Jelemiya 30:2 - Baibo Busansulushi Bwa Libuku Ili

² “Ulembe makani oonse ngondakwaambila mulibuku ayi,

Jelemiya 30:2 ပူးပေါင်းရင်းမြစ်များ

Kulonga 17:14

Lyalo Mwaami Lesa wakaambila Mose ayi, “Ulembe mbuli mbondakoma munkondo iyi kwaamba ayi bantu bakanokwiibalukilaako. Alimwi ulwiite Joshuwa ayi ntoolengesha bantu kubula kwiibalukawo tubili bene Amaleki.”

Isaya 30:8

Ono Mwaami Lesa wakandwiita ayi, “Koya ulembe cikani ca bushicimpamya bwabo mulibuku kwaamba ayi kunembo bukabe bukamboni bwamuyayaya pali mbabo.

Isaya 8:1

Ono Mwaami Lesa wakandwiita ayi, “Bwesa cakulembelaawo cinene ulembewo maswi aya mumabala anene anene ayi Maa Shalali Ashi Basi, nkokwaamba ayi kusaala kwakufwambaana, kubwesa buboni calubilo.

Jelemiya 25:13

Ndaakuleta mapensho ayo oonse mucishi ico ngondakaambaawo, ee, oonse ayo alembetwe mulibuku ili akalalukwa aJelemiya pamishobo yoonse.

Jelemiya 30:1

Mpeeke Mwaami Lesa, Lesa wa bene Isilaeli wakaŋambila ayi,

Jelemiya 36:28

“Bwesa cakulembelaawo cimwi, ulembewo maswi oonse ayo akalinga pacakulembelaawo citaanshi ico cakatentwa aJeoiyakimu mwaami wa bene Juda.

Jelemiya 36:32

Mpomunyaawo ndakabwesa cakulembelaawo cimwi akucitambika mulembi wangu Baluki mwanaakwe Neliya. Baluki uyo wakalembawo shoonse nshendakamulwiita. Lyalo wakalemba maswi oonse akalinga pacakulembelaawo citaanshi ico Jeoiyakimu mwaami wa bene Juda ncaakatenta mumulilo. Maswi aanji eelenebo aayo ngondakamulwiita akeelikwaawo.

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

1 Bene Kolinto 10:11

Shoonse shintu ishi shakacitika kuli mbabo kwaamba ayi shibe shitondesho kubantu bamwi. Shakalembwa alimwi kwaamba ayi shitucenjeshe sotushiite muciindi cino meelelesho a cishi ca panshi ndyaali pafwaafwi.

Dutolonomi 31:19

“Ono lemba lwiimbo ulu akwiisha bene Isilaeli boonse kwaamba ayi lube bukamboni bwakubashinina.

2 Pita 1:21

Mukwiinga balaluki bakulukulu tebakalinga kwaamba shakaswa mukuyanda kwabo beene, sombi bakalinga kutanjililwa aMushimu Usalashi ndibakalinga kwaamba maswi akwe Lesa.

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

Ciyubululo 1:19

Ono aboobo lemba shintu shoonse nshewabona, isho shitoocitika cino ciindi alimwi asheshi shikacitike kunembo.