Isaya 9:3 - Baibo Busansulushi Bwa Libuku Ili

³ NoBaami baLesa, mushobo wa bantu banu mwaufusha, Kusangalala kwa bantu banu mwakufusha. Balasangalala pameenso anu bweenka bantu mbobasangalala pakutebula. Ee, bweenka mbobasangalala basankwa pakubaana shakasaalwa.

Isaya 9:3 ပူးပေါင်းရင်းမြစ်များ

Neyemiya 9:23

Mwakalengesha baana babo kufula anga ninyenyeenshi mwiculu alimwi mwakabalengesha kukoma cishi ico ncemwakashomesha kupa bamashali babo bakulukulu.

Jobo 12:23

Ulakomenesha mishobo ya bantu akwiinyonyoola. Ulasumpula mishobo ya bantu akwiipalanganya.

Kulumbaisha 107:38

Mwaami Lesa wakabapa coolwe cakwaamba ayi bakashalana. Ncakwiila taakwe kuleka ayi shifubwa shabo shiceye.

Kulumbaisha 119:162

Kushomesha kwanu kulansangalasha anga ngumuntu wacana bubile buunji.

Kulumbaisha 4:7

Sombi nebo mwasangalasha moyo wangu, kwiinda mbabo ndibaba ashili anga ngamaila shiinji awaini uunji.

Isaya 10:26

Nebo nemwiine neMwaami Lesa ndaakubakwipa aciswepu bweenka mbondakacita bene Midyani kumwaandami wa kuOlebu. Ndaakubanyonyoola ankooli yangu bweenka mbondakacita kubene Ijipiti paLweenge Lusalala.

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Isaya 14:5

Ncakwiila Mwaami Lesa watyoloola musako wa baleli babiibi. Watyoloola nkoli ya bweendeleshi

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 26:15

“NoBaami baLesa, mwalengesha mushobo wesu kukomena. Mwakomenesha manyinsa a cishi cesu mumbasu shoonse. Paceebo ceeco mulapekwa bulemu.

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Isaya 54:1

Ono Mwaami Lesa waamba ayi, “Olobesha cakusangalala webo Jelusalemu ee, webo ooli anga ngumwanakashi ŋumba. Imba nyimbo akoolobesha cakukondwa webo nootana kunyumfwawo mwaana mbwaanyona. Ceebo baana ba mwanakashi wakashiiyikwa kuli ibaye mbaanji kwiinda ba wooyo uli aibaye.

Isaya 55:12

“Aboobo mulaakuswa muBabiloni kamusangalete. Mulaakutanjililwa akuswaamo caluumuno. Tulundu tunene atuniini tulaakutalika kwiimba. Ashalo shisamu shilaakoolobesha cakusangalala.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 61:7

Pamusena wakwaamba ayi bantu bakwe balenshekwe nsoni, shoolwe shilaakunoosa mambili kuli mbabo. Ncakwiila pamusena wakwaamba ayi basebaanishikwe, balaakunoosangalalabo mucishi ncebakapekwa. Balaakunokwaabilwa shipansha nshobilo mucishi cabo. Lyalo balaakunoosangalala kwalyoonse alyoonse.

Isaya 65:14

Basebenshi bangu balaakunoosangalala ceebo cakukondwa kweshi kukanooli mumyoyo yabo. Mwebo mulaakunoolila cakooloma ceebo cabuumba bweshi bukanooli mumyoyo yanu. Ncakwiila mulaakunoolila mibila ceebo ca kutyongooka kwa muuya wanu.

Isaya 65:18

Amukondwe akusangalala kwalyoonse alyoonse pasheesho nsheshi nkaleenge, mukwiinga Jelusalemu ngweshi nkaleenge mulaakunoolibo kusangalala. Abalo bantu beshi bakanookalaamo balaakunooli bantu bakondetwe.

Isaya 66:10

“Amusangalale akukondwa pantu pomwi aJelusalemu mwebo noonse nomusuni ndabala iyi. Amusangalale cankusu mwebo nomwiilililaako mumapensho a njiyo.

Jelemiya 31:7

Mwaami Lesa waamba ayi, “Amwiimbile Jakobo kamusangalete. Amulumbaishe cakoolobesha mushobo uyo wiindaawo. Kamulumbaisha cakunyumfwika akwaamba ayi, ‘NoBaami baLesa, amupulushe bantu banu, ee, bene Isilaeli bakacaalaawo.’

Osiya 4:7

“Mwebo nobapailishi ndimwakafula, akwalo kubishisha ndimwe ndikwakeendaawo kufula. Mwebo bulemu bwanu mwakabushinta acintu ciletela musebaanyo.

Bene Lefi 26:13

Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”

Sekaliya 10:8

“Ndaakwiita bantu bangu akubabunganya mucishi cabo. Ncakwiila ndaakubapulusha. Balaakufula bweenka mbobakalinga kataanshi.

Sekaliya 2:11

Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Sekaliya 8:23

Mwaami Lesa waamba ayi, “Munshiku isho baswamashi bali likumi balaakwisa kumuJuda womwi, kumucata kumupeto wa mungaanjo wakwe akwaamba ayi, ‘Katiya soonse mukwiinga twanyumfwa ayi Lesa uli awebo.’ ”

Luka 11:22

Sombi umwi umwiindaawo nkusu na wesa mukumulwana, wamukoma, ulamunyaya shakulwanisha shakwe nshaacinkitemo manungo akwaabanya bantu buboni ubo mbwaaipa.

Milimo ya Batumwi 8:8

Aboobo bantu ba mundabala inene iyo bakasangalala abuumbi.

Bene Filipi 4:4

Amusangalale muMwaami lyoonse alimwi ndaamba ayi, amusangalale!

1 Pita 1:8

Ono nabi tamukwe kumubonawo kale, mulimusuni. Mulamushoma nakubi kwaamba ayi tamumubooni. Aboobo mulasekelela abuumbi cakubula amaswi eenga asansulula kusangalala uko,

Boomboloshi 5:3

Amukutike mwebo nobamaami, munyumfwe mwebo nobeendeleshi. Nebo ntokwiimbila mwaami Lesa, ntokwiimbila Mwaami Lesa, Lesa wa bene Isilaeli.

Boomboloshi 7:22

Boonse ndibakalisha mapeenga ali 300, Mwaami Lesa wakalengesha balwani babo kutalika kucayana beene abeene. Bakacicila kuBeti Shita kulubasu lwa kuSelela kuya mukushika kundabala ya Abelo Mewola kufwaafwi akuTabati.

Boomboloshi 8:12

Bamaami bobilo ba bene Midyani, Sebo aSalimuna bakacica. Sombi Gidyoni wakabatandaanya akubacata. Lyalo bashilumamba babo boonse bakacica.

1 Samwelo 30:16

Mpeeke muntu uyo wakatola Defedi uko bene Amaleki nkobakalinga, bakabacana balipalangene luundu loonse. Bakalinga kushiite kabalya, kunwa akushana ceebo ca buboni mbobakasaala kuswa mucishi ca bene Filisiti aca bene Juda.