Jelemiya 17:12 - Baibo Busansulushi Bwa Libuku Ili

¹² Ŋanda yakwe Lesa wesu ili anga ncuuna ca bulemu cakasumpulwa kuswa kumatalikilo.

Jelemiya 17:12 ပူးပေါင်းရင်းမြစ်များ

Kulumbaisha 103:19

Mwaami Lesa wakabamba cuuna cakwe ca bwaami kwiculu, alimwi bweene bwakwe bulalela shintu shoonse.

Kulumbaisha 96:6

Bulemu abwaami shilimushingulukite, nkusu akubota shili muŊanda yakwe.

Isaya 6:1

Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Jelemiya 14:21

Ceebo ca liina lyanu mutatusuuli, mutalengeshi nsoni cuuna canu ca bulemu. Amwiibaluke cipangano ncemwakapanga andiswe, mutacileeki kucita kweelana a ncico.

Jelemiya 3:17

Ciindi ico balaakunookwiita ndabala ya Jelusalemu ayi, ‘Cuuna ca bwaami ca Mwaami Lesa.’ Uko mishobo yoonse nkweshi ikabungane kulemeka liina lya Mwaami Lesa. Lyalo teshi bakakonkele tubili bwaashu bwa myoyo yabo ya bushicimpamya.

Esekelo 1:26

Peculu lya musena ufongomene pakalinga cintu cakalinga kuboneka anga ncuuna ca bwaami cakapangwa kumabwe amakwebo eetwa ayi safaya. Peculu lya cuuna peene ico, pakalinga cakalinga kuboneka anga ngumuntu.

Esekelo 43:7

Mpeeke wakandwiita ayi, “Webo omuntu, uyu ngomusena wa cuuna cangu ca bwaami. Ndaakunookala kokuno pakati ka bene Isilaeli akubalela kwa lyoonse alyoonse. Taaku bene Isilaeli nabi bamaami babo beshi bakasebaanye tubili liina lyangu lisalalite mukulambila balesa bamwi nabi kubika mituntu ya bamaami babo kumusena uno.

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Bene Ebulu 4:16

Aboobo, tutatonshi, atushike kucuuna cakwe Lesa ca bwaami uko kuli luse. Uko Lesa ulaakutunyumfwila nkumbu akutubonesha luse lwakutucafwa paciindi ceelete.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’