Jelemiya 12:2 - Baibo Busansulushi Bwa Libuku Ili

² Mwakabashanga abalo bakamena, balakomena akucata shisepo. Ciindi coonse balaamba shibotu pali ndimwe, sombi myoyo yabo ili kulaale amwebo.

Jelemiya 12:2 ပူးပေါင်းရင်းမြစ်များ

Jobo 24:12

Mumandabala anene mulanyumfwika kutongela kwa bantu batooyanda kufwa, akulila lucafwo kwa baabo bacisikwa, sombi Lesa taakumbuliiwo kusenga kwabo, sobwe.

Jobo 5:3

Nebo ameenso angu ndakabonawo kale muluya waswitilila, sombi muciindi ciniinibo ndakashingana ŋanda yakwe.

Kulumbaisha 37:35

Ndakabonaawo mucita shibi shilunkutwe wakalinga kulisumpula, keekala kabotu anga ncishango citookula pabulongo bucite mboleshi.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Jelemiya 11:17

“Nebo neMwaami Lesa Shinkusu shoonse uyo wakamushanga ndaamba ayi mukapolelwe mapensho. Ndacita boobo ceebo mwebo nobene Isilaeli anobene Juda mwakacita shibiibi akusonkomona bukali bwangu kwiinda mukutentela Baali tununkila kabotu.”

Jelemiya 3:10

Nakubi boobo, Juda mukwabo Isilaeli mwanakashi utashomeki taakwe kwisa kuli ndime camoyo wakwe woonse. Sombi wakesabo cakweena. Nebo neMwaami Lesa ndaamba.”

Jelemiya 45:4

“Nebo neMwaami Lesa ndaamba ayi, ‘Ndaakumwaya nshendakayaka akutumuna sheesho nshendakashanga mucishi coonse ca panshi.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Osiya 7:14

Tabapaili kuli ndime cakushinisha, sombi balaya mukulilila pamalo abo bweenka bucita bakunsengwe. Balalinengoola ceebo cakuyandabo shakulya ashakunwa bweenka bucita bakunsengwe.

Abakuku 1:13

Meenso anu alisalalite abuumbi cakunoolangabo bubi kabucitika. Tamukoonshi kusuminisha ayi shitaluleme shinoocitikabo. Ino ono ceebonshi mutokweebelabo bamucita shibi aba batashomeki? Ino ceebonshi mulyuumwitebo bamucita shibi kabanyonyoola cakumaninina bantu baluleme kwiinda mbabo?

Mateyo 15:8

‘Aba bantu balandemekabo pamulomo sombi myoyo yabo ili kulaale anebo.

Maako 7:6

Jesu wakabakumbula ayi, “Anu Isaya wakaamba kabotu ndyaakalaluka shapali ndimwe, mwebo nobantu nomwaamba nshemutaciti, kweelana ambokulembetwe ayi, ‘Aba bantu balandemekabo pamulomo, sombi myoyo yabo ili kulaale anebo.

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.