Jelemiya 13:11 - Baibo Busansulushi Bwa Libuku Ili

¹¹ Bweenka laamba mboocata mubukome bwa muntu, mbweeke ubo anebo mbondakalinga kusuni ayi bene Isilaeli abene Juda banoocatite kuli ndime. Munshila iyo nkwaamba ayi babe bantu bangu akulengesha liina lyangu kulumbaishikwa akulemekwa. Sombi balo tabakwe kunyumfwila.’ ”

Jelemiya 13:11 ပူးပေါင်းရင်းမြစ်များ

Kulumbaisha 135:4

Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.

Kulumbaisha 147:20

Taaku mushobo umwi ngwaakacitila boobo, ceebo bamumishobo imwi tabeshi milawo yakwe. Amulumbaishe Mwaami Lesa!

Kulumbaisha 81:11

“Sombi bantu bangu tabakwe kunkutika. Ncakwiila bene Isilaeli tabakwe kunyumfwila.

Isaya 43:21

Bantu abo ndakabalenga nemwiine amaansaangu kwaamba ayi bakanookwaambilisha bulemu bwangu.”

Isaya 62:12

Bantu bakwe balaakunokwiitwa ayi, “Bantu basalalite, Bakalubulwa ba Mwaami Lesa.” Lyalo webo Jelusalemu ulaakunokwiitwa ayi, “Uyo Wakayandoolwa.” Teshi ukeetwewo tubili ayi, “Ndabala yakacaala cisuukila.”

Jelemiya 13:1

Mpomunyaawo Mwaami Lesa wakaŋambila ayi, “Koya uule laamba wa nsalu iteshimite ufwale mubukome, sombi utakoosumpi mumaanshi.”

Jelemiya 13:10

Bamucita shibi abo bakakaka kunyumfwila maswi angu. Bakakonkela bushicimpamya bwa myoyo yabo akuya mukusebensela akulambila balesa bamwi. Paceebo ceeco balaakuba bweenka mbuli laamba uyu utacite ncito napaceyuubo.

Jelemiya 13:12

Kuswawaawo Mwaami Lesa wakaamba ayi, “Ambila bantu ayi nebo neMwaami Lesa, Lesa wa bene Isilaeli ndaamba ayi, ‘Nongo shoonse sha waini shilyeelete kusushikwa waini.’ Ono baakukwiipusha ayi, ‘Sa tatwishi ayi nongo ya waini yoonse ilyeelete kusushikwa waini?’

Jelemiya 19:15

“Mwaami Lesa, Shinkusu shoonse, Lesa wa bene Isilaeli waamba ayi, ‘Amunyumfwe! Ndaakuletela ndabala ino inene amandabala oonse ayo ashingulukite, mapensho ayo oonse ngondakashomesha kucita ceebo ca bushicimpamya bwabo aceebo cakukaka kunyumfwa kumaswi angu.’ ”

Jelemiya 32:20

Mwakacita shitondesho sha nkusu sha kwiculu ashaankamiko mucishi ca Ijipiti isho nshemucicita abobulya muIsilaeli alimwi apakati ka mishobo imwi. Paceebo ceeco mulicite mpuwo kuli koonse.

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Jelemiya 6:17

“Ndakabika bantu beshikunoomulindilila akumwaambila ayi, ‘Kamunyumfwa kulila kwa lupeenga!’ Sombi mwebo mwakaamba ayi, ‘Teshi tukakutikeewo.’ ”

Jelemiya 7:13

Ndimwakalinga kucita shintu shoonse ishi, nakubi kwaamba ayi ndakamwaambilaawo pashintu isho mankanda aanji aanji, tamukwe kukutika. Ndakamwiita, sombi tamukwe kukumbula.

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Jelemiya 7:24

Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.

Jelemiya 7:26

Sombi tamukwe kunyumfwila nabi kubikako maano. Mwakayumya myoyo yanu akubisha kwiinda bamashali banu bakulukulu.’

Amosi 3:1

Nobene Isilaeli amunyumfwe bwaamba Mwaami Lesa pali ndimwe, ee, pali ndimwe noonse nobantu mbwaakakusha mucishi ca Ijipiti.

Luka 10:11

‘Nabi lusuko lwa mundabala ino ulo lwalamatila kumyeendo yesu twalupampa lukabe kamboni. Sombi mwishibe ayi Bweene bwakwe Lesa buli pafwaafwi!’

Dutolonomi 26:18

Alakwe pabushiku bwasunu Mwaami Lesa, Lesa wanu wasumina ayi muli bantu bakwe mwiine, kweelana ambwaakashomesha. Paceebo ceeco wamwaambila ayi munoolama milawo yakwe yoonse.

Dutolonomi 26:19

Ncakwiila washomesha ayi ulaakumusumpula kwiinda mishobo yoonse njaakalenga, amwebo mulaakunoomulumbaisha, akumulemeka. Anu mulaakuba bantu bakwe cancinencine kweelana ambwaakashomesha.”

Dutolonomi 4:7

“Taaku mushobo aumwi nabi ngunene buyani, ucite lesa uli pafwaafwi bobulya paciindi coonse nceenga kamumusuni mbuli Mwaami Lesa, Lesa wesu. Ulatucafwa munshila shili shoonse kulilabo twamusenga.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.