Jelemiya 2:2 - Baibo Busansulushi Bwa Libuku Ili

² “Koya ukaambilishe maswi aya kundabala ya Jelusalemu ayi ‘Ndiingashite mbowakalinga kulyaabite kuli ndime koocili cikula bwangu. Ndiingashite mbowakalinga kunsuni koocili nabwiinga wangu, ee, mbowakankonkela ndindakakwiinsha muluyanga, ncakwiila mucishi citaliimwa.

Jelemiya 2:2 ပူးပေါင်းရင်းမြစ်များ

Kulumbaisha 129:1

Balwani bangu bakatalika kumpensha kaancili cikula bwangu. Bene Isilaeli abaambe boobo.

Kulonga 14:31

Ono bene Isilaeli ndibakabona nkusu sha Mwaami Lesa shiteelekwa isho nshaakakomeshako bene Ijipiti, bakalemeka Mwaami Lesa. Kuswawaawo bakashoma muMwaami Lesa alimwi aMose musebenshi wakwe.

Kulonga 16:8

Lyalo Mose wakabaambila ayi, “NguMwaami Lesa eshi amupe nyama ayi mulye macolesha alimwi ashinkwa woonse uyandika macuunsa, mukwiinga Mwaami Lesa wanyumfwa mbuli mbomwamutongookela. Na mwatongookela ndiswe, nkokwaamba ayi mutootongookela Mwaami Lesa.”

Tushimpi 1:20

Busongo butokwiita mumikwakwa. Butokoolobesha mumisena icanika bantu baanji.

Lwiimbo lwakwe Solomoni 3:11

Amuswe nobanakashi ba kuSiyoni. Kamwisa mweebele mwaami Solomoni. Kamwisa mubone mushini wa bwaami ngwaafwete kumutwi uyo wakamushiila banyina ayi afwale pabushiku bwa bwiinga bwakwe. Ncakwiila pabushiku ubo moyo wakwe ndiwakasangalala abuumbi.

Lwiimbo lwakwe Solomoni 3:6

Ngani uyu utooswa muluyanga, uyu uli anga mbwiishi butooya mwiculu? Ngani uyu utoonunkila kabotu ceebo ca mafuta a mule amafuta a tununkila kabotu ayo akapangwa kutununkila kabotu toonse twa beshimakwebo?

Isaya 58:1

Mwaami Lesa waamba ayi, “Olobesha cankusu alimwi cakutacileka. Amba muliswi lya peculu anga ndupeenga. Ambila bantu bangu shabwaashu bwabo ee, waambile bamulunyungu lwakwe Jakobo shibiibi shabo.

Jelemiya 11:6

Mpeeke Mwaami wakaŋambila ayi, “Koya waambilishe maswi aya oonse mumandabala a kuJuda amumikwakwa ya muJelusalemu ayi, ‘Amunyumfwe makani acipangano ici alimwi mwaakonkele.

Jelemiya 19:2

Lyalo muye kuCinyika ca Inomu kufwaafwi aMwinjililo wa Shikaye. Uko ukaambilishe maswi ngweshi nkulwiite.

Jelemiya 2:1

Mpomunyaawo Mwaami Lesa wakandwiita ayi,

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jelemiya 3:4

Sa teshi ndimwe mwalinga kunjita coonoonobo ayi, ‘Ta,’ akwaamba ayi, ‘Mwebo muli beensuma kuswabo katucili bacikula bwangu.

Jelemiya 7:2

“Koya wiimikane pamwinjililo wa kuŊanda yangu neMwaami Lesa, uye waambe maswi aya: “Amunyumfwe maswi angu neMwaami Lesa mwebo noonse nobene Juda nomwiinda paminjililo iyi kuya mukunambila.

Esekelo 16:22

Ndiwakalinga kucita shintu ishi shilensha bunya abufuule bwako tookwe kwiibaluka nshiku shako sha kubwanike, ndiwakalinga kweendabo matakosha, kooalabanganabo mumalowa.’ ”

Esekelo 16:60

Nakubi boobo ndaakwiibaluka cipangano ncendakapanga andiwe koocili cikula bwangu alimwi ndaakupanga cipangano citamaani andiwe.

