Isaya 9:12 - Baibo Busansulushi Bwa Libuku Ili

¹² Kwicwe bene Silya akumbo bene Filisiti, boonse bakalakama kwaamba ayi bamine bene Isilaeli. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 9:12 ပူးပေါင်းရင်းမြစ်များ

2 Baami 16:6

Paciindi ceenka ico mwaami wa bene Edomu wakaboosha ndabala ya Elati mumaansaakwe akutandaamo baJuda. Bene Edomu bakekala muElati alimwi acecino ciindi mobekala.

2 Makani 28:18

Bene Filisiti abalo bakaya mukulwana mandabala a mutulundu alimwi amuNegefu kuJuda. Bakaya bakoma ndabala ya Beti Shemeshi, Aijaloni, Gedeloti, Soko, Timina alimwi aya Gimuso pantu pomwi amishi yakalinga kwaashingulukite. Lyalo bakekalaamo.

Kulumbaisha 79:7

Ceebo bakalobya bamulunyungu lwakwe Jakobo. Ncakwiila bakanyonyoola cishi cabo.

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 9:21

Bene Manase abene Efuleemu babukilana beene abeene. Kuswawaawo bacatana pomwi akulwana bene Juda. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 10:25

Amutile bukali bwanu pamishobo iyi itamulambili alimwi apabantu abo bakaka ndimwe. Ceebo bakanyonyoola bamulunyungu lwakwe Jakobo. Bantu abo bakabanyonweetabo limwi akunyonyoola cishi cabo.

Jelemiya 15:7

Ndaakumuululusha kucakuululushishako paminjililo ya mandabala oonse a mucishi. Ndaakumulengesha kufwitwa akunyonyooka mwebo nobantu bangu ceebo tamutoocilekaawo nshila shanu shibiibi.

Jelemiya 35:11

Sombi ciindi Nebukadinesa mwaami wa bene Babiloni ndyaakalwana cishi cino, swebo twakaamba ayi, ‘Katiya kuJelusalemu tucice bashilumamba bene Babiloni abene Silya.’ Nceceeco ncetushiitile muJelusalemu.”

Jelemiya 4:8

Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Esekelo 16:27

“Aboobo ndakatambika lyaansa lyangu mukukupa mulandu akukuceesheshako cishi. Ndakakwaaba mumaansa a bene Filisiti balwani bako abo bakalinga kukupatite akukucimitwe ceebo ca bufuule ubo mbowakalinga kucita.

Esekelo 6:14

Ndaakufungulula lyaansa lyangu akunyonyoola cishi cabo kuswa kuluyanga lwakumalenge kuya mukushika kuLibula kumatwa. Nkokwaamba ayi koonse uko nkobashiite. Lyalo ndyeshi bakeshibe ayi nebo ndi Mwaami Lesa.”

Osiya 7:10

Kulisumpula kwabo kulabashinina, ono nakubi boobo balo tabasandukili kuli ndime neMwaami Lesa, Lesa wabo, nabibo kunyandoola.

Amosi 4:10

“Ndakatuma myaalu pakati kanu bweenka mbondakatumina bene Ijipiti. Ndakacaya bacikula bwangu banu basankwa kunkondo pantu pomwi amaaki ayo ngomwakasaala. Ndakalengesha keema kabiibi ka mituntu mumisumba yanu. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 4:11

“Ndakanyonyoola bamwi pakati kanu bweenka mbondakanyonyoola bene Sodoma abene Gomola. Mwakalingabo anga ndukuni lwayokolwa mumulilo. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 4:6

“Ndime ndakaleta nsala mundabala inene yomwi ayomwi, ee, ndime ndakalengesha ndabala yomwi ayomwi kubula cakulya. Sombi mwebo tamukwe kusandukilawo kuli ndime.

Amosi 4:8

Bantu bakalinga kuya citalantanta kuswa kundabala yomwi tibili akuimwi kuya ciyandoola maanshi akunwa. Nakubi boobo tabakwe kucanaako maanshi akwana kunwa. Sombi mwebo tamukwe kusandukilawo kuli ndime. Nebo neMwaami Lesa ndaamba.”

Amosi 4:9

“Kwashiindi shiinji mumyuunda yanu imwi aya minyansa ndakeeletela muuwo ulungula akuyumya shishango. Cisoshi cakalya shisamu shanu sha nkuyu asha maolifi. Sombi mwebo tamukwe kusandukilawo kuli ndime. Nebo neMwaami Lesa ndaamba.

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Sefaniya 3:2

Teenyumfwi maswi akwiicenjesha. Teenyumfwi maswi akwiilulika. Teecinkite manungo muMwaami Lesa nabi kusenga lucafwo kuli nguwe.

Dutolonomi 31:17

Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.