Jelemiya 18:7 - Baibo Busansulushi Bwa Libuku Ili

⁷ Na cimwi ciindi ndaambilisha ayi mushobo wa bantu nabi bwaami butumunwe, bupwayoolwe nabi ayi bunyonyoolwe,

Jelemiya 18:7 ပူးပေါင်းရင်းမြစ်များ

Matalikilo 6:6

wakafwa nsoni kwaamba ayi wakalenga bantu akubabika pacishi ca panshi. Mpeeke cakamucisa abuumbi kumoyo.

Jelemiya 1:10

Sunu ndakupa nkusu pamishobo yoonse apamalelo oonse, nkusu shakushula akumwayoola, kunyonyoola akukoma, kuyaka akushanga.”

Jelemiya 26:3

Mpashi inga banyumfwa basanduka kuswa kunshila shabo shibiibi. Na bacita boobo, inga ndasandula miyeeyo yangu akutabaletela mapensho ayo ngondalinga kuyeeyela kubacita ceebo ca micito yabo ibiibi.”

Jelemiya 31:28

Bweenka mbuli mbondakabikako maano kubatumuna, kubapwayoola, kubakoma, kubanyonyoola akubapumununa, mbweeke ubo mbweshi nkabikeko maano kubashanga akubayaka alimwi.

Jelemiya 42:10

‘Na mukekaale mucishi cino, Ndaakumuyaka, teshi nkamumwaaye, ndaakumushanga, teshi nkamutumune, sobwe. Ndoongumana abuumbi ceebo ca mapensho ngondakamuletela.

Jelemiya 45:4

“Nebo neMwaami Lesa ndaamba ayi, ‘Ndaakumwaya nshendakayaka akutumuna sheesho nshendakashanga mucishi coonse ca panshi.

Esekelo 33:14

Inga ndaambila mucita shibi ayi, ‘Ndushinisho webo ulaakufwa,’ ono lakwe wasanduka kuswa kushibiibi shakwe akucita shintu shakutanyengelela alimwi shiluleme,

Danyelo 11:4

Pesule lyakuba ankusu shiinji, bulelo bwakwe bulaakubaanikamo shipansha shone. Lyalo bamaami abo bateshi bamulunyungu lwakwe balaakunoolela mumusena wakwe. Sombi teshi bakabe ankusu sheelene ankusu shakwe. Ncakwiila bulelo bwakwe bulaakunyaikwa kuli nguwe akupekwa kubamwi.

Amosi 9:8

Nebo, neMwaami Lesa Shinkusu shoonse meenso angu ali pabulelo bushishibiibi bwa bene Isilaeli. Ndaakubunyonyoola kwaamba ayi bulobe pacishi ca panshi. Sombi teshi nkanyonyoole cakumaninina bamulunyungu lwakwe Jakobo. Nebo neMwaami Lesa ndaamba.

Jona 3:10

Ono Lesa ndyaakabona ayi basanduka kunshila shabo shabubi, wakabanyumfwila nkumbu. Aboobo taakwe kubanyonyoola kweelana ambwaakalinga aamba.

Jona 3:4

Mpomunyaawo wakanyamuka akweenda mundabala inene iyo, kuswa macuunsa kushikila amacolesha pabushiku butaanshi. Lyalo wakatalika kushimikila ayi, “Na peende nshiku shili makumi one, ndabala inene ya Ninife ilaakunyonyweetwabo limwi.”