Jelemiya 27:9 - Baibo Busansulushi Bwa Libuku Ili

⁹ Aboobo mutanoonyumfwila balaluki banu, bamukamwaami, beshikupandulula shiloto nabi beshikwaamba amishimu alimwi abaloshi abo bamwaambila ayi, ‘Teshi mukasebenselewo mwaami wa bene Babiloni.’

Jelemiya 27:9 ပူးပေါင်းရင်းမြစ်များ

Kulonga 22:18

“Mwanakashi muloshi uli woonse ulyeelete kucaikwa.

Kulonga 7:11

Lyalo mwaami alakwe wakeeta basankwa basongo alimwi abeshimampelampela. Abalo kwiinda munkusu shabo bakacita bweenka ubo.

Tushimpi 19:27

Omwanaangu, na ucileke kukonkela milasho, ulaakupambuka munshila ya maswi alushibo.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Jelemiya 14:14

Mpeeke Mwaami Lesa wakakumbula ayi, “Balaluki batoolaluka shabubeshi muliina lyangu. Nshikwe kubatuma, kubasala nabi kubandikaabo. Batoomulalukilabo shili anga nshiloto shabubeshi, kusonda kwabo takucite ncito alimwi ashintu nshebaliyeeyela mumitwi yabo beene.

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

Jelemiya 23:25

“Ndanyumfwa balaluki nshebaamba abo balaluka shabubeshi muliina lyangu. Balaamba ayi, ‘Ndaloota! Ndaloota!’

Jelemiya 23:32

Ndushinisho ndibapatite balaluka shabubeshi. Balalwiita bantu bangu shiloto isho akubasowa kububeshi bwabo butacite ncito. Sombi nshikwe kubatuma, sobwe. Nebo neMwaami Lesa ndaamba.”

Jelemiya 29:8

Ee, Mwaami Lesa Shinkusu shoonse, Lesa wa bene Isilaeli waamba ayi, ‘Mutasuminishi balaluki nabi bamukamwaami bali pakati kanu kumubeca. Mutakutiki kumaloto abo ayo ngomubayuminisha ayi kababaawo.

Esekelo 21:29

Nakubi kwaamba ayi kuli shili anga nshiloto shabubeshi shimukumite ashisondo shabubeshi shapali ndimwe, mupeeni ulaakumana kwiinda bamucita shibi panshingo abo beshi bakacaikwe. Bushiku bwabo bwashikila, ciindi cabo cakupekwa mulandu wakweelaako cilibo muliimfwa.

Danyelo 4:7

Lyalo beshikusonda boonse, beshimampelampela, baloshi alimwi abasongo ba shintu shili mwiculu boonse ndibakaletwa, ndakabalwiita ciloto cangu, sombi bakaalilwa kunsansulwita ciloto ico.

Mika 3:7

Balaluki balaakufwa nsoni abalo beshikusonda balaakulenshekwa nsoni. Balaakulosha shiwa panshi mukwiinga Lesa taatoobakumbula.”

Sekaliya 10:2

Mushibumbwabumbwa taamu lushinisho. Beshikusonda balaba ashili anga nshiloto shabubeshi alimwi balasansulula shiloto shiteshi shalushinisho. Ncakwiila baloombulusha citacite mpindu. Paceebo ceeco bantu baleengailabo anga nimbelele shitacite mweembeshi.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Milimo ya Batumwi 8:11

Bantu aba bakalinga kumulemeka akumunyumfwila ceebo wakatalika kalekale kubakankamika ashimpelampela shakwe.

Bene Efeso 5:6

Mutaleeki muntu nabi womwi ayi amucenjeeke kwiinda mumaswi atacite ncito mukwiinga sheenka shintu ishi nsheshilengesha Lesa kuba abukali pabantu abo batamunyumfwili.

Dutolonomi 13:2

ayi amulengeshe kunoolambila akusebensela balesa mbomutana kulambilawo kale, nabi na nceenga washomesha kucita cacitika cancinencine,

Dutolonomi 18:14

Kuswawaawo Mose wakaamba ayi, “Bantu abo mbomutooya mukunyaya cishi balakonkela shaamba bamukamwaami abaŋanga. Sombi mwebo, Mwaami Lesa, Lesa wanu wamukasha kucita boobo.

Joshuwa 13:22

Pabantu abo bene Isilaeli mbobakacaya, pakalinga shikulotela Balaamu, mwanaakwe Beyo.

Ciyubululo 18:23

Muli ndiwe teshi mukabonekeewo lilampi litoonyaka alimwi teshi mukanyumfwikeewo liswi lyakwe shibwiinga alyakwe nabwiinga. Beshimakwebo bako bakalinga mbobantu beendaawo nkusu mucishi coonse ca panshi. Ono kwiinda mumampelampela ako, wakacenjeeka bantu ba mishobo yoonse mucishi coonse ca panshi!”

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Ciyubululo 9:21

Peculu lya waawo tabakwe kusanduka kuswa kubucayi, buloshi, bufuule nabi bwiipi.