Jelemiya 3:8 - Baibo Busansulushi Bwa Libuku Ili

⁸ Lyalo Isilaeli ndakamupa nkalata yakumuleka akumutandaanya ceebo ca bufuule bwakwe. Sombi Juda mukwabo utashomeki ulya taakwe kuloondawo, sobwe. Ncakwiila alakwe wakacita bweenka ubo.

Jelemiya 3:8 ပူးပေါင်းရင်းမြစ်များ

2 Makani 21:11

Wakayaka misena yakulambililaako ya patulundu mucishi ca tulundu ca Juda akulengesha bene Juda abene Jelusalemu kubisha pameenso a Mwaami Lesa.

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Jelemiya 3:1

Mwaami Lesa waamba ayi, “Sa na musankwa waleka mukaakwe, alakwe waswaako akuya mukweebwa kumwi, sa inga wamuboosha alimwi? Te ico inga calengesha cishi kutasalala? Sombi webo Isilaeli weebweebwa anga ngumwanakashi mufuule. Ono sa sunu ulisuni kupilukila kuli ndime alimwi?

Jelemiya 33:24

“Sa ulinyumfwite ayi bantu batokwaamba ayi ndisuulite bene Isilaeli alimwi abene Juda, mikowa yobilo iyo njendakasala? Paceebo ceeco bantu bangu balabalanga caminsuula alimwi tabababelengiiwo ayi ngumushobo, sobwe.

Jelemiya 5:7

Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.

Esekelo 16:46

“Munene wako mwanakashi nguSamaliya uyo ushiitile kulubasu lwa kumatwa abana bakwe banakashi. Mwanike wako mwanakashi nguSodoma uyo ubetele kumalenge abana bakwe banakashi.

Esekelo 16:47

Webo tookwe kukonkelabo nshila shabo alimwi akwiiya micito yabo ilensha bunya, sombi munshila shako shoonse wakabisha kwiinda mbabo.

Esekelo 16:51

“ ‘Samaliya taakwe kushikawo nabi pamusa wa shibiibi nshewakacita. Webo wakacita shintu shilensha bunya shiinji kwiinda nguwe. Webo wakalengesha bamakwanu banakashi kuboneka anga balo baliluleme na tweelanisha asheesho nshewakacita webo.

Esekelo 23:44

Ncakwiila basankwa bakalinga kuboola lyobilo lyobilo kubanakashi abo, nkokwaamba ayi kuli Oola aOoliba banakashi bafuule.

Esekelo 23:9

“Paceebo ceeco, anebo ndakamwaaba mumaansa a basunikwi bakwe bene Asilya abo mbwaakalinga kunookumbwa.

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Dutolonomi 24:1

“Ono na musankwa umwi weeba, mpeeke muyanshiku, wayeeya kukaka mwanakashi uyo ceebo wamucanina kampenda. Kuswawaawo wamulembela nkalata yakulekana, wamupa akumutanda muŋanda yakwe.

Dutolonomi 24:3

sombi ibaye wabili alakwe wamukaka akumulembela nkalata ya kulekana akumutanda muŋanda yakwe, nabi na musankwa uyo wafwa,