Jelemiya 14:2 - Baibo Busansulushi Bwa Libuku Ili

² “Cishi ca Juda citoolila mandabala a mumo afwa. Bantu bekalaamo boona panshi kunsoni ayalo ndabala ya Jelusalemu itoolila lucafwo.

Jelemiya 14:2 ပူးပေါင်းရင်းမြစ်များ

Jobo 34:28

Bakalengesha bakandu kulilila Lesa alakwe wakanyumfwa kulila lucafwo kwabo.

Kulumbaisha 144:14

Ŋombe shesu ashishalane, kutabi shisansula nabi shifwa. Kulila kwa mapensho akumane mumikwakwa yesu.

Kulonga 2:24

alakwe wakabanyumfwa akwiibaluka cipangano cakwe kuli Abulaamu, Isaki alimwi aJakobo.

Isaya 15:5

Ndabalilila bantu bene Moabu. Bantu babo baloboka bulya balishikite akuSowa alimwi akuEgilati Shelishiya. Balulama nshila iya kuLuyiti alimwi batooya cililabo nshila yoonse. Amwalo munshila iya kuOlonaimu boongumana abuumbi palunyonyooko lwabo.

Isaya 24:11

Bantu batokooloma mumikwakwa ceebo cakubula waini. Ncakwiila kusangalala koonse kwamana, ee, kwamana mucishi coonse ca panshi.

Isaya 24:4

Cishi ca panshi cayuma, ncakwiila coonse caangana. Cishi ca panshi aliculu shabola.

Isaya 24:7

Minyansa yayuma, aboobo waini taaku. Ncakwiila boonse beshikulisangalasha batootongela.

Isaya 3:26

Aboobo paminjililo ya Jelusalemu palaakuba kulila kuyoosha abuumbi. Yalo ndabala ilaakubabo anga ngumwanakashi wafwitwa ushiitebo panshi, utacite apakucata.

Isaya 33:9

Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Jelemiya 11:11

Paceebo ceeco nebo neMwaami Lesa ndaamba ayi, ‘Ndaakubaletela mapensho ayo ngweshi bakaalilwe akwaacica. Nabi bakandilile, teshi nkabakumbuleewo, sobwe.

Jelemiya 12:11

Ncakwiila ulaakuba luundu lutacite ncito, luundu luyumu nta anga ncikula kunembo lyangu. Cishi coonse cilaakuba luyanga ceebo taaku wakucibikila maano.

Jelemiya 12:4

Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”

Jelemiya 18:22

Mibila ainyumfwike mumaandaabo mwaakubatumina beshikubalwana cakuteengashila, mukwiinga balo bankabila cilindi ayi ngwiteemo. akuteya toose ayi bancatishe kumyeendo.

Jelemiya 4:28

Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”

Jelemiya 46:12

Mishobo ya bantu ilaakunyumfwa shakusebaana kwanu, Kulila kwanu kulaakunyumfwika mucishi coonse ca panshi. Bashilumamba banu balaakunoolimbana akuwita panshi boonse pantu pomwi.”

Jelemiya 8:21

Ono bene misheesu mbobapwayoolwa, anebo ndapwayoolwa. Ndalila alimwi boowa bwancata.

Malilo 2:8

Mwaami Lesa wakashinisha kumwayoola lubumbu lwa ndabala ya Siyoni. Wakafungulula lutambo lwa kulupimishaako. Wakalupima kwaamba ayi alunyonyoole cakumaninina. Maanda alaamfu alubumbu shoonse shakanyonyokela pomwi.

Malilo 2:9

Minjililo yakwe yakamana kupila panshi, mpingilo wakashityoloola akushinyonyoola. Mwaami wa njiyo abamatanjilili ba njiyo bakatolwa busha pakati ka mishobo imwi. Milawo yakwe Lesa yakacileka kwiishikwa. Abalo balaluki bakacileka kubona shili anga nshiloto shiswa kuMwaami Lesa.

Malilo 5:10

Cikanda cesu citoolungula anga mumunyumbi. Ncakwiila nsala yalengesha mibili yesu kupya.

Osiya 4:3

Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”

Jowelo 1:10

Myuunda yacaalabo tuu. Bulongo butoolila myuunda ceebo shili anga ngamaila shanyonyooka. Shisamu sha minyansa asha nkuyu shafwa. Ashalo shisamu sha maolifi shoonse shayuma.

Jowelo 1:11

Mwebo nobalimi amuungumane. Ee, amuungumane mwebo nomulima minyansa. Amuungumane ceebo witi alimwi abale, ee, ceebo shishango shoonse shanyonyoolwa mumyuunda.

Jowelo 1:14

Amwaambilishe ayi mbushiku bwakulikasha kulya akwiita bantu ayi babungane pantu pomwi. Amwiite bamaloba abantu boonse bekala mucishi ca Juda kwaamba ayi baye kuŊanda yakwe Lesa, Lesa wanu kuya mukulila kuli nguwe.

Jowelo 2:6

Kucibonabo, bantu boonse baba aboowa. Ncakwiila ciwa ca muntu womwi awomwi caloka kuboowa.

Agayi 1:11

Ndaleeta cilanga pacishi canu, mutulundu, mumyuunda ya shili anga ngamaila, mumyuunda ya minyansa, mumyuunda ya shisamu sha maolifi, pasheesho shoonse shimena mubulongo, pabantu abanyama boonse alimwi apashintu shoonse nshemulima.”

Sekaliya 7:13

Tabakwe kunyumfwa ndindakalinga kubaambila. Aboobo anebo nshikwe kubakumbulaawo ndibakalinga kupaila kuli ndime.

1 Samwelo 5:12

Abo batakwe kufwa wakabatumina shuute. Bantu bakalila abuumbi akusenga balesa babo ayi babacaafwe.

1 Samwelo 9:16

“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”