Jelemiya 16:4 - Baibo Busansulushi Bwa Libuku Ili

⁴ Balaakufwa kumalwashi ayoosha. Teshi bakalilweewo nabi kubikwa. Sombi mibili yabo ilaakubabo anga ngamatombe apantantaala peculu lya nshi. Balaakuloba kunkondo akunsala. Lyalo mituntu yabo ilaakuba cakulya ca bayuni abanyama bamuluundu.

Jelemiya 16:4 ပူးပေါင်းရင်းမြစ်များ

2 Baami 9:10

Jesebelo teshi akafukilweewo mucuumbwe. Mubili wakwe ulaakulikwabo abakabwa mundabala ya Jesiliilu.’ ” Ndyaakamana kwaamba boobo mulaluki uyo wakaswa mucipinda umo akucica lubilo.

Kulumbaisha 78:64

Bapailishi babo bakabacaya amipeeni, bamukalubinje babo bakabakasha kulila.

Kulumbaisha 83:10

Bamaami abo mwakabalobya muEndoli, mituntu yabo yakabola pabulongo.

Isaya 18:6

Mibili yabo ilaakushiyikwabo ayi cibe cakulya ca bayuni abanyama. Cilimo bayuni ba mutulundu balaakunoolya mibili yabo, sombi mupewo mbanyama ba muluundu.”

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 19:7

Mumusena uno ndaakunyonyoola miyeeyo ya bene Juda aya bene Jelusalemu. Ndaakulengesha balwani babo kubakoma akubacaya munkondo. Mituntu yabo ilaakuba shakulya sha bayuni abanyama bamuluundu.

Jelemiya 21:6

Ndaakucaya bekala mundabala iyi. Ncakwiila ndaakucaya bantu abanyama boonse kumwaalu uyoosha.

Jelemiya 25:33

Ciindi ico abo boonse beshi bakacaikwe kuMwaami Lesa balaakunoolibo luundu loonse. Nkokwaamba ayi kuswa kweela cishi kuya mukushika ankoceela. Teshi bakabunjikweewo nabi kufukilwa. Sombi balaakubabo anga ngamatombe apantantaala peculu lya nshi.

Jelemiya 34:17

Paceebo ceeco nebo neMwaami Lesa ntokwaamba ayi, “Mwebo tamukwe kunyumfwila maswi angu pakukaka kwaangulula bakwabanu baEbulu. Aboobo ntoomwaangulula ayi mukafwe kunkondo, mwaalu alimwi akunsala. Ndaakumulengesha kulensha bunya kubwaami boonse bwa pacishi ca panshi.

Jelemiya 34:20

Ono bantu abo boonse ndaakubaaba kubalwani baabo abo bafwima buumi bwabo. Mituntu yabo ilaakuba shakulya sha bayuni alimwi abanyama ba muluundu.

Jelemiya 36:30

Paceebo ceeco, Mwaami Lesa utokwaamba kuli ndiwe Jeoiyakimu mwaami wa bene Juda ayi webo teshi ukabewo amuntu weshi akekale pacuuna ca bwaami bwakwe Defedi. Mutuntu wako ulaakusowekwa akunoobalilwa lumwi, acaandwa ciindi ca mashiku.

Jelemiya 44:12

Ndaakunyonyoola bene Juda bakacaalaawo abo bakalinga kushinishite kuya mukwikala kuIjipiti. Boonse balaakulobelaamo. Balaakufwita munkondo nabi kufwa kunsala kutalikilabo kubantu bataaku mbobabete kushikila akubaabo balemekwa. Balaakuba cintu ceelete kushinganwa, kuloondwa, kushibulukwa akusekwa.

Jelemiya 44:27

Nebo ndimulabilite kumucitila shintu shibiibi kuteshi shibotu, sobwe. Mwebo nobaJuda nomuli muIjipiti mulaakuloba kunkondo akunsala kushikila noonse mukanyonyooke.

Jelemiya 7:33

Lyalo mituntu ya bantu aba ilaakuba cakulya ca bayuni abanyama bamuluundu kwakubula amuntu nabi womwi ubakonga.

Jelemiya 9:22

Mwaami Lesa waamba ayi, “Baambile ayi, ‘Mituntu ya bantu ilaakunoolibo anga ngamatombe apantantaala muluundu. Ee, ilaakunoobonekabo anga ngamaila aceswabo kwakutaabunjika kwisule lya shikucesa.’ ”

Malilo 4:9

Abo bakacaikwa munkondo bali kabotu kwiinda baabo bafwa kunsala. Abo bafwa kunsala balanyanga mukubula cakubika pamulomo ciswa kumyuunda.

Esekelo 24:21

‘Lwiita mushobo wa bene Isilaeli ayi nebo neMwaami Lesa ndaamba ayi, ntooyanda kubisha Ŋanda yangu isalalite, ee, ciyubilo ico ncemulisumpwitaawo, cisangalasha meenso anu alimwi apo pali myoyo yanu. Bana basankwa abanakashi abo mbomwakashiya balaakucaikwa kunkondo.

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Sefaniya 1:17

Mwaami Lesa waamba ayi, “Ndaakuleta mapensho kubantu balaakweenda anga mboofu mukwiinga bakabisha kuli ndime neMwaami Lesa. Bulowa bwabo bulaakutilwa anga ngamaanshi alimwi mituntu yabo ilaakubola mubulongo.”

Dutolonomi 28:22

Mwaami Lesa ulaakumuletela malwashi ayambukila, shuute acimpwita. Ulaakutuma cilanga alimwi amuuwo ulungula ayi shinyonyoole shishango shanu. Anu myaalu iyi teshi ikamulekeewo kushikila mukamane kufwa.

Dutolonomi 28:26

Mituntu yanu ilaakuba cakulya ca bayuni boonse bauluka alimwi abanyama bamuluundu, mpeeke kulaakubula amuntu shikubakonga.