Jelemiya 12:9 - Baibo Busansulushi Bwa Libuku Ili

⁹ Bantu mbondakasala baba anga nkayuni kashingulukwa abacikupwi ayi bakalye. Koya ukabunganye banyama bamuluundu boonse ayi abalo bese balye.

Jelemiya 12:9 ပူးပေါင်းရင်းမြစ်များ

2 Baami 24:2

Kuswawaawo Mwaami Lesa wakatuma bashilumamba baanji bene Babiloni, Silya, Moabu alimwi abene Amoni mukulwana Jeoiyakimu. Wakacita boobo kwaamba ayi banyonyoole cishi ca Juda kweelana abwakaamba Mwaami Lesa kwiinda mubalaluki basebenshi bakwe.

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

Isaya 56:9

Mwaami Lesa waambila baswamashi ayi, “Mwebo noonse nobanyama bamuluundu, ee, mwebo noonse nobanyama bamumusaansa! Kamwisa mucate bantu aba akubakwamoona.

Jelemiya 15:3

“Nebo neMwaami Lesa ndaakubatumina shintu shiyoosha shone. Ndaakubatumina nkondo ayi bacaikwe, bakabwa ayi babakweelaanye, bayuni ayi batalike kubalya alimwi abanyama bamuluundu ayi balye sheshi shikacaaleeko.

Jelemiya 2:15

Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.

Jelemiya 34:20

Ono bantu abo boonse ndaakubaaba kubalwani baabo abo bafwima buumi bwabo. Mituntu yabo ilaakuba shakulya sha bayuni alimwi abanyama ba muluundu.

Jelemiya 7:33

Lyalo mituntu ya bantu aba ilaakuba cakulya ca bayuni abanyama bamuluundu kwakubula amuntu nabi womwi ubakonga.

Malilo 1:17

“Nebo neSiyoni ndatambika maansaangu, sombi taaku nabi womwi usuni kuncafwa. Mwaami Lesa waanga mulasho wakwaamba ayi beshimukoboma babe balwani bangu. Nebo neJelusalemu ndaba musena utasalalite pakati kabo.

Esekelo 34:5

Aboobo shakapalangana mukwiinga kwakabula mweembeshi. Ono ndishakapalangana shakaba cakulya ca banyama ba muluundu.

Ciyubululo 17:16

Meeca ali likumi ngowalinga wabona alimwi amunyama uyo balaakupata mwanakashi mufuule uyo. Balaakubwesa shoonse nshaacite akumufuula akacaalebo matakosha alimwi balaakulyako mubili wakwe akumutenta mumulilo.