Jelemiya 15:1 - Baibo Busansulushi Bwa Libuku Ili

¹ Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 15:1 ပူးပေါင်းရင်းမြစ်များ

Esekelo 14:14

Nabi bantu aba botatwe Nowa, Danyelo aJobo kabaliimo, inga balo bapulukabo beenka ceebo ca bululami bwabo. Nebo neMwaami Lesa Shinkusu shoonse ndaamba.

Jelemiya 14:11

Mpomunyaawo Mwaami Lesa wakaŋambila ayi, “Utapailili bantu abo ayi shintu shibeendele kabotu.

Jelemiya 11:14

“Ono Jelemiya utapaililiiko bantu aba. Utabasengeliiko nabi kubakombelelako ayi mbafwite nkumbu ceebo paciindi baakuba mumapensho teshi nkabanyumfwewo baakunjita.”

Kulumbaisha 106:23

Aboobo Lesa wakaamba ayi utoobanyonyoola. Sombi Mose, musebenshi wakwe ngwaakasala, wakeemikana pameenso akwe kwaamba ayi atabanyonyooli mubukali bwakwe.

Kulumbaisha 99:6

Mose aAloni bakalinga bapailishi bakwe Lesa bamwi, Samwelo alakwe wakalinga pakati ka baabo bakalinga kupaila kuli nguwe. Aba bantu bakalinga kulilila kuMwaami Lesa alakwe wakalinga kubakumbula.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

2 Baami 17:20

Mwaami Lesa wakakaka bene Isilaeli boonse. Wakabapa mulandu akubaaba mumaansa a balwani babo beshilunkutwe tibili wabatanda kuswa pameenso akwe.

1 Samwelo 7:9

Samwelo wakacaya mwanaambelele akumutenta kaalibo wakabumbulu ayi ngumulambu kuMwaami Lesa. Lyalo wakapaila kuMwaami Lesa ayi acafwe bene Isilaeli. Mpeeke Mwaami Lesa wakakumbula kupaila kwabo.

Jelemiya 52:3

Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

Jelemiya 23:39

ncakwiila ndaakubanyamuna akubawaala kulaale andime. Nkokwaamba ayi balo andabala iyo njendakapa bamashali babo bakulukulu.

Jelemiya 18:20

Sa cintu cibotu inga calambulwa ashibiibi? Nakubi boobo balo bankabila cilindi ayi ngwiteemo. Amuyeeye kwaamba ayi ndakeemikana kunembo lyanu akubaambililako ayi mukushe bukali bwanu pali mbabo.

Jelemiya 15:19

Paceebo ceeco Mwaami Lesa wakaamba ayi, “Na upilukile kuli ndime, ndaakukutambula ayi ube musebenshi wangu alimwi. Na ucileeke kwaamba shitaaku mboshibete akutalika kwaamba sheelete, ulaakuba mulaluki wangu alimwi. Bantu aba balyeelete kupilukila kuli ndiwe, sombi webo tooelete kupilukila kuli mbabo.

Tushimpi 14:35

Mwaami ulisuni musebenshi ucita shintu sha busongo, sombi musebenshi ucita shintu shilensha nsoni, ulasonkomona bukali bwakwe.

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

Jelemiya 35:19

Paceebo ceeco nebo neMwaami Lesa, Lesa wa bene Isilaeli, ntooshomesha kwaamba ayi Jonadabu mwanaakwe Lekabu ulaakunoocite musankwa wamulunyungu lwakwe shikunsebensela lyoonsebo.”

Boomboloshi 5:9

Moyo wangu uli pabamatanjilili bene Isilaeli, uli pabantu bakalyaaba cakusangalala. Aalumbaishikwe Mwaami Lesa.

Matalikilo 19:27

Macuunsacuunsa, bushiku bwakaboolaawo Abulaamu wakaya waawo mpwaakalinga kwiimfwi pameenso aMwaami Lesa.

Sekaliya 3:3

Ono Joshuwa wakalinga kufwete shakufwala shishipite ndyaakalinga kwiimfwi kunembo lya munjelo uyo.

Dutolonomi 9:26

Mpeeke ndakapaila ayi, ‘NoBaami baLesa Beshinkusu shoonse, mutanyonyooli bantu banu nobeene, abo mbomwakafuna kuswa muIjipiti munkusu shanu shinene.

1 Samwelo 12:19

Mpomunyaawo bantu bakaambila Samwelo ayi, “Amutupailileeko kuMwaami Lesa, Lesa wanu, kwaamba ayi tutafwi. Tweshiiba ono kwaamba ayi peculu pashibiibi shesu shimwi shoonse, tweelikaawo acibiibi cakusenga mwaami.”

Jelemiya 9:19

Kwanyumfwika mibila muSiyoni ayi, “Twanyonyoolwa! Tulicite nsoni abuumbi. Tulyeelete kushiya cishi cesu ceebo maanda esu akanyonyoolwa.”

Jelemiya 10:18

Mwaami Lesa waamba ayi, “Paciindi ico ndaakusowa bekala mucishi ici. Ndaakubaletela mapensho kwaamba ayi bakacatwe.”

Jelemiya 16:5

“Kuteelesha kwinjila muŋanda umo mubete shakulya sha pamalilo. Tooelete kuyaamo mukulila nabi kuungumana ambabo ceebo ndacileka kupa coolwe bantu aba, kubatondesha lusuno nabi kubafwita nkumbu. Nebo neMwaami Lesa ndaamba.

Jelemiya 16:13

Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”

Jelemiya 22:28

Nebo ndaamba ayi, “Sa muntu uyu Jeoiyakini waba nongo ipwaikite ee, cintu bantu ncebatasuni? Sa nceceeco lakwe abana bakwe nceshi bakawaalilwe mucishi ico ncebateshi?”

Esekelo 22:30

“ ‘Mpeeke ndakayandoola muntu pakati kabo uyo weenga wayaka lubumbu akwiimikana kunembo lyangu mumusena apo lubumbu mpolwakamwayuluka ayi afune cishi kwaamba ayi ntakacinyonyooli. Sombi ndakacana kwaamba ayi taakuuwo nabi womwi.

Jelemiya 14:12

Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”

Osiya 9:15

Mwaami Lesa waamba ayi, “Kubisha kwabo kwakatalikila kuGilugala. Uko nkondakatalikila kubapata. Ono ceebo ca shibiibi shabo, ndaakubatandaanya kuswa mucishi cangu. Teshi nkabasuneewo tubili. Bamatanjilili babo boonse bakangashukila.