Jelemiya 2:11 - Baibo Busansulushi Bwa Libuku Ili

¹¹ Sa kuliwo mushobo wakakakaawo lesa wa nguwo? Nakubi boobo teshi balesa bancinencine. Sombi bantu bangu bakaka Lesa wabo kwaamba ayi bakonkele balesa bataaku mbobabete.

Jelemiya 2:11 ပူးပေါင်းရင်းမြစ်များ

1 Baami 11:33

Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.

2 Baami 1:3

Sombi munjelo wa Mwaami Lesa wakaambila Elija mulaluki mwine Tishibe ayi, “Koya ukakumane abeshinkombe abo mwaami Aasiya mbwaakatuma akubeepusha ayi, ‘Sa nceebo cakwaamba ayi taamu Lesa muIsilaeli ncemutooita mukwiipusha kuli Baali Sebubu, lesa wa kuEkiloni?’

2 Makani 13:9

Mwakatandaanya bapailishi ba Mwaami Lesa, bamulunyungu lwakwe Aloni pantu pomwi abene Lefi. Mumusena wabo mwakabikaamo bapailishi baanu nobeene bweenka bucita bantu bamumishobo imwi. Uli woonse weenga waleta mucende alimwi ambelele shisankwa shili shosanwe ashobilo mulamupa mulimo wa bupailishi bwa balesa banu abo bateeshi balesa bancinencine.

Kulumbaisha 106:20

Bakashiya Lesa wabulemu akulambila cibumbwabumbwa ca mucende uyo ulya bwiisu.

Kulumbaisha 115:4

Sombi balesa babo mba silifa agolodi abo bakabumbwa amaansa a bantu.

Kulumbaisha 3:3

Sombi mwebo noBaami baLesa muli liyawo lyangu, mulamfwalika bulemu bwanu, mulanjumyayumya akunsumpula.

Isaya 37:19

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

Jelemiya 16:20

Sa bantu balakonsha kulipangila balesa babo? Ee, sombi teshi balesa bancinencine!”

Jelemiya 18:13

Paceebo ceeco Mwaami Lesa waamba ayi, “Amwiipusheepushe pakati ka mishobo imwi yoonse na kuli wakanyumfwaawo kale camushobo uyo? Bene Isilaeli bakacita cintu cibiibi abuumbi.

Jelemiya 2:5

Mwaami Lesa utokwiipusha ayi, “Ino ncibiibinshi bamashali banu bakulukulu ncebakambonena, ico cakabalengesha kupambuka bobulya kuswa munshila yangu? Beene bakakonkela shibumbwabumbwa shitaaku mboshibete, lyalo abalo beene bakaba bantu bataaku mbobabete.

Jelemiya 2:8

Bapailishi tabakwe kwiipushawo ayi, ‘Ino Mwaami Lesa uli kuli?’ Ncakwiila babona pamilawo tebakalinga kwinshiiwo, sobwe. Bamatanjilili abalo bakangashukila. Balaluki bakalinga kulaluka muliina lyakwe Baali, ee, kabakonkela shibumbwabumbwa shitaaku mboshibete.”

Jelemiya 5:7

Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.

Esekelo 14:5

Ndaakucita boobo kwaamba ayi mbooshe myoyo ya bene Isilaeli abo boonse bakanshiya ceebo ca shibumbwabumbwa.’

Esekelo 5:7

“Paceebo ceeco nebo neMwaami Lesa Shinkusu shoonse ndaamba ayi, ‘Bwaashu bwanu bwakomena kwiinda mishobo imushingulukite alimwi tamukonkeli milasho amilawo yangu. Sombi mwakonkela milawo ya mishobo imwi imushingulukite.’

Mika 4:5

Mushobo womwi awomwi ulaakunoolambila akunyumfwila lesa wa nguwo, sombi swebo tulaakunoolambila akunyumfwila Mwaami Lesa, Lesa wesu kwalyoonse alyoonse.

Bene Loma 1:23

Bakacileka kulambila Lesa utafwi, balalambila shibumbwabumbwa shiboneka anga mbantu bafwa nabi bayuni, banyama ba muluundu, ntaale ashintu shimwi sha mushobo uyo.

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

Bene Galatiya 4:8

Kale kale Lesa temwakalinga kumwishiiwo, aboobo mwakalinga kusebensela shintu shitabete Lesa.

Dutolonomi 32:16

Bakakalasha Mwaami Lesa ceebo cakulambila balesa bamwi, wakabakalalila ceebo ca shibumbwabumbwa shabo shimulensha bunya.

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.

1 Samwelo 4:21

Nakubi boobo wakatumba mwaana ayi Ikabodi, lisansulula ayi, “Bulemu bwakwe Lesa bwaswa pakati ka bene Isilaeli.” Ici cakalinga kukumite kukucatwa kwa Libokoshi lya Cipangano ca Mwaami Lesa, kufwa kwa bapongoshi bakwe basankwa alimwi akwa beebaye.