Jelemiya 11:12 - Baibo Busansulushi Bwa Libuku Ili

¹² Lyalo bantu ba mumandabala a muJuda abene Jelusalemu balaakuya mukulilila balesa abo mbobatentela tununkila kabotu. Sombi balesa aba teshi bakabapulushewo mapensho aakubapolela.

Jelemiya 11:12 ပူးပေါင်းရင်းမြစ်များ

2 Makani 28:22

Ono Aasi ndyaakalinga mumapensho anene, wakeendilisha kubisha kuMwaami Lesa.

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Isaya 46:7

Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 2:28

Ino ono balesa banu mbomwakalipangila bali kuli? Kabesa bamufuune na inga bacikonsha kumufuna ndyemuba amapensho. Sa te mwebo nobene Juda mulicitebo balesa baanji anga ngamandabala anu?”

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Dutolonomi 32:37

Lyalo Mwaami Lesa ulaakwiipusha bantu bakwe ayi, ‘Bali kuli balesa ba nkusu mbomwakashoma?

Dutolonomi 32:38

Mwakabatebeta mafuta a milambu yanu akubapa cipo ca waini ayi banwe. Abese bamucaafwe bulya! Abacice kwaamba ayi bamufuneeko!

Boomboloshi 10:14

Kamuya mulilile balesa mbomwakalisalila. Balesa abo mbobeelete kumucafwa muciindi ca mapensho.”