Jelemiya 17:1 - Baibo Busansulushi Bwa Libuku Ili

¹ Mwaami Lesa waamba ayi, “Nobene Juda shibiibi shanu shakalembelwa acakulembesha ca nshimbi. Shakatalwa alibwe likolete pamyoyo yanu alimwi akumakonko oonse a shipaililo shanu.

Jelemiya 17:1 ပူးပေါင်းရင်းမြစ်များ

Tushimpi 3:3

Utakasuminishi lusuno akushomeka kwaamba ayi shikushiiye. Ulyeelete kushifwala lyoonse anga mbulungu bwa munshingo, ncakwiila ulyeelete kushilemba mumoyo wako.

Tushimpi 7:3

Unokweendaasho nshiku shoonse bweenka mboofwala ninga kulyaansa lyako. Ncakwiila ulyeelete kushilemba mumoyo wako.

Isaya 49:16

Amubone, liina lyanu ndakalilemba mumapaka angu. Lilinga lya ndabala yanu lili mumeenso angu lyoonse.

Jelemiya 11:13

Mwebo nobene Juda mulicite balesa banu baanji bweenka bubete mandabalaanu. Shipaililo nshemwakayaka shakutentelawo tununkila kabotu kuli Baali, lesa uyo ulensha bunya, nshiinji bweenka mbuli mikwakwa ya muJelusalemu.’

Jelemiya 2:22

Nabi usambe amushika na soopo uunji, kusombela kwa shibiibi shako kulaakunoobweneketebo.

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Osiya 12:11

Nakubi boobo shibumbwabumbwa shilalambilwa muGilyadi. Abo bashilambila balaakunyonyoolwa. Ndushinisho bacende balabengwa muGilugala. Shipaililo uko shilaakuba milwi ya mabwe mweela lya myuunda.

Osiya 7:2

Sombi tabeshibi ayi micito yabo yoonse ya bubi ndiilabilite. Shibiibi shabo shilabafwekelesha alimwi lyoonse tashinswi pameenso.”

Osiya 8:11

Nakubi kwaamba ayi bene Isilaeli bakayaka shipaililo shiinji sha milambu yakulekelelwa shibiibi. Shipaililo isho shababo pakucitila shibiibi.

Bene Lefi 4:25

Lyalo mupailishi ulaakusumpa munwe wakwe mubulowa bwa munyama uyo, akububika pameeca a mumakonko oonse a cipaililo. Bulowa boonse bweshi bukacaaleewo, ulaakubutila panshi pacipaililo.

Sekaliya 7:12

akuyumya myoyo yabo anga ngumwaandami. Tabakwe kunyumfwa milawo nabi maswi ayo nebo neMwaami Lesa Shinkusu shoonse ngondakatuma kwiinda muMushimu wangu mubalaluki abo bakalinga kwikala mucishi kalekale. Paceebo ceeci ndakakalala abuumbi.

2 Bene Kolinto 3:3

Cilibwenekete patuba kwaamba ayi Klistu mwiine ngowakalemba nkalata iyi akwiituma kwiinda muli ndiswe. Tailembetwe ainki, sombi aMushimu wakwe Lesa muumi alimwi tailembetwe pamabwe, sombi pamyoyo ya bantu.