Jelemiya 1:9 - Baibo Busansulushi Bwa Libuku Ili

⁹ Mpomunyaawo Mwaami Lesa wakatambika lyaansa lyakwe, wancata pamulomo akundwiita ayi, “Bona, ndabika maswi angu mumulomo wako.

Jelemiya 1:9 ပူးပေါင်းရင်းမြစ်များ

Isaya 49:2

Mpeeke wakalengesha maswi kukola anga ngumupeeni. Wakandama alyaansa lyakwe mwiine. Wakansemuna bweenka bucitwa mufwi akunengesha kulibambila kusebenseshekwa.

Isaya 50:4

Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.

Isaya 51:16

Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Isaya 59:21

“Ndaapanga cipangano ambabo cakwaamba ayi, ‘Mushimu wangu uli muli ndimwe, maswi angu ngondamupa teshi mukaalubeewo sobwe, nabi bana banu nabibo bamulunyungu lwabo kuswa sunu kushikila muyayaya.’ ”

Jelemiya 15:19

Paceebo ceeco Mwaami Lesa wakaamba ayi, “Na upilukile kuli ndime, ndaakukutambula ayi ube musebenshi wangu alimwi. Na ucileeke kwaamba shitaaku mboshibete akutalika kwaamba sheelete, ulaakuba mulaluki wangu alimwi. Bantu aba balyeelete kupilukila kuli ndiwe, sombi webo tooelete kupilukila kuli mbabo.

Jelemiya 34:6

Mpeeke ndakaya mukulwiita mwaami Sedekiya muJelusalemu makani aya.

Jelemiya 36:2

“Bwesa cakulembelaawo, ulembewo shoonse isho nshendakakulwiita pabene Isilaeli, bene Juda alimwi amishobo imwi yoonse. Ulembe shoonse isho nshendakakulwiita kutalikilabo pabushiku ubo mbondakatalika kwaamba andiwe, ciindi Josiya ndyaakalinga mwaami, kushika abushiku bwa sunu.

Jelemiya 5:14

Paceebo ceeco Mwaami Lesa, Lesa Shinkusu shoonse utokwaamba ayi, “Jelemiya, ono ceebo bantu aba bakaamba maswi aya, ndaakulengesha maswi angu ali mumulomo wako kuba mulilo akulengesha bantu aba kuba nkuni sheshi shikapye kumulilo uyo.

Esekelo 3:10

Lyalo wakaŋambila ayi, “Webo omuntu, nyumfwisha kabotu akubika maano kumaswi oonse ngweshi nkulwiite.

Danyelo 10:10

Lyalo lyaansa lyakancata akunengeshe kwiimikana bukalaba mwaana. Ndakalinga kucitutuma.

Danyelo 10:16

Lyalo munjelo uyo wakalinga kuboneka anga ngumuntu, wakatambika lyaansa lyakwe akunkumya kumilomo, lyalo ndakatalika kwaamba. Mpomunyaawo ndakamwaambila, “Nkambo, cili anga nciloto ici canengesha kubula nkusu abuumbi, aboobo nshikoonshi kucileka kututuma.

Shakubelenga 23:5

Mpomunyaawo Mwaami Lesa wakalwiita Balaamu shakwaamba akumwaambila ayi, “Boolela kuli Balaki ukamwaambile mbondakulwiita.”

Mateyo 10:19

Ono na bakamwaange, mutakalisukami ayi, ‘Ino tukaambe buyani?’ nabi ayi, ‘Tukaambenshi?’ mukwiinga Lesa ulaakumupa nceshi mukaambe.

Maako 7:33

Mpomunyaawo Jesu wakamukusha pabantu abo akumutola kulubasu. Wakenjisha minwe yakwe yobilo mumatwi a muntu uyu, alimwi akushipa mate akukumya mulaka wakwe.

Luka 12:12

Mukwiinga Mushimu Usalashi ulaakumwiisha paciindi ceenka ico nshemweelete kwaamba.”

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Dutolonomi 18:16

“Pabushiku bulya ndimwakalinga kubungene kuKalundu ka Sinayi, mwakasenga kutanyumfwa lyobilo liswi lya Mwaami Lesa nabi kubona mulilo wakwe unene bobulya, ceebo cakuloonda ayi inga mwafwa.

Dutolonomi 18:17

Paceebo ceeci Mwaami Lesa wakaŋambila ayi, ‘Kusenga kwabo kuliluleme.

Dutolonomi 18:18

Ndaakubatumina mulaluki uli mbuli ndiwe kuswa mulikoto lyabo. Ndaakunoomulwiita shakwaamba, mpeeke ulaakunoobalwiita shoonse nsheshi nkanoomulwiita.