Esekelo 16:8

“ ‘Ndindakeendilako lwabili, ndakakulanga akubona ayi wakomena cakweelela kweebwa. Lyalo ndakafungulula cisani cangu nkocibetele kweela akukufweka ayi utanokweenda matakosha. Ndakashomesha cakulumbila kuli ndiwe akupanga cipangano andiwe. Kuswawaawo wakaba waangu. Nebo neMwaami Lesa Shinkusu shoonse ndaamba.

Esekelo 23:19

Nakubi boobo wakeendilisha bufuule mukuyeeya nshiku sha bumooye bwakwe ndyaakalinga mufuule muIjipiti.

Esekelo 23:3

Banakashi abo bakatalika kucita bufuule muIjipiti kabacilibo bamyooye. Mucishi umo mobakalitwa shisungu shabo.

Esekelo 23:8

Mwanakashi uyu taakwe kucileka bufuule ubu mbwaakatalikila muIjipiti basankwa ndibakalinga kukumanaakwe abo bakamulya cisungu akumulengesha kuba mufuule.

Osiya 11:1

Mwaami Lesa waamba ayi, “Isilaeli ndyaakalinga mwaana ndakalinga kumusuni abuumbi alimwi ndakeeta mwanaangu uyo ayi aswe muIjipiti.

Osiya 2:15

Lyalo uko ndaakubabooshesha myuunda yabo ya minyansa alimwi ndaakulengesha Cinyika ca Ako kuba mulyango wakulangila. Muluyanga umo balaakutalika kunkonkela bweenka mbobakalinga kucita kale kale, ee, ndibakaswabo mucishi ca Ijipiti.

Osiya 2:17

Ndaakukusha liina lya Baali mumilomo yabo. Teshi bakasebenseshewo tubili meena abo pakupaila.

Osiya 2:7

Balaakunooya cikonkela basunikwi babo, sombi teshi bakabeensheewo. Balaakunooya cibayandoola, sombi teshi bakabacaneewo. Lyalo balaakwaamba ayi, ‘Ntooboolela kubeebaangu bataanshi ceebo kuli mbabo ndakalingako kabotu kwiinda mboombete bulya.’

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Osiya 9:10

Mwaami Lesa waamba ayi, “Ndindakacanabo bene Isilaeli, cakaba anga nkucana munyansa utoomena muluyanga. Ndindakabona bamashali babo bakulukulu, cakaba anga nkucana nkuyu shakusoma kucisamu ca nshisho. Sombi ndibakashika kuKalundu ka Baali Peoli, bakatalika kulambila shibumbwabumbwa. Mpeeke bakatalika kunensha bunya anga mbalesa abo beenka mbobakalinga kusuni.

Jona 1:2

“Nyamuka uye kundabala inene iindaawo ya Ninife, akushimikila cakucenjesha bantu ba mumo, ceebo bubi bwabo ndabubona ayi bwafula.”

Mateyo 11:15

Uyo ucite matwi anyumfwe!

Luka 12:13

Umwi muntu wakalinga mulikoto wakaambila Jesu ayi, “NoBafundishi, amumwaambile nandumi yangu ampeeko buboni bwakashiya bata balobe.”

Dutolonomi 2:7

“Amwiibaluke Mwaami Lesa mbwaamupa coolwe mushintu shoonse nshemwakacita. Wakamulama ndimwakalinga kwiingooka muluyanga ulu lutabwenekete ankolweela. Wakalingaanu myaaka yoonse makumi one alimwi shoonse shakalinga kuyandika, mwakabaasho.

Dutolonomi 33:3

Mwaami Lesa ulisuni bantu bakwe akunoobalama mukwiinga mbaakwe. Paceebo ceeci soonse tulafukama muliimfwa lyakwe akutambula milasho yakwe,

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.

Ciyubululo 2:4

Sombi ndicite litongooshi pali ndiwe ceebo toonsuni bweenka mbowakalinga kunsuni kataanshi.