Jelemiya 24:2 - Baibo Busansulushi Bwa Libuku Ili

² Umwi mutaanga wakalinga kucite nkuyu shibotu abuumbi, bweenka mbuli sheshilya shitaanguna kupya. Umwi wakalinga kucite shibiibi cakwaamba ayi inga tashilikwiiwo akulikwa.

Jelemiya 24:2 ပူးပေါင်းရင်းမြစ်များ

Isaya 5:4

Ino nciinshi cimwi ciinda mbondakacitila muunda wangu ico ncendakalinga kweelete kuucitila? Nebo ndakalinga kulangila ayi mulaakucata minyansa ibotu. Ceebonshi mwakacata minyansa isakamwita?

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Jelemiya 29:17

Ee, Mwaami Lesa Shinkusu shoonse waamba ayi, ‘Ndaakubatumina nkondo, nsala amwaalu alimwi ndaakubalengesha kuba anga ninkuyu shibiibi cakutalikwa.

Osiya 9:10

Mwaami Lesa waamba ayi, “Ndindakacanabo bene Isilaeli, cakaba anga nkucana munyansa utoomena muluyanga. Ndindakabona bamashali babo bakulukulu, cakaba anga nkucana nkuyu shakusoma kucisamu ca nshisho. Sombi ndibakashika kuKalundu ka Baali Peoli, bakatalika kulambila shibumbwabumbwa. Mpeeke bakatalika kunensha bunya anga mbalesa abo beenka mbobakalinga kusuni.

Mika 7:1

Mbondapenga nebo nemucaangu! Ndababo anga ngumuntu uya cibweselela shisepo shakacaala mumuunda. Sombi taaku cisankata ca minyansa nabi comwi cakacaalaamo cakwaamba ayi inga ndalya, nabibo nkuyu isho nsheensuni abuumbi.

Naamu 3:12

Shiyubilo shako shoonse shili anga nshisamu sha nkuyu ashisepo sha nshisho shitaanguna kupya. Na mwashitenkaanya, inkuyu shilalokela mumulomo wa muntu uyo ushilya.

Shakubelenga 18:13

Shoonse shakulya nshebataanguna kutebula mucishi isho nshebapa ndime neMwaami Lesa, shilaakuba shaanu. Woonse muntu uli muŋanda yanu uyo usalalite kweelana aMilawo inga walyaako.

Mateyo 5:13

“Mwebo ndimwe mwiinyo wa cishi, sombi na mwiinyo wasambalala, inga mwacita buyani kwaamba ayi ube kabotu alimwi? Taucite ncito, nkuusowabo abantu kabalyatolaawo.