Jelemiya 2:32 - Baibo Busansulushi Bwa Libuku Ili

³² Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.

Jelemiya 2:32 ပူးပေါင်းရင်းမြစ်များ

Matalikilo 24:22

Labeka ndyaakamanisha, musankwa uyo wakabwesa ninga ya golodi ilema magilamu ali 5.5 akwiisomeka panshono yakwe, alimwi wakamufwalika makosa obilo a golodi alema magilamu ali 110 pamikono yakwe.

Matalikilo 24:30

Labani wakeebona ninga ya golodi munshono yakwe Labeka, amakosa anene anene obilo kumikono yakwe, alimwi wakanyumfwa ashakaamba musankwa uyo kulwiita Labeka. Wakaya kumusebenshi wakwe Abulaamu uyo wakalinga kwiimfwi kufwaafwi angamela shakwe pamukalo

Matalikilo 24:53

Kuswawaawo wakakusha makosa ashimwi sha mushobo uyo sha golodi asha silifa, alimwi ashisani ashakufwala sha mushobo amushobo akupa Labeka. Nandumi shakwe abanyina wakabapa aabalo shipo shamakwebo.

2 Samwelo 1:24

“Nobanakashi bene Isilaeli amulile Saulo, wakalinga kumufwalika shisani shiteshimite shisalala, wakalinga kubotesha shakufwala shanu ashintu sha golodi.

Kulumbaisha 106:21

Bakaluba Lesa uyo wakabafuna ndyaakacita shaankamiko mucishi ca Ijipiti.

Kulumbaisha 9:17

Lufu nkokweela nshila ya bamucita shibi, njenshila ya baabo boonse bakaka Lesa.

Isaya 17:10

Nobene Isilaeli, ncakwiila mwaluba Lesa wanu uyo wakamufuna ee, mwaluba Mwaandami wanu umutabilila. Mulashanga amyuunda isalalite ayi munoolambililamo balesa banu. Paceebo ceeco nabi mukashange shishango shibotu buyani, ee, nabi mukashange minyansa yakuula kuswa kucishi cimwi,

Isaya 57:11

Ono Mwaami Lesa waamba ayi, “Anu mbalesanshi abo bamulenga boowa cakwaamba ayi nebo kamumbeca akundubililaakobo limwi? Sa nceebo cakwaamba ayi ndoomuna bunene ncemwacilekela kunoonda?

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Jelemiya 13:10

Bamucita shibi abo bakakaka kunyumfwila maswi angu. Bakakonkela bushicimpamya bwa myoyo yabo akuya mukusebensela akulambila balesa bamwi. Paceebo ceeco balaakuba bweenka mbuli laamba uyu utacite ncito napaceyuubo.

Jelemiya 13:25

Ici nceshi cikacitike kuli ndimwe. Cilaakuba ncecipansha nceshi nkamupe mukwiinga mwebo mwakanduba akucinka manungo mubalesa babubeshi.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 2:11

Sa kuliwo mushobo wakakakaawo lesa wa nguwo? Nakubi boobo teshi balesa bancinencine. Sombi bantu bangu bakaka Lesa wabo kwaamba ayi bakonkele balesa bataaku mbobabete.

Jelemiya 2:33

Webo ulicibwene kuya busuna basankwa. Ncakwiila nabibo banakashi beenditeewo bufuule inga beeya nshila shako.

Jelemiya 23:27

Balo balayeeya ayi maloto abo ngobalwiitana alaakulengesha bantu bangu kuluba liina lyangu bweenka bamashali babo bakulukulu mbobakandubaako ceebo cakulambila Baali.

Jelemiya 3:21

Mibila yanyumfwika peculu lya tulundu. Mbene Isilaeli batoolila akukombelela ceebo bekala buumi bwakubisha alimwi akuluba Mwaami Lesa, Lesa wabo.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Osiya 8:14

Bene Isilaeli bakaluba Mulengi wabo akuliyakila maanda a bwaami. Abalo bene Juda bakayaka mandabala aanji acite malinga. Sombi ndaakutuma mulilo pamandabala abo anene uyo weshi ukanyonyoole shiyubilo shabo.”

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

Ciyubululo 21:2

Ndakabona andabala inene isalalite ya Jelusalemu keeswa kwiculu kuli Lesa. Yakalinga kubambitwe, anga ngumwanakashi utokweebwa uyo walibambila kuya kuli ibaye.

Boomboloshi 8:34

Ncakwiila bakacileka kusebensela Mwaami Lesa wabo uyo wakabafuna kubalwani babo boonse abo bakalinga kubashingulukite.