Isaya 9:13 - Baibo Busansulushi Bwa Libuku Ili

¹³ Bene Isilaeli tabakwe kusanduka kuswa kushibiibi shabo. Nakubi kwaamba ayi Mwaami Lesa Shinkusu shoonse wakabatondesha bukali bwakwe, tabakwe kupilukila kuli nguwe.

Isaya 9:13 ပူးပေါင်းရင်းမြစ်များ

2 Makani 28:22

Ono Aasi ndyaakalinga mumapensho anene, wakeendilisha kubisha kuMwaami Lesa.

Jobo 36:13

“Bantu abo batashomi Lesa balatolelelabo kukalala. Tabaliliiwo Lesa ayi abacaafwe nabi kabali mumapensho.

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

Isaya 19:15

Taaku nabi womwi muIjipiti, mubile nabi mukandu, ulemekwa nabi utacite mpuwo, ukonsha kupa lucafwo.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 57:17

Ndakalinga ndabakalalila ceebo ca shibiibi shabo alimwi abulyabi. Ndakabapa mulandu akubafutatila ceebo ndakakalala. Nakubi boobo bakatolelela anshila shabo shibiibi.

Isaya 7:20

“Munshiku isho Mwaami Lesa ulaakutamba shikucesa kuswa kwitala lya Mulonga wa Yufuletisi. Ee, ulaakutamba mwaami wa bene Asilya ayi ese acese misusu yanu, booya bwanu bwa pamubili akumukulula ndesu.

Jelemiya 15:7

Ndaakumuululusha kucakuululushishako paminjililo ya mandabala oonse a mucishi. Ndaakumulengesha kufwitwa akunyonyooka mwebo nobantu bangu ceebo tamutoocilekaawo nshila shanu shibiibi.

Jelemiya 29:11

Mukwiinga nemwiine ndishi kale miyeeyo njeencite pali ndimwe. Ndicite miyeeyo yakulengesha kuswitilila kuteshi yakumucisa, sobwe. Ncakwiila njimiyeeyo yakumupa kulangila abuumi kuya kunembo.

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Esekelo 22:24

“Webo omuntu, ambila Isilaeli ayi, ‘Webo uli cishi citakwe kulokelwaawo mfula ceebo ntoocipa mulandu mubukali bwangu buyoosha.

Esekelo 24:13

“Webo ondabala ya Jelusalemu bufuule bwako nshendalabwa. Ndakeelesha kukusansha ayi utube, sombi cakaala. Ono teshi ukatubeewo alimwi, sobwe, kushikila ukanyumfwe cilemeneshi ca bukali boonse.

Danyelo 9:13

Mwakacita boobo kweelana amaswi alembetwe muMilawo yakwe Mose. Nakubi boobo noBaami baLesa, baLesa besu tatukwe kumukondelesha mukusanduka kuswa kushibiibi shesu nabi mukukonkela lushinisho lwanu.

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Osiya 7:10

Kulisumpula kwabo kulabashinina, ono nakubi boobo balo tabasandukili kuli ndime neMwaami Lesa, Lesa wabo, nabibo kunyandoola.

Osiya 7:16

Bantu aba tabasandukili kuli ndime neMwaami Lesa Shinkusu shoonse. Ncakwiila kutashomeka kwabo kulibo anga nkwa buta busendeme. Ono bamatanjilili babo balaakucaikwa kunkondo ceebo ca maswi a mucobwe ngobasebensesha. Paceebo ceeco balaakusekwa abuumbi kubene Ijipiti.”

Amosi 4:10

“Ndakatuma myaalu pakati kanu bweenka mbondakatumina bene Ijipiti. Ndakacaya bacikula bwangu banu basankwa kunkondo pantu pomwi amaaki ayo ngomwakasaala. Ndakalengesha keema kabiibi ka mituntu mumisumba yanu. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 4:6

“Ndime ndakaleta nsala mundabala inene yomwi ayomwi, ee, ndime ndakalengesha ndabala yomwi ayomwi kubula cakulya. Sombi mwebo tamukwe kusandukilawo kuli ndime.

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.