Jelemiya 10:4 - Baibo Busansulushi Bwa Libuku Ili

⁴ Mpeeke cisamu ici balacibotesha asilifa alimwi agolodi. Kuswawaawo balacipopa amisomaali kwaamba ayi ciimikane cakutawa.

Jelemiya 10:4 ပူးပေါင်းရင်းမြစ်များ

Kulumbaisha 115:4

Sombi balesa babo mba silifa agolodi abo bakabumbwa amaansa a bantu.

Kulumbaisha 135:15

Sombi balesa babo mba silifa agolodi abo bakabumbwa amaansa a bantu.

Isaya 44:12

Amubone shikufula sheela ulabwesa ceela comwi akucibika pamulilo. Lyalo mwiine ankusu shakwe ulatola nsando mwiculu akutalika kucuuma kwaamba ayi cibumbwabumbwa ico cibe mbwaasuni. Mukuya cisebensa ulanyumfwa nsala, nyotwa alimwi ulalema.

Isaya 46:6

Amubone bantu balakusha golodi mumpotomona shabo, balabika silifa pashipimo akuupima. Lyalo balalipila bacibwene kufula sha golodi ayi abapangileko lesa. Mpeeke balatalika kufukamina lesa uyo akumulambila.

Isaya 46:7

Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”

Abakuku 2:19

Mapensho kuli ndimwe nomwaambila cisamu ayi, “Buka!” Nabi kwaambila libwe litayooyi ayi, “Nyamuka!” Sa cibumbwabumbwa inga camuyubulwitawo cintu cili coonse? Cilananikwa silifa agolodi, sombi tacicite buumi muli ncico.