Jelemiya 10:1 - Baibo Busansulushi Bwa Libuku Ili

¹ Amunyumfwe shitoomwaambila Mwaami Lesa, mwebo nobene Isilaeli.

Jelemiya 10:1 ပူးပေါင်းရင်းမြစ်များ

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Kulumbaisha 50:7

“Amukutike nobantu bangu ŋambe. Nobene Isilaeli, ntoomushinina. Nebo ndime Lesa, Lesa wanu.

Isaya 1:10

Nobene Jelusalemu, amukutike shitokwaamba Mwaami Lesa. Amukutike mwebo nobaleli nomuli anga mbaleli bene Sodoma aGomola, ee, nobantu nomuli anga mbene Sodoma aGomola.

Isaya 28:14

Anu amukutike maswi a Mwaami Lesa mwebo nobeshikucelebula, ee, mwebo nomulela bantu aba muJelusalemu.

Isaya 40:18

Anu ono Mwaami Lesa inga mwamweelanisha ani? Ncikoshanyonshi nceenga mwamweelanika ancico?

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Jelemiya 10:2

Lakwe utokwaamba ayi, “Muteeyi nshila sha mishobo imwi. Mutaloondi ceebo ca shitondesho shiboneka mwiculu. Ee, kutaloonda nabi mishobo imwi yatutuma kuboowa.

Jelemiya 2:4

Amunyumfwe maswi a Mwaami Lesa, mwebo nobamulunyungu lwakwe Jakobo, ee, noshipani sha mumikowa ya bene Isilaeli.

Jelemiya 22:2

‘Nyumfwa maswi a Mwaami Lesa webo omwaami wa bene Juda. Ee, webo nooshiite pacuuna ca bwaami bwakwe Defedi. Ncakwiila ukutike webo omwiine, bacinenenene bako abantu bako abo banjilila paminjililo iyi.

Jelemiya 42:15

anu amunyumfwe maswi angu nebo neMwaami Lesa, mwebo nomwakacaala muJuda. Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Na mulishinishite kuya mukwikala kuIjipiti,

Jelemiya 9:26

Nkokwaamba ayi bene Ijipiti, Juda, Edomu, Amoni, Moabu abaabo boonse bekala muluyanga kulaale. Ndaakucita boobo ceebo mishobo iyi yoonse teenyumfwili ndime. Abalo bene Isilaeli boonse tabashomeki kucipangano cangu.”

Osiya 4:1

Amunyumfwe liswi lya Mwaami Lesa mwebo nobene Isilaeli mukwiinga Mwaami Lesa ulicite mulandu ngwaatoomupa mwebo nomwikala mucishi cino. Waamba ayi, “Mucishi cino taaku kushomeka, lusuno nabi lwishibo lwakwaamba ayi ndime Lesa.

Amosi 7:16

Ono bulya kutika Mwaami Lesa mbwaatokwaamba. Webo waamba ayi, ‘Utanoolalukila bene Isilaeli, ee, ayi cileke kushimikila bamulunyungu lwakwe Isaki.’

1 Bene Tesalonika 2:13

Ono tulalumba Lesa cakutaboola pesule ceebo ndimwakatambula maswi akwe Lesa ayo ngomwakanyumfwa kuli ndiswe, tamukwe kwaatambula anga aswa kumuntu, sombi bweenka mbwaabete, ncakwiila ayi ngakwe Lesa. Ndushinisho, Maswi akwe Lesa aliciteeko kusandula buumi bwanu mwebo nobashomi.

Ciyubululo 2:29

“Uyo ucite matwi, aanyumfwe sheesho Mushimu Usalashi nshootokwaambila shoonde.