Jelemiya 11:6 - Baibo Busansulushi Bwa Libuku Ili

⁶ Mpeeke Mwaami wakaŋambila ayi, “Koya waambilishe maswi aya oonse mumandabala a kuJuda amumikwakwa ya muJelusalemu ayi, ‘Amunyumfwe makani acipangano ici alimwi mwaakonkele.

Jelemiya 11:6 ပူးပေါင်းရင်းမြစ်များ

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Isaya 58:1

Mwaami Lesa waamba ayi, “Olobesha cankusu alimwi cakutacileka. Amba muliswi lya peculu anga ndupeenga. Ambila bantu bangu shabwaashu bwabo ee, waambile bamulunyungu lwakwe Jakobo shibiibi shabo.

Jelemiya 19:2

Lyalo muye kuCinyika ca Inomu kufwaafwi aMwinjililo wa Shikaye. Uko ukaambilishe maswi ngweshi nkulwiite.

Jelemiya 2:2

“Koya ukaambilishe maswi aya kundabala ya Jelusalemu ayi ‘Ndiingashite mbowakalinga kulyaabite kuli ndime koocili cikula bwangu. Ndiingashite mbowakalinga kunsuni koocili nabwiinga wangu, ee, mbowakankonkela ndindakakwiinsha muluyanga, ncakwiila mucishi citaliimwa.

Jelemiya 3:12

Koya ukaambilishe makani aya kumatwa ayi, ‘Piluka Isilaeli webo nootashomeki, Teshi nkakulangewo tubili cakukushibuluka ceebo ndi muntu ucite nkumbu. Teshi nkakubikilewo mfundilishi kwamuyayaya, sobwe.

Jelemiya 7:2

“Koya wiimikane pamwinjililo wa kuŊanda yangu neMwaami Lesa, uye waambe maswi aya: “Amunyumfwe maswi angu neMwaami Lesa mwebo noonse nobene Juda nomwiinda paminjililo iyi kuya mukunambila.

Sekaliya 7:7

Ici ncaakaamba Mwaami Lesa kwiinda mubalaluki bataanshi paciindi ndabala ya Jelusalemu keecite bubile buunji kamuli abantu baanji. Paciindi ico bantu bakalinga kwikala muteeshibo mumandabala akalinga kwiishingulukite, sombi bamwi bakalinga kwikala kuNegefu akutulundu tuniini kumbo.

Joni 13:17

Ono bulya mbomweshiba shintu ishi, mulaakuba acoolwe na mukashiciite.

Bene Loma 2:13

Ceebo bantu tabalulamikwi pameenso akwe Lesa kwiinda mukunyumfwabo Milawo, sombi kwiinda mukucita bwaamba Milawo.

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 4:5

“Ndamwiisha milasho amilawo yoonse, bweenka Mwaami Lesa mbwaakandwiita ayi ncite. Mukanooikonkela mucishi ico ncemuli pafwaafwi kulwana akucibwesa.

Jemusi 1:22

Mutabi bantu balibeca kwiinda mukunookutikabo maswi ayo, sombi kamucita shaambwa muli ngawo.