Jelemiya 15:9 - Baibo Busansulushi Bwa Libuku Ili

⁹ Lyalo mushali mwanakashi wa baana bosanwe abobilo ulaakulefuka akufwa. Lakwe lisuba lilaakumupilila kaliciliiko. Ndushinisho ulaakunyumfwa nsoni akusebaana. Kuswawaawo, abo boonse beshi bakacaaleewo ndaakubacaisha kubalwani babo. Nebo neMwaami Lesa ndaamba.”

Jelemiya 15:9 ပူးပေါင်းရင်းမြစ်များ

Isaya 47:9

Sombi buumba bwa mishobo yobilo bulaakumucata paciindi comwi alimwi mubushiku bomwi. Ee, buumba bwakufwitwa baana abwakuba mukalubinje. Shintu ishi shilaakukushikila cankusu nakubi kwaamba ayi ulicite shisoko abwaanga nshoosebensesha.

Jelemiya 19:7

Mumusena uno ndaakunyonyoola miyeeyo ya bene Juda aya bene Jelusalemu. Ndaakulengesha balwani babo kubakoma akubacaya munkondo. Mituntu yabo ilaakuba shakulya sha bayuni abanyama bamuluundu.

Jelemiya 21:7

Kuswawaawo ndaakwaaba ndiwe Sedekiya omwaami wa bene Juda, bacinenenene bako abantu bamundabala ino abo beshi bakapuluke kumwaalu, nkondo alimwi ansala kuli Nebukadinesa mwaami wa kuBabiloni akubalwani banu basuni kumucaya. Nebukadinesa ulaakubacaya munkondo, teshi akabafwitewo luse nabi nkumbu.’ Nebo neMwaami Lesa ndaamba.”

Jelemiya 44:27

Nebo ndimulabilite kumucitila shintu shibiibi kuteshi shibotu, sobwe. Mwebo nobaJuda nomuli muIjipiti mulaakuloba kunkondo akunsala kushikila noonse mukanyonyooke.

Jelemiya 50:12

Paceebo ceeco ndabala yanu inene ilaakunyumfwa nsoni. Musena uyo momwakashalilwa ulaakusebaanishikwa. Bene Babiloni balaakuba mushobo uniini kwiinda imwi yoonse. Cishi cabo cilaakuba luyanga, ee, cishi ciyumu alimwi citacite acimenaamo.

Jelemiya 6:4

Balaakwaamba ayi, “Amulibambile kulwana andabala ya Jelusalemu! Amunyamuke tuye tulwane malumwi!” Kuswawaawo balaakwaamba ayi, “Maawe, lisuba lyepila kale, shimfule sha macolesha shatalika kulaampa.

Jelemiya 7:19

Sa batookalasha ndime? Sa tabatooliletelabo mapensho beene alimwi akulilensha nsoni?

Malilo 1:1

Ndabala inene ya Jelusalemu yakalinga kuswite bantu. Ino ono ndabala iyo yacaala buyani cisuukila? Ndabala iyo yakalinga kulemekwa pakati ka mishobo. Ino ono yaba buyani anga ngumukalubinje? Ndushinisho yakalinga anga ngumwaami mwanakashi pakati ka shishi, sombi bulya yaba anga ngumusha.

Malilo 4:10

Banakashi beshinkumbu bakateleka bana babo amaansaabo beene ayi cibe cakulya cabo. Bakacita boobo bantu bangu ndibakanyonyoolwa.

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Esekelo 5:13

“ ‘Cilemeneshi ca bukali bwangu buyoosha boonse mulaakucinyumfwa ndaakumana kuboosha cishole. Pakumana kubatondesha bukali bwangu buyoosha, ndyeshi bakeshibe kwaamba ayi nebo neMwaami Lesa ndaamba kuli ndimwe ceebo ndikalalite abuumbi pakutashomeka kwanu.

1 Samwelo 2:5

Bantu bakalinga kukuta, bulya balacana shakulya mukusebensela bamwi. Sombi bakalinga beshinsala, bulya nsala yamana. Mwanakashi watakalinga kuciteewo baana, bulya waba abaana bali bosanwe abobilo. Sombi uyo wakalinga kucite baanji, bulya wacaalabo.