinga kulyatilila bantu. Sombi nebo nshindakalinga kucita boobo mukwiinga ndaloonda Lesa.

Esita 3:9

Anu baami na basuminisha, abape mulawo wakwaamba ayi bacaikwe. Na mwacita boobo, ndaakupa makilogilamu a silifa ali 340,000 kuŋanda ya kubwalo yakusungilako buboni kwaamba ayi mulimo uyu ucitwe.”

Kulonga 21:32

Na mucende uyo wayasa musha musankwa nabi mwanakashi, mufubi ulyeelete kulipila mwaami wa musha uyo maali a silifa ali makumi otatwe. Alakwe mucende ulyeelete kucaikwa kumabwe.

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Esekelo 4:10

Ukapime magilamu a shinkwa ali 230 ayo ngweshi unoolya bushiku abushiku paciindi cibambitwe.

Osiya 3:2

Aboobo ndakamulipilila maali a silifa ali 15 amakilogilamu a bale ali 150.