Isaya 8:21 - Baibo Busansulushi Bwa Libuku Ili

²¹ Ono bantu balaakwiingaila mucishi ca panshi kabatyongwete akufwa nsala. Muciindi ico balaakushingana mwaami wabo aLesa wabo ceebo ca nsala abukali. Balaakunoolanga kwiculu

Isaya 8:21 ပူးပေါင်းရင်းမြစ်များ

2 Baami 25:3

Lyalo pabushiku bwasanu ashone, mumweenshi wane wa mwaaka uyo weenka, mundabala iyo nsala yakakomena abuumbi cakwaamba ayi bantu tebakalinga kucitewo cakulya naciceyi.

2 Baami 6:33

Elisha kaatana kumanisha kwaamba makani aya, mwaami wakesa waamba ayi, “NguMwaami Lesa walengesha ayi mapensho aya kwisa pali ndiswe! Ino ono noolindililanshi lucafwo kuswa kuli nguwe?”

Jobo 1:11

Amweeleshe kumunyaya nshaacite mulinyumfwile mbweshi amushingane.”

Jobo 18:12

Wakalinga mubile ono utoofwabo nsala. Kunyonyooka kulibo muliimfwa lyakwe.

Jobo 2:5

Amweeleshe kucisa mubili wakwe, mulinyumfwile mbweshi amushingane.”

Jobo 2:9

Mpomunyaawo mukaakwe wakamwambila ayi, “Sa abobulya mucishomekabo? Amushinganebo Lesa, mufwe.”

Kulonga 22:28

“Mutancoboli neLesa, nabi kushingana muleli wa bantu bene mishaanu.

Tushimpi 19:3

Muntu ulalinyonyoosha kubuluya bwakwe mwiine, sombi moyo wakwe ulakalalila Mwaami Lesa.

Isaya 14:30

Bakandu beelaako kubukandu balaakuba ashakulya. Ncakwiila bataaku mbobabete balaakwikala kwakubula cakulisukama. Sombi mwebo abamulunyungu lwanu ndaakumucaya kunsala. Taaku nabi womwi weshi akapuluke kunsala iyo.

Isaya 51:19

Mapensho aya esa camambili pali ndimwe. Anu ngani weenga wamuumbulushaako? Kunyonyooka kwamupolela, ncakwiila nsala ankoondo shenjila. Anu ngani weenga wamuumbulushaako?

Isaya 59:9

Bantu bakaamba ayi, “Anu nceceeco koombolosha kululame ncekwatutalamukila! Anu nceceeco kweenda cakubula kampenda ncekutabetele pafwaafwi aswebo! Tulacita ayi tulangoolewo mumuni, sombi tulacanabo munshinshe. Tuleelesha kulangila ayi mpashi kulatuba, sombi ndikwiindaawo akushiya.

Isaya 65:13

Paceebo ceeco Mwaami Lesa waamba ayi, “Basebenshi bangu balaakunoolya, sombi mwebo mulaakunoofwabo nsala. Basebenshi bangu balaakunoonwa, sombi mwebo mulaakunoofwabo nyotwa. Basebenshi bangu balaakunoosangalala, sombi mwebo mulaakulenshekwa nsoni.

Isaya 9:20

Kululyo balacana shakulya, sombi tabakuti. Kucipiko balacana shakulya, sombi balafwa nsala. Ono batoolya abana babo bakushala beene!

Isaya 9:21

Bene Manase abene Efuleemu babukilana beene abeene. Kuswawaawo bacatana pomwi akulwana bene Juda. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 52:6

Lyalo pabushiku bwasanu ashone, mumweenshi wane wa mwaaka uyo weenka, mundabala iyo nsala yakakomena abuumbi cakwaamba ayi bantu tebakalinga kucitewo cakulya naciceyi.

1 Samwelo 8:18

Ciindi ico cakushika mulaakutongooka cakulilaako ceebo ca mwaami ngomwakasala nobeene. Sombi Mwaami Lesa teshi akakutikeewo matongooshi anu.”