Jelemiya 10:7 - Baibo Busansulushi Bwa Libuku Ili

⁷ Anu ngani uteelete kumulemeka, mwebo noBaami ba mishobo yoonse? Ndushinisho bulemu bulyeelete ndimwe. Pabasongo boonse bamumishobo amumalelo abo oonse, taaku ngomweelenaakwe.

Jelemiya 10:7 ပူးပေါင်းရင်းမြစ်များ

2 Baami 17:39

Sombi kamulambilabo ndime neMwaami Lesa, Lesa wanu. Nebo ndaakumufuna kuswa kubalwani banu.”

1 Makani 16:25

Mwaami Lesa uleendaawo alimwi ulyeelete kulumbaishikwa. Ncakwiila ulyeelete kulemekwa kwiinda balesa boonse.

Esita 1:13

Mbuli mbwaakalinga kushibite pashikani shakalinga kukuma kumilawo akoombolosha kululeme, mwaami wakeeta beshikumupandako maano kwaamba ayi bamulwiite mbwaaelete kucita.

Kulumbaisha 147:5

Mwaami wesu ngumunene alimwi ulicite nkusu shiinji. Busongo bwakwe tabucite meelelesho.

Kulumbaisha 22:28

mukwiinga bweene mbwa Mwaami Lesa, ngoolela pakati ka mishobo yoonse.

Kulumbaisha 47:3

Amubone wakatukomenaako mishobo iinji ya bantu, ncakwiila wakalengesha mishobo iinji kuba mubweendeleshi bwesu.

Kulumbaisha 72:11

Bamaami boonse balaakufukama kunembo lyakwe. Ncakwiila mishobo yoonse ilaakumusebensela!

Kulumbaisha 76:7

Mwebo nobaLesa mulayoosha abuumbi. Anu ngani weenga weemikana na mwebo mwakalala?

Kulumbaisha 86:8

NoBaami baLesa, taaku uli mbuli ndimwe pakati ka balesa bamwi boonse. Taaku ukonsha kucita shankamiko nshemucita.

Kulumbaisha 86:9

NoBaami baLesa, mishobo yoonse njemwakalenga ilaakwisa mukumufukamina, alimwi balaakulumbaisha bulemu bwa liina lyanu.

Kulumbaisha 89:6

Taaku uli mwiculu weenga weelana amwebo noBaami baLesa, taaku cilengwa ca kwiculu cili coonse ceenga ceelana amwebo.

Kulonga 8:10

Mwaami wakakumbula ayi, “Ukampailile ciilo.” Mose alakwe wakakumbula ayi, “Ndaakucita kweelana ambomwasenga, alimwi mulaakwishiba ayi taaku aumwi uli anga nguMwaami Lesa, Lesa wesu.

Kulonga 9:14

Ono na ukake, ntootuma myaalu yangu yoonse iindaawo pali ndiwe, bacinenenene bako alimwi abantu bamucishi cako. Ntoocita boobo kwaamba ayi wishibe ayi taaku aumwi uli mbuli ndime mucishi ca panshi coonse.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Jelemiya 10:6

Taakuuwo muntu nabi womwi weelene andimwe noBaami baLesa. Mwebo mulicite nkusu. Ncakwiila liina lyanu lilicite nkusu shiindaawo.

Jelemiya 5:22

“Sa nebo tamweelete kunoonda? Ceebonshi tamututumi pameenso angu? Nebo ndakabika museese ayi ngomanyinsa a lweenge. Ngamanyinsa a lyoonse alyoonse ayo lweenge ndwatakoonshi kwiindilila. Maaba inga anyamuka, sombi inga taasubukiiwo. Nabi awoote cili buyani, inga taakoonshi kwiindilila.

Danyelo 2:27

Danyelo wakakumbula ayi, “Nobaami, taaku muntu musongo nabi musongo wa shintu shili mwiculu, shimampelampela nabi mukamwaami weenga wamupandulwita cishisitwe ico ncemweepusha.

Danyelo 2:28

Sombi kuli Lesa wa kwiculu uyo uyubulula shishisitwe. Lesa wamutondesha mwebo nobaNebukadinesa isho sheshi shikacitike kunembo. Ono ntoomulwiita ciloto canu alimwi ashili anga nshiloto isho nshemwakabona pabulo bwanu.

Abakuku 3:2

NoBaami baLesa ndakanyumfwa sheesho nshemwakacita. Nebo ndamulemeka abuumbi ceebo ca shintu isho nshemucita. Ono amushicite alimwi munshiku shesu shino. Ee, amushipukishe muciindi cesu cino. Kamutunyumfwila nkumbu nabi mwakalala.

Sekaliya 2:11

Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Luka 12:5

Ono ntoomutondesha wooyo ngomweelete kuloonda. Amuloonde Lesa uyo weenga amana kucaya mubili ulicite nkusu shakuuwaala mumulilo utamaani. Ee, ntoomwaambila ayi amumuloonde.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

Joshuwa 4:24

Wakacita boobo kwaamba ayi bantu boonse mucishi ca panshi bakabone nkusu shakwe mboshibete alimwi ayi mwebo mukanoolemeka Mwaami Lesa, Lesa wanu lyoonse.”

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”