Jelemiya 2:5 - Baibo Busansulushi Bwa Libuku Ili

⁵ Mwaami Lesa utokwiipusha ayi, “Ino ncibiibinshi bamashali banu bakulukulu ncebakambonena, ico cakabalengesha kupambuka bobulya kuswa munshila yangu? Beene bakakonkela shibumbwabumbwa shitaaku mboshibete, lyalo abalo beene bakaba bantu bataaku mbobabete.

Jelemiya 2:5 ပူးပေါင်းရင်းမြစ်များ

2 Baami 17:15

Bakakaka milasho yakwe yoonse acipangano ico ncaakapanga abamashali babo bakulukulu alimwi akucenjesha uko nkwaakabapa. Bakalinga kulambila shibumbwabumbwa shitacite ncito abalo bakaba bantu batacite ncito. Bakakonkela bwikaalo bwa bantu bakalinga kubashingulukite nabi Mwaami Lesa wakabaambila ayi, “Mutanoocita isho nshebacita.”

Kulumbaisha 115:8

Abo bababumba balikoshenye ambabo, ee, abaabo boonse bacinkite manungo muli mbabo.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Isaya 44:9

Anu boonse bapanga shibumbwabumbwa taaku mbobabete ashalo shintu nshibabikaako maano tashicite mpindu. Bantu abo banyamuka akushimikila pali nshisho balitulookite meenso. Ncakwiila kubula lushibo kwabo kwabasebaanya.

Isaya 46:12

“Ono amukutike nshentokwaamba mwebo nobantu beshicimpamya. Amukutike mwebo nomuyeeya ayi teshi mukapulushikwe onoono.

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Jelemiya 12:2

Mwakabashanga abalo bakamena, balakomena akucata shisepo. Ciindi coonse balaamba shibotu pali ndimwe, sombi myoyo yabo ili kulaale amwebo.

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Jelemiya 2:4

Amunyumfwe maswi a Mwaami Lesa, mwebo nobamulunyungu lwakwe Jakobo, ee, noshipani sha mumikowa ya bene Isilaeli.

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Esekelo 11:15

“Webo omuntu, bantu bali muJelusalemu batokwaamba pali ndiwe abene Isilaelinyoko abo bali mubusha pantu pomwi awebo. Batokwaamba ayi, ‘Bantu abo bali kulaale abuumbi kwaamba ayi balambile Mwaami Lesa. Anu cishi cino Mwaami Lesa watupa ayi ncesubo sweenka.’

Esekelo 14:5

Ndaakucita boobo kwaamba ayi mbooshe myoyo ya bene Isilaeli abo boonse bakanshiya ceebo ca shibumbwabumbwa.’

Jona 2:8

“Abo balambila shibumbwabumbwa shitacite ncito, baleendwa nkumbu sheelete kuba shinebo.

Mateyo 15:8

‘Aba bantu balandemekabo pamulomo sombi myoyo yabo ili kulaale anebo.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

1 Samwelo 12:21

Mutakonkeli shibumbwabumbwa shitacite mpindu. Tashikoonshi kumucafwa nabi kumufuna mukwiinga taaku mboshibete.