Isaya 8:8 - Baibo Busansulushi Bwa Libuku Ili

⁸ Balaakupyanga cishi ca Juda anga ngamaanshi aanji asefuka cakushika munshingo akufwekelesha shintu shoonse.” Imanuweli! Nkokwaamba ayi Lesa uli aswebo! Mapapaminwa akwe afungulukite alaakutabilila cishi coonse.

Isaya 8:8 ပူးပေါင်းရင်းမြစ်များ

2 Baami 17:3

Ono Shalimanesa mwaami wa bene Asilya wakesa mukulwana Osheya. Mpeeke Osheya wakalyaaba mumaansaakwe akutalika kumupa misonko pamwaaka amwaaka.

2 Makani 12:4

Wakabwesa mandabala akalinga kucite malinga a bene Juda kwisa mukushika akuJelusalemu.

Isaya 10:6

Asilya, ndiwe ndakatuma kuya mukulwana mushobo utalemeki ndime neLesa, mushobo uyo wakankalasha. Ndiwe ndakatuma kuya mukusaala buboni bwabo akubalyatoola anga ngamatombe mumikwakwa.”

Isaya 30:28

Kuyoya kwakwe kuli anga ngumulonga wasefuka utolelela shintu shoonse. Ulaseba mishobo ya bantu musefa walunyonyooko. Mumicendwa yabo ulabikaamo tweela twakubeensheshaako kubapambusha munshila ibotu.

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 7:17

Ono pali ndiwe, bantu bako apabamulunyungu lwa baiso, Mwaami Lesa ulaakuleta ciindi ca mapensho ico citana kubonekaawo kuswabo kuciindi bene Isilaeli ndibakapatukana abene Juda. Ncakwiila ulaakuleta mwaami wa bene Asilya.

Isaya 8:10

Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.

Jelemiya 47:2

Mwaami Lesa waamba ayi, “Amubone maanshi mbwaatoonyamooka kumatwa. Alaakunookunkabo anga ngumulonga wasefuka. Ncakwiila alaakufwekelesha cishi ashintu shoonse shiliimo, mandabala abantu abo bekalaamo. Bantu balaakulila, boonse bekala mucishi ico balaakulila cakoolobesha.

Jelemiya 48:40

Mwaami Lesa waamba ayi, “Amubone! Mushobo umwi ulaakufupula Moabu anga ngumumbankwashi ufungulwite mapapaminwa akwe pacishi ico.

Jelemiya 51:42

Lweenge lulaakupisha Babiloni akumufwekelesha kumaaba a ndulo awoota.

Esekelo 17:3

kubeshibisha nebo neMwaami Lesa Shinkusu shoonse nshentokwaamba. Cikoshanyo ico ncakwaamba ayi, ‘Kwakalinga mumbankwashi munene wakalinga kucite mapapaminwa ankusu amapepe alaamfu a mishobo ipusenepusene. Mumbankwashi wakoolukila kuLebanoni akucata kwiculu lya cisamu ca sida.

Esekelo 26:19

“Nebo neMwaami Lesa Shinkusu shoonse ndaamba ayi, ‘Ndaakukulengesha kuba matongo mulya mutekaliiwo muntu nabi womwi bushiku ndyeshi nkakufwekeleshe amaanshi a mulweenge lunene.

Danyelo 11:10

“Baana basankwa ba mwaami wa bene Silya balaakulibambila kuya kunkondo akubunganya likoto lya bashilumamba linene. Likoto lya bashilumamba ilyo lilaakunyonyoola cakupyanga anga ngamaanshi asefuka atakoonshi kushinkilwa. Lilaakushika akuciyubilo ca bulelo bwa bene Ijipiti.

Mika 1:9

Cilonda ca ndabala inene ya Samaliya tacishilikiki. Ono cishi ca Juda citooyanda kuba acilonda ca mushobo womwi. Ncakwiila cashika apamwinjililo wa bantu bangu, ee, cashika akundabala inene ya Jelusalemu iine.”

Mika 5:5

Muleli uyo ngweshi akabaletele luumuno. Bene Asilya ndyeshi bakese mucishi cesu mukucilwana akwiinda mushiyubilo shesu shoonse, tulaakubatumina bamatanjilili besu ba bashilumamba beendaawo nkusu.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)