Jelemiya 19:4 - Baibo Busansulushi Bwa Libuku Ili

⁴ Ndaakucita boobo mukwiinga bakansuula akulengesha musena uyu kuba wa balesa beensu. Bakatentelamo milambu kubalesa abo balo, bamashali babo bakulukulu nabi bamaami bene Juda mbobatakalinga kwishi. Musena uno bausushabo bulowa bwa bantu batacite milandu.

Jelemiya 19:4 ပူးပေါင်းရင်းမြစ်များ

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

2 Baami 23:10

Mwaami Josiya wakanyonyoola musena wakulambililaako wa kuTofeti muCinyika ca Inomu kwaamba ayi taaku muntu weenga wabenga mwanaakwe musankwa nabi mwanakashi ayi ngumulambu wakutenta kuli Moleki.

2 Baami 24:4

Wakacaya bantu baanji abo batacite milandu muJelusalemu. Paceebo ceeco Mwaami Lesa taakwe kumulekelela.

Kulumbaisha 106:38

Bakatila bulowa bwa baabo batacite mulandu. Ee, bulowa bwa bana babo basankwa abanakashi abo mbobakabenga kushibumbwabumbwa shine Kenani. Bucayi ubo bwakacitika bwakabisha cishi ico coonse.

Isaya 59:7

Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.

Isaya 65:11

“Sombi mwebo nomufutatila ndime neMwaami Lesa akusuula kalundu kangu kasalalite, ee, mwebo nomulambila Gadi aMeni balesa baleta coolwe amalwesa,

Jelemiya 1:16

Ndaakupa mulandu bantu bangu ceebo ca bubi bwabo bwakunsuula mukunootentela balesa babo tununkila kabotu amukulambila shakapanga maansaabo beene.

Jelemiya 11:13

Mwebo nobene Juda mulicite balesa banu baanji bweenka bubete mandabalaanu. Shipaililo nshemwakayaka shakutentelawo tununkila kabotu kuli Baali, lesa uyo ulensha bunya, nshiinji bweenka mbuli mikwakwa ya muJelusalemu.’

Jelemiya 15:6

Mwebo mwakankaka, ncakwiila mulicitekobo kuboola pesule. Aboobo ndaakumucata akumunyonyoola. Teshi nkamufwitewo nkumbu tubili.

Jelemiya 16:11

Lyalo ukabakumbule ayi, ‘Nceebo ca bamashali banu bakulukulu bakansuula akukonkela balesa bamwi, bakabasebensela akubalambila. Bakamfutatila alimwi tabakwe kunyumfwila kwiisha kwangu.

Jelemiya 17:13

Nobaami baLesa mwebo muli lulangilo lwa bene Isilaeli. Boonse abo bamusuula, balaakulenshekwa nsoni. Boonse abo balaakushiminganabo anga ngameena alembwa mubulongo ceebo bakamufutatila mwebo nokantupu ka buumi.

Jelemiya 17:20

Lyalo ukabaambile ayi, ‘Amunyumfwe maswi a Mwaami Lesa, mwebo nobamaami ba bene Juda, bene Juda boonse alimwi abamwi boonse bekala muJelusalemu abo beenda paminjililo iyi.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Jelemiya 2:17

Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Jelemiya 2:34

Kushakufwala shako bantu balacanaako bulowa bwa bakandu batacite milandu nakubi kwaamba ayi tookwe kubacata kabeepa. Nakubi boobo

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Jelemiya 26:15

Sombi ncemweelete kwishiba ncakwaamba ayi na muncaaye, ingayi mutooliletela mulandu wakucaya muntu utacite mulandu akuuleta pandabala ino apabantu bekalaamo. Ceebo kwaambabo lushinisho, Mwaami Lesa ngowantuma ayi nse ŋambe maswi aya oonse kamunyumfwite.”

Jelemiya 26:23

Uliya bakamuleta kuswa kuIjipiti akumutola kumwaami Jeoiyakimu uyo wakamucaisha amupeeni akusowa mutuntu wakwe kushuumbwe sha bantu boonse.

Jelemiya 44:3

ceebo ca shibiibi nshebakacita. Bakasonkomona bukali bwangu mukwiinga bakalinga kutentela balesa bamwi tununkila kabotu akubalambila, ee, balesa abo, balo, webo nabi bamashali bako bakulukulu mbobatakalinga kwishi.

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 7:6

Amucileeke kulita masuku pamitwi ya baswamashi, banabanshiwa alimwi abamukalubinje. Amucileeke kucaya bantu batacite milandu mucishi cino. Amucileeke kulambila balesa bamwi mukwiinga ico inga camulengesha kunyonyooka.

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Malilo 4:13

Sombi cakacitika mukwiinga wa shibiibi sha balaluki babo amicito ibiibi ya bapailishi abo bakatila bulowa bwa bantu baluleme.

Esekelo 20:26

Ndakabaleka ayi balibiishe kwiinda mumilambu yabo, bunene bunene pakubenga bana babo bakwiiya ayi njimilambu. Ndakacita boobo kwaamba ayi bakaloonde akwishiba ayi nebo ndi Mwaami Lesa.’

Esekelo 7:22

Lyalo ndaakufutatila kashanga bantu abo kwaamba ayi bakabishe Ŋanda yangu iyo njeensunishi. Beepi balaakwinjila muli njiyo akwiibisha.

Esekelo 8:11

Kunembo lya nshisho kwakalinga kwiimfwi bamaloba ba bene Isilaeli bali 70, kubikaawo aJaasaniya mwanaakwe Shafani. Womwi awomwi wakalinga kucite cakutentelawo tununkila kabotu mulyaansa lyakwe, kakusuntabo bwiishi bwa tununkila kabotu.

Danyelo 11:31

Bashilumamba bakwe bamwi beshi bakanoocite shilwanisho balaakuya mukulengesha Ŋanda yakwe Lesa kutanoosalalite. Balaakukasha akubenga milambu ya bushiku abushiku. Mpeeke balaakwiimika Cintu cilya Ciloondesha.

Luka 11:50

Aboobo bantu ba cecino ciindi balaakupekwa mulandu ceebo ca balaluki boonse mbobakacaya kuswa kumatalikilo a cishi,

Dutolonomi 13:13

bantu bamwi bamucita shibi ba mumushobo wanu bayungoola bantu mumandabalaabo ayi balambile balesa abo mbomutakwe kulambilawo kale,

Dutolonomi 13:6

“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,

Dutolonomi 28:20

“Na munoocita shibiibi mukukaka Mwaami Lesa, kulaakumuletelela shiyoosha, shimfulunganya, alimwi amapensho mushintu shoonse nsheshi mukanoocita, kushikila mukafwambaane kunyonyooka cakumaninina.

Dutolonomi 28:36

“Mpomunyaawo Mwaami Lesa ulaakutola ndimwe alimwi amwaami wanu kucishi cimwi, ico mwebo nabi bamashali banu bakulukulu ncebatana kubonaawo. Nkomunya uko mulaakunoolambila balesa bapangwa kushisamu alimwi akumabwe.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”

Boomboloshi 5:8

Ciindi bantu ndibakasala balesa beensu, ayalo nkondo yakabashikila. Tekwakalinga kuboneka lisumo nabi buta pakati ka bantu bali 40,000 ba kuIsilaeli.