Jelemiya 10:5 - Baibo Busansulushi Bwa Libuku Ili

⁵ Shibumbwabumbwa isho shilibo anga ncakukongeshaako mumuunda wa banamunwa. Tashaambi alimwi shilanyamunwabo ceebo tasheendi. Mutashiloondi, sobwe. Teshi shikamupenshewo nabi kumucitilawo shintu shibotu.”

Jelemiya 10:5 ပူးပေါင်းရင်းမြစ်များ

1 Baami 18:26

Lyalo bakabwesa mucende uyo wakaletwa kuli mbabo, bakamubamba. Mpeeke bakatalika kupaila kuli Baali kushikila lisuba ndilyakashika pakati ka mutwi. Bakalinga koolobesha ayi, “NobaBaali mutukumbule!” Bakalinga kushana kabashinguluka cipaililo ncebakayaka. Sombi taakuuwo cakacitika. Baali taakwe kubakumbulaawo.

2 Makani 25:15

Mwaami Lesa wakakalalila Amasiya. Lyalo wakatuma mulaluki kuli nguwe mukumwaambila ayi, “Ino utoolambililanshi balesa ba bantu abo, balesa abo batakwe kukonsha kupulusha bantu babo kuswa mumaansaako?”

Isaya 16:12

Bene Moabu batoocita na baya nkobalambilila balesa babo, batoolilemyabo. Na baya kuŋanda ya balesa babo mukupaila, taaku citoocitika.

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Isaya 46:1

Ono aya ngomeelelesho a balesa ba bene Babiloni! Ncakwiila Belo aNebo mbalesa balinga kulambilwa, sombi sunu banyamwitwa pambongolo. Baba mukuli pamisana ya shifubwa shilemete.

Isaya 46:7

Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.

Jelemiya 10:14

Boonse mbaluya alimwi tabacite lushibo. Beshikufula golodi boonse balicite nsoni ceebo ca shibumbwabumbwa shabo. Balesa babo mbabubeshi alimwi tabayooyi.

Abakuku 2:19

Mapensho kuli ndimwe nomwaambila cisamu ayi, “Buka!” Nabi kwaambila libwe litayooyi ayi, “Nyamuka!” Sa cibumbwabumbwa inga camuyubulwitawo cintu cili coonse? Cilananikwa silifa agolodi, sombi tacicite buumi muli ncico.

1 Bene Kolinto 12:2

Mulishi kwaamba ayi ciindi ndimwakalinga bakunsengwe, mwakalinga kutolwa munshila shipusenepusene kuya cilambila shibumbwabumbwa shitaambi.

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

Dutolonomi 4:28

Uko mulaakunoosebensela balesa bakupanga amaansa, mbuli balesa ba shisamu aba mabwe abo batalashi, batanyumfwi, batalyi nabi kunyumfwa bweema.