Jelemiya 17:4 - Baibo Busansulushi Bwa Libuku Ili

⁴ Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”

Jelemiya 17:4 ပူးပေါင်းရင်းမြစ်များ

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

2 Baami 25:21

Uko kuLibula, mucishi ca Amati, mwaami wakapingula ayi bacaikwe. Anu mboboobo bene Juda mbobakatolwa busha kuswa kucishi cabo.

Neyemiya 9:28

Sombi na baboola muluumuno, bakalinga kubisha alimwi. Lyalo mwakalinga kubaaba mumaansa a balwani babo alimwi. Sombi na basanduka akusenga ayi mubafuune, mwakalinga kunyumfwa kwiculu uko ciindi aciindi akubafuna kwiinda munkumbu shanu shikankamika.

Isaya 14:3

Mwaami Lesa ulaakwaangulula bene Isilaeli kuswa kushuumo, mapensho alimwi akuncito iyumu iyo njebakalinga kukakatishikwa kucita.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 50:11

Sombi mwebo noonse nomukunka mililo akulinyanshila shimunimweenge kamweenda mumumuni wa mililo yanu awa shimunimweenge nshemwakalinyanshila. Mwaami Lesa ulaakulengesha mapensho kumucitikila, ncakwiila mulaakuba mumapensho ayoosha.

Isaya 66:24

“Balaakunyamuka akuya mukubona mituntu ya baabo bakaashukila ndime neMwaami Lesa. Ncakwiila mapila eshi akanoolya mituntu yabo teshi akafweewo awalo mulilo weshi ukabateente teshi ukashimishikweewo. Balaakunoolensha bunya kubantu boonse beenga babalanga.”

Jelemiya 12:7

Mwaami Lesa waamba ayi, “Ndafutatila bene Isilaeli. Ndakaaka bantu mbondakasala. Ncakwiila ndaaba bantu aba mboonsuni munkusu sha balwani babo.

Jelemiya 15:14

Ndaakumulengesha kuba basha kubalwani banu mucishi ico ncemuteshi ceebo bukali bwangu bulaakunyansha mulilo uyo weshi ukamuteente.”

Jelemiya 16:13

Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”

Jelemiya 18:23

Sombi mwebo noBaami baLesa mulishi mbobampingite kuncaya. Mutabalekeleli bubi bwabo, nabi kushiminganya shibiibi shabo pameenso anu. Abakakomwe kunembo lyanu alimwi mukabacitile shintu ishi kamukalalite.”

Jelemiya 2:14

“Sa Isilaeli ngumusebenshi? Sa ngumusha kuswabo kukushalwa kwakwe? Ino nceeboonshi waba cintu cakusaala kubalwani bakwe?

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Jelemiya 22:28

Nebo ndaamba ayi, “Sa muntu uyu Jeoiyakini waba nongo ipwaikite ee, cintu bantu ncebatasuni? Sa nceceeco lakwe abana bakwe nceshi bakawaalilwe mucishi ico ncebateshi?”

Jelemiya 5:19

Ono na bantu bakeepushe ayi, ‘Ceebonshi Mwaami Lesa, Lesa wesu ncaacitila bobulya kuli ndiswe?’ Ukabalwiite ayi, ‘Bweenka mbomwakansuula akusebensela balesa beensu mucishi canu, mbweeke ubo mbweshi mukasebensele beensu mucishi citeshi canu.’ ”

Jelemiya 5:29

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Malilo 1:12

Itokoolobesha kumuntu woonse utokwiinda ayi, “Sa taaku ancemubwene mwebo noonse nomutokwiinda? Amucebuke taangunaansha mubone. Sa kuli wakapengawo kale mbondapenga nebo? Sa kuli wakabonawo kale mapensho mbuli aya andetela Mwaami Lesa mubushiku bwa bukali bwakwe buyoosha?

Malilo 5:2

Buboni bwesu babutola baswamashi, ee, maandeesu abwesekwa abaswamashi.

Esekelo 21:31

Ndaakumupoomweta bukali bwangu buyoosha akumukalalila cabukali. Ndaakumwaaba kubantu beshilunkutwe abo beshi kabotu bwakunyonyoola.

Esekelo 7:24

Ndaakuleta mishobo iindaawo kubica kwisa mukubwesa maandaanu. Ndaakumanisha kulisumpula kwa beshinkusu alimwi amisena yanu isalalite ilaakubishikwa.

Dutolonomi 28:25

“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.