Jelemiya 17:3 - Baibo Busansulushi Bwa Libuku Ili

³ Buboni bwanu abubile bwanu boonse ndaakubuleka ayi bukasaalwe. Bulaakusaalwa pantu pomwi amisena yanu yakulambililaako ya patulundu ceebo ca shibiibi shanu shakacitwa mucishi canu coonse.

Jelemiya 17:3 ပူးပေါင်းရင်းမြစ်များ

2 Baami 24:13

Nebukadinesa wakabwesa abuboni boonse bwa muŊanda yakwe Lesa kubikaawo abwa muŋanda ya bwaami akubutola kuBabiloni. Nebukadinesa wakapwaya shisebensesho sha golodi sha muŊanda yakwe Lesa isho mwaami Solomoni nshaakapanga, bweenka bwakaamba Mwaami Lesa.

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Jelemiya 12:12

Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.

Jelemiya 15:13

Ono Mwaami waŋambila ayi, “Ndaakulengesha buboni abubile bwanu kusaalwa kubalwani babo ceebo ca shibiibi shabo nshebakacita mucishi coonse.

Jelemiya 20:5

Lyalo buboni boonse bwa mundabala iyi ndaakubwaaba kubalwani babo. Nkokwaamba ayi shoonse shiliimo kubikaawo ashintu sha makwebo shoonse abuboni boonse bwa bamaami ba bene Juda. Balaakushisaala akushitola kuBabiloni.

Jelemiya 21:13

Mwaami Lesa waamba ayi, “Ntoolwana amwebo nobene Jelusalemu, mwebo nomwikala petala lya cinyika ee, mwebo nomwikala peculu lya kalundu ka mabwe akwaamba ayi, ‘Anu ngani weenga watulwana? Anu ngani weenga wakonsha kwinjila mushiyubilo shesu?’

Jelemiya 26:18

“Mika wa kuMolesheshi wakalinga kulaluka munshiku shakwe Esekiya mwaami wa bene Juda. Wakaambila bene Juda boonse ayi Mwaami Lesa Shinkusu shoonse waamba ayi, ‘Siyoni ulaakushabwa anga ngumuunda, Jelusalemu ulaakuba matongo. Kalundu ka Ŋanda yakwe Lesa kalaakuba musaansa.’

Malilo 1:10

Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Esekelo 16:39

Ndaakukwaaba mumaansaabo, lyalo balaakumwayulula misena njoocitila bufuule anjoolambililaako shibumbwabumbwa. Balaakukunyaya shakufwala ashakulibotesha akukushiyabo matakosha.

Esekelo 23:46

Ono Mwaami Lesa Shinkusu shoonse waamba ayi “Amulete likoto lya bashilumamba ayi bese babalwaane akubalengesha kuloonda akusaalwa.

Esekelo 6:3

Ulwiite tulundu twa Isilaeli ayi tukutike maswi angu neMwaami Lesa. Tukutike maswi ayo nebo neMwaami Lesa Shinkusu shoonse ngoontokwaamba kuli ntuto, nkokwaamba ayi tunene atuniini, kumimpwaampwa ya ntuto alimwi akushinyika. Nebo ntokwaamba ayi, ‘Ndaakutuma nkondo akunyonyoola misena iyo bantu njebalambilaako shibumbwabumbwa.

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Sefaniya 1:13

Buboni bwabo bulaakumana kusaalwa. Maandaabo alaakupwayoolwa. Ncakwiila balaakuyaka maanda sombi teshi bakekaleemo. Balaakulima minyansa, sombi teshi bakanweewo waini.”