Isaya 8:20 - Baibo Busansulushi Bwa Libuku Ili

²⁰ Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Isaya 8:20 ပူးပေါင်းရင်းမြစ်များ

Esila 10:3

Anu atupange cipangano aLesa kwaamba ayi tutandaanye banakashi boonse abo pantu pomwi abana babo kweelana akuyanda kwanu a kwa baabo bamwi balemeka Milawo yakwe Lesa. Tutoocita kweelana aMilawo yakwe Lesa.

Kulumbaisha 119:130

Kupandulula maswi anu kulapa mumuni, kulapa busongo kuli baabo batabucite.

Kulumbaisha 78:5

Wakapa milasho kubamuluyungu lwakwe Jakobo. Wakapa milawo kubene Isilaeli. Wakalwiita bamashali besu bakulukulu ayi banokwiisha bana babo milawo iyo.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Isaya 1:10

Nobene Jelusalemu, amukutike shitokwaamba Mwaami Lesa. Amukutike mwebo nobaleli nomuli anga mbaleli bene Sodoma aGomola, ee, nobantu nomuli anga mbene Sodoma aGomola.

Isaya 8:16

Mwebo nobashikwiiya bangu, mulyeelete kulama akusunga kabotu maswi ayo Lesa ngwaandwiita.

Isaya 8:22

akulanga panshi cakushilika, sombi balaakunoobwenebo mapensho amunshinshe ushiya mbi. Ono mweenka umo mweshi bakashindikilwe.

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Jelemiya 8:9

Basongo banu balaakulenshekwa nsoni. Balaakulenshekwa buumba akucatwa. Abo bakakaka maswi a Mwaami Lesa, ino mbusongonshi mbobacite?

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Mika 3:6

Paceebo ceeco mashiku alaakwisa alimwi teshi muboneewo cili anga nciloto. Ncakwiila munshinshe ulaakwisa alimwi teshi mukasondeewo napaceyi. Lisuba lilaakwipila kubalaluki abo, ndushinisho kulaakuboolabo mbi kuli mbabo.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Mateyo 22:29

Sombi Jesu wakabakumbula ayi, “Mulilubite ceebo tamwishi Malembo akwe Lesa nabi nkusu shakwe.

Mateyo 6:23

Sombi na meenso anu katabete kabotu, nkokwaamba ayi mubili woonse ulaba mumunshinshe. Ono na mumuni waba munshinshe, ingayi munshinshe uyo ulaakubabo mbi!

Maako 10:3

Alakwe Jesu wakabakumbula ayi, “Ino ngumulawonshi Mose ngwaakamupa?”

Luka 10:26

Jesu wakamwiipusha ayi, “Ino muMilawo mulilembetwe buyani? Ino mulabelengamonshi?”

Joni 5:39

Mulabelengesha Malembo akwe Lesa kuyeeya ayi muli ngawo inga mwacana buumi butamaani. Sombi Malembo akwe Lesa eenka aya, ngaancitila bukamboni.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Bene Loma 1:22

Balo bakalinga kwaamba ayi, “Tuli basongo,” anu mbaluyabo.

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

2 Pita 1:9

Sombi mushomi utacite sheeshi shintu uli anga ngumoofu. Wakalubaako ayi wakasalashikwa kuswa kushibiibi shakwe shikulukulu.