Jelemiya 11:4 - Baibo Busansulushi Bwa Libuku Ili

⁴ Nkokwaamba ayi cipangano ico ncendakapanga abamashali banu bakulukulu ndindakabakusha muIjipiti. Cishi ico cakalinga anga mumunyumbi mutoonyaka mulilo kuli mbabo.’ Ndakabaambila ayi, ‘Amunyumfwile akucita shoonse nshendamwaambila, ingaawo mukabe bantu bangu anebo ndyeshi nkabe Lesa wanu.

Jelemiya 11:4 ပူးပေါင်းရင်းမြစ်များ

Matalikilo 17:8

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

1 Baami 8:51

Aba mbantu banu abo mbomwakakusha muIjipiti, mulya muli anga mumulilo usungulula mabwe.

2 Baami 18:6

Wakalinga kushomeka kuMwaami Lesa alimwi taakwe kusuulawo milawo iyo mwaami Lesa njaakapa Mose.

Kulonga 20:6

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

Isaya 30:6

Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Isaya 48:10

Ndamweelesha mumulilo wa mapensho, bweenka mbuli silifa mbooboteshekwa mumunyumbi. Nakubi boobo ndacaana ayi taaku mbomubete.

Jelemiya 11:7

Kuswa ciindi ndindakakusha bamashali banu bakulukulu muIjipiti kushika sunu, ndakabacenjesha mankanda aanji ayi, Kamunyumfwila.

Jelemiya 24:7

Kuswawaawo ndaakubapa moyo wakunshiba ayi ndi Mwaami Lesa. Balaakuba bantu bangu, anebo ndaakuba Lesa wabo, ceebo balaakupilukila kuli ndime amyoyo yabo yoonse.

Jelemiya 26:13

Ono amusandule nshila shanu amicito yanu akunyumfwila Mwaami Lesa, Lesa wanu. Lyalo Mwaami Lesa ndyeshi abule kumuletela mapensho ayo ngwaakaamba ayi ulaakumuletela.

Jelemiya 30:22

Paceebo ceeco mulaakuba bantu bangu anebo ndaakuba Lesa wanu. Nebo neMwaami Lesa ndaamba.”

Jelemiya 32:28

Aboobo ndaakwaaba ndabala inene iyi kuli Nebukadinesa mwaami wa bene Babiloni abashilumamba bakwe abo beshi bakeekoome

Jelemiya 38:20

Mpomunyaawo nebo neJelemiya ndakakumbula ayi, “Teshi bakamwaabeewo mumaansaabo, sobwe. Mwebo amunyumfwilebo Mwaami Lesa mukucita nsheentoomulwiita. Lyalo shintu shilaakumweendela kabotu alimwi teshi mukacaikweewo.

Esekelo 11:20

Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.

Esekelo 14:11

Ndaakucita boobo kwaamba ayi bene Isilaeli bakabule kunshiya akulibisha tubili ceebo ca shibiibi shabo. Balaakuba bantu bangu anebo ndaakuba Lesa wabo. Nebo neMwaami Lesa Shinkusu shoonse ndaamba.’ ”

Esekelo 36:28

Mulaakunookala mucishi ico ncendakapa bamashali banu bakulukulu. Mulaakuba bantu bangu, anebo ndaakuba Lesa wabo.

Esekelo 37:23

Teshi bakalibishewo tubili kushikoshanyo shabo, kushibumbwabumbwa shabo shilensha bunya nabi kushibiibi shabo shimwi shoonse. Ncakwiila ndaakubasalasha kuswa kushibiibi shabo shoonse. Balaakuba bantu bangu anebo ndaakuba Lesa wabo.

Esekelo 37:27

Ndaakunookala pakati kabo. Ndaakuba Lesa wabo, abalo balaakuba bantu bangu.

Danyelo 3:26

Kuswawaawo Nebukadinesa wakasena pamulyango wa munyumbi akwiita ayi, “Shadileki, Mishaki, Abedinego, nobasebenshi ba Mwaami Lesa wa kwiculu Wiindaawo, amuswe!” Lyalo bakaswa ciindi ceenka ico.

Bene Lefi 26:12

Anu ndaakunooli amwebo akuba Lesa wanu, amwebo mulaakuba bantu bangu.

Bene Lefi 26:3

“Na munookala kweelana amilawo yangu alimwi amilasho yangu,

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Sekaliya 6:15

“Bantu bekala kulaamfu balaakwisa mukucafwa kuyakulula Ŋanda yakwe Lesa iyo. Na ikamane kuyakululwa ndyeshi mukeshibe ayi anu nguMwaami Lesa Shinkusu shoonse ngowakantuma kuli ndimwe. Shintu ishi shilaakucitika na ncakwiila mukanyumfwile milawo ya Mwaami Lesa, Lesa wanu.”

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Dutolonomi 11:27

Na mukonkele milawo yoonse njendamupa sunu, citooba coolwe,

Dutolonomi 4:20

sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.

Dutolonomi 5:6

‘Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.