Jelemiya 17:9 - Baibo Busansulushi Bwa Libuku Ili

⁹ “Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Jelemiya 17:9 ပူးပေါင်းရင်းမြစ်များ

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

2 Samwelo 11:15

Ono munkalata iyo wakalembaamo ayi, “Ubike Uliya mumundando wa nkondo wa kunembo kulubasu uko nkondo nkoyalula. Lyalo muboole pesule akumushiya ayi bamuyase afwe.”

Kulumbaisha 51:5

Nebo ndakalinga mucita shibi kuswabo kukushalwa, ncakwiila mucita shibi kuswabo bushiku bama mbobakamita.

Kulumbaisha 64:7

Ono Lesa ulaakubayasa mifwi yakwe. Balaakucisikwa paciindi ncebateengashite.

Tushimpi 28:26

Uyo ucinkite manungo muli nguwe mwiine, ngumuluya, sombi uyo weenda mubusongo, ulatabililwa.

Shikushimikila 9:3

Ici mbobubi buli mushintu shoonse shicitika pacishi ca panshi. Shoonse cililo ca nkumo ncimwi. Kulilabo na bantu bacili boomi, balayeeya shintu shibiibi alimwi ashabushincinko. Lyalo kumeelelesho balafwa.

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

Isaya 1:6

Ncakwiila kuswabo kumutwi kushikila akushimpanta, taaku nabi pomwi pali kabotu. Mubili woonse uliswitebo shuumo ashiloonda shiceneme. Tashisanshitweewo, tashipombeletwewo shisani nabi kunanikwabo mafuta ayi shibombele.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Jelemiya 16:12

Sombi mwebo mwabiisha kwiinda bamashali banu bakulukulu. Tamubwene kwaamba ayi mwebo noonse womwi awomwi utookonkela bushicimpamya bwa moyo wakwe ubiibi mumusena wakunyumfwila ndime.

Jelemiya 7:24

Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.

Mateyo 13:15

Mukwiinga bantu aba mbeshicimpamya, alimwi bashinka mumatwi akucala meenso abo. Nakuteshi boobo naakwiinga kababonesha akunyumfwishisha akuba amyoyo yakusuna kukutika, kwaamba ayi basanduke kuswa kushibiibi shabo, ayi nebo neLesa mbashilike.’

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Maako 2:17

Ndyaakanyumfwa mwiipusho wabo, Jesu wakabaambila ayi, “Teshi bantu bayumu balangoola mushiliki, sombi balwashi beenka. Nshikwe kwisa mukwiita baluleme, sombi bamucita shibi.”

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

Bene Loma 7:11

Ceebo bubi bwakacana nshila muMilawo alimwi kwiinda muMilawo bwakambeca akuncaya.

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